PHILIPI 1:6 - Bawm Common Language Bible Version

⁶ Nanmah lakah thil ṭha dawmhtu nih khan Jisu Krist Ni tiang hen a rangtlingtir vima awt, chu tak chu ka lung thlir ruangah.

PHILIPI 1:6 ပူးပေါင်းရင်းမြစ်များ

SAM 138:8

LALPA, thu na tiamh mi zawzawng chu na ti lai le, na dâwtnâk a dawnglo. Na rianṭuan na dawmh mi chu lîm rawh.

JOHAN 6:29

Chun, Jisu nih an sinah, “Pathian rianṭuan chu hi hi asi, a fial mi hi zumh ule,” a ti le, a sâng.

THILTI 11:18

Chun, chubang thu chu an theih hen an dâisip rawh, “Chu hâwi asi chun Pathian nih Phundang tla nung ding hen rim a siang rawh ma chu!” ti hen, Pathian an sawr rawh.

THILTI 16:14

Chun, a min Lidia puan senduk zuartu Thiatira khua mi, Pathian sawnhtu nunau pakhat nih kan thu a theih le, chun Pawl thusim zûl ding hen Lalpa nih chun a thinlung a fiangtir rawh.

1 KORIN 1:8

Anih nih chun kan Lalpa Jisu Krist Ni ah chun simsâwi kawplo hen nan umnâk ding hen a dawngh tiang hen a nan birhtir na lai.

2 KORIN 1:15

Chun, chu lungnâk nei hen, malsâwmnâk letnih nan tawng khonâk ding hen nan sinah hawng masa sele, nanmah tla pal pah hen.

2 KORIN 2:3

Churuangah asi, kha lasuikuat kha nan sinah ka rîn mi kha, hawng ka lawmhtirtu mi zapi tla ber kan ngaihsiattir na ding hen nan sinah ka hawng kal ding hen ka duh lo; ka lâwmnâk chu nan ektê lâwmnâk asi ti ka theih ruangah.

2 KORIN 7:16

Zei leikâng zawng ah nan tlûnah ka lungngam ruangah kâ lâwm asi.

2 KORIN 9:4

chu hâwi asi lo chun Makedonia ram ah mi âu tla nih mawh an hawng ka zûl lebang chun timhtuah lo hen an muh na chun kannih, nannih kan tilo, hi kan zumh na nâk leikângah hin kan mualpho lebang lai.

GALATIA 5:10

Thil dangpi ah nan ngaih lai lo ti Lalpa lakah chun kei nih chun ka nan ruat na; sikhawmsele a nan nawktir natu chu âutal si sele a tlûnah thu tlû ding mi chu a tuar lai.

EPHESI 4:12

rian ṭuannâk ṭuan ding hen mi thenhlimh tla rangtlingnâk ding hen, Krist taksa remh ding hen mi zeimaw mi chu Mifial rangah, Khuavang rangah, Thâwngthâng Ṭha simtu rangah,

PHILIPI 1:29

Krist ruangah amah nan lung cho si lo hen amah ruangah nan tuar khawm siang asi;

PHILIPI 2:12

Chun, ka duhtak tla, thu nan zâwt kumza hâwi khan, ka um liau cho ah ṭuan lo hen, tu ka um lo kar hin ṭuan dauh lehlam hen, lâu leh thir bû hen nanmah ruangsuahnâk ṭuan u;

PHILIPI 2:13

amah lawmhkâng rangah ti tum ding leh ti ding hen nanmah lakah ṭuantu chu Pathian asi ruangah.

PHILIPI 2:16

chun, nabeibâng hen ṭuan khawm kasi lo ruangah Krist ni ah chun putso ding ka nei kho lai.

KOLOSA 2:12

baptisnâk ah khan a sinah phûm nan si bâk rawh le, chu lak ber ah chun mithi lakah mi amah thawhtu Pathian rianṭuan lung ruangah a sinah thawh nan si bâk kha.

2 THESALONIKA 1:11

Chu hâwi hen chawnglawmh leh chê asi khonâk ding hen kan Pathian nih a nan kawh na nâk ah chun kawh tlâk si hen an ruat kho na ding leh ṭhat duhnâk kip leh lungnâk rianṭuan kip a thiltikhonâk ah a lawhtlingtir khonâk ding hen thla kan cham piak kumza na tâwn hi.

2 THESALONIKA 3:4

Thu kan pêk na mi kha nan zâwt tâwn hen, nan zâwt vima ding hen Lalpa lakah kan zumh na asi.

PHILEMON 1:21

Ka sim mi ngâk a fâk dauh hen na ti lai ti ka theih ruangah rem na ti lai ti ruat hen na sinah ka hawng rîn asi hi.

HEBRAI 10:35

Chun, lâwmman cherkhet tawng ding mi lakah nan lungnâk thlâu lah u.

HEBRAI 12:2

Anih nih chun a mâilei ah lâwptlonâk um mi ruangah kraws ah thihnâk chu zei siarlo hen, tu ah Pathian laltophah vawrhlei ah a va to rawh.

1 PETER 5:10

Chun, Pathian zângfahnâk zawzawng a zungzâl rokualnâk ting ding hen Krist, a nan kawh natu nih chun sâwtlotê nan tuar nûnah siam rangtling hen, birhtir hen, a nan chaktir na lai.

2 PETER 3:10

Sikhawmsele, Lalpa Ni chu mifîr hâwi hen a hawng tlung lai. Chu ni tla chun vân tla chu rihâu fâk tak hen a tlâu lai le, veih asi lai; tual leh a sungah mi tla chu a kâng lai.