PHILIPI 1:27 - Bawm Common Language Bible Version

²⁷ Zeikhawm si sele, nan umdân chu Krist Thâwngthâng Ṭha hen a êp ta seh, chun, nanmah tla an veh na khawmsele, nan sinah um lo khawmsele thlarau munkhat ah dîr thlir hen thinlung munkhat ah Thâwngthâng Ṭha lungnâk thu chu ṭanh leh ṭuan dut hen,

PHILIPI 1:27 ပူးပေါင်းရင်းမြစ်များ

1 CHRONICLES 19:12

Joab nih Abisai sinah, “Siria mi nih hawng kan neh awt hen na kan muh chun, hawng le, hawng kan ṭangpi, Amon mi tla nih neh awt hen kan muh na chun, kan hawng lai le, kan ṭangpi na lai.

SAM 122:3

Jerusalem chu dawh tak leh nuam tak hen tharh mi khuapi asi.

SAM 133:1

Pathian mi tla rem tak leh nuam tak hen munkhat an um mi chu a chê a!

THUFING LASUIBU 22:23

LALPA nih an rangah an thunawk a dopi lai le, âuzawng anmah ṭhihtu chu a ṭhih na lai.

JEREMIA 32:39

Dam sungah tumnâk pakhat cho ka pêk na lai le; zeiliau zawng ah an hawng ka zah ding hen, anmah leh an thlâk tla ṭhatnâk ding hen.

MATHAI 12:25

Chun, Jisu nih an ruât mi tla chu a theih le, an sinah, “Zei ram khawm ah mah leh mah anna do mi zawng an vei tawn; zei khua khawm ah dawngkhat khawm mah leh mah anna do mi zawng an um khuasuak lai lo.

THILTI 2:46

Chun, nisiar thinlung munkhat hen Pathian Biakin ah chun ṭhanem ngâi tak hen an um tâwn le, an in lei tla khawm ah sang an phel le, lâwptlo leh lungâwi tak hen buh an ei tâwn le,

THILTI 24:24

Chun, ni zeimaw zat nûnah Felik chu a nupi Drusila, Juda nunau hen an hawng. Pawl chu a kawhtir le, Krist Jisu lungnâk thu chu a ngâi.

THILTI 4:32

Chun, a lungtu mi zapi tla chu thinlung munkhat leh dawnruatnâk munkhat hen an um; an lakah pakhat khawm nih an thil neih, “Ka tâ bîk asi,” an ti lo; thil zawzawng anna bâwm ver tâwn.

ROM 1:16

Thâwngthâng Ṭha ah zumhnâk rangtling ka nei: âuzawng a lungtu zawng rangah ruangsuah ding hen Pathian thiltikhonâk asi, a tîrah Juda tla rangah asi le, chun Phundang tla rangah khawm asi.

ROM 1:5

A min ruangah lungnâk chu phun kip lakah mi lungtir hen, amah ruangah chun, zângfahnâk leh mifial sinâk ka ting rawh.

ROM 1:9

Ka thlachamnâk lakah chun bâng lo hen nan min ka lam tâwn le, tutan hin nan sinah ka hawng kalnâk ding hen Pathian thu thu hen tlâwngnâk tik ka tawng rarâm khonâk ding hen ka deih tâwn ti a Fapa Thâwngthâng Ṭha ah ka thlarau ah a rian ka ṭuan tâwn mi Pathian chu a theihtu asi.

ROM 10:8

Asi chun zei me a sim? “Thu nih chun a nan naih, na kâ leh na thinlung khawm ah a um,” ti hen a sim asi; chu chu lungnâk thu kan sim tâwn mi hi asi.

ROM 15:29

Chun nan sinah ka hawng kal tikah Krist thawng thang ṭha malsâwmnâk rangtling put hen ka hawng kal lai ti ka theih.

1 KORIN 1:10

Chun, unau le tla, nan ektê hen thu bang cho nan sim hen, nan lakah ṭhennâk rêng a um lonâk ding hen, thinlung munkhat leh dawnruatnâk munkhat hen nanna tlâi thlir khonâk ding hen kan Lalpa Jisu Krist min hen ka nan ngiar na.

1 KORIN 15:58

Churuangah, ka unau duhtak le tla, bir tak hen, changh kho lo rê hen, Lalpa rian ṭhanemngâi tak a ṭuan kumza hen um u, nan ṭuan hamhnâk chu Lalpa ah chun a thawt dahlo ti nan theih asi.

2 KORIN 13:11

A dawnghchem ah chun unau le tla, lâwm tak hen um u. Ṭhat rangtling hen um ule; lungngam tak hen um ule, thinlung munkhat put ule, lungrual tak hen um u; chun zângfahnâk 1eh remnâk Pathian chu nan sinah a hawng um lai.

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

2 KORIN 9:13

Hi rianṭuannâk nih hin a nan nik na ruangah Krist Thâwngthâng Ṭha leikângah nan thinlung nan zâwt zia ruangah leh anmah tla rangah leh mi zawzawng rangah thawhlâwmnâk ah nan thil siang tla ruangah hin Pathian an rokualtir tâwn asi.

GALATIA 1:7

Chu chu Thâwngthâng Ṭha dangtir duh mi âumawh an um mi ruangah asi.

EPHESI 1:13

Amah lakah nannih khawm thudik chu nan ruangsuahnâk Thâwngthâng Ṭha chu nan ngâi hen, lung khawm nan lung nûnah amah lakah Thlarau Thenhlimh tiamh hen chun singsiah hen nan um kha.

EPHESI 1:15

Churuangah, kei khawm nih Lalpa Jisu lungnâk nan lakah um, Pathian mi le tla zawzawng tlûnah zângfahnâk nan langhtir tâwn mi tla chu ka theih hen,

EPHESI 4:1

Chun, a nâutirnâk leh thu tang dawnhnâk zawzawng nei hen zângfahnâk ah a dawnh tawnh bû hen,

PHILIPI 2:12

Chun, ka duhtak tla, thu nan zâwt kumza hâwi khan, ka um liau cho ah ṭuan lo hen, tu ka um lo kar hin ṭuan dauh lehlam hen, lâu leh thir bû hen nanmah ruangsuahnâk ṭuan u;

PHILIPI 2:24

Sikhawmsele, keimah tak khawm sâwtlotê ah hawng kal ding hen Lalpa ah chun ka ruat thlir asi.

PHILIPI 3:18

Mi tam tak an kal le, chu tla chu Krist kraws mêlma an si hi an thâwngthâng kan simh nget na mi kha, Tuah khawm ṭap bû hen kan simh na hi;

PHILIPI 3:20

Kannih lam chu kan khawsaknâk chu vân ah asi; chu thawk ber chun Ruangsuahtu, Lalpa Jisu Krist hawng kal ding mi chu mawhlah tak hen kan ngâk kumza asi.

PHILIPI 4:1

Churuangah, ka unau duhtak leh ngâi tak, ka lâwmnâk leh ka lallukhuh tla, chu hâwi chun Lalpa ah bir tak hen dîr u, ka duhtak tla.

KOLOSA 1:10

Chun rianṭuan kip ah rah hen Pathian theih rangtlingnâk ah mavua dadauh hen lâwm tak a felfênâk leh dawnhkhonâk kip nei kho ding hen a rokualnâk chak zia hâwi vima a chaknâk kip ah chak hen, Pa, chêu ah mi thenhlimh tla ro chu bâwm bâk tlâk a hawng kan siamtu sinah chun lâwmthu simh hen zeizawng lakah amah lungâwitir ding hen Lalpa zûl tlâk hen nan um kho lai.

1 THESALONIKA 3:6

Sikhawmsele, Timothe chu nan sin thawk hen tuah kan sinah a hawng tlung hen, an muh na ding kan duh hâwi hen thungâi hawng kan muh ding duh hen zângfah tak hen hawng kan theih tâwn tih thu leh, nan lungnâk leh zângfahnâk thâwngthâng lawmhkâi hawng kan put.

1 THESALONIKA 4:1

Chun, unau le tla, a dawnghchem ah chun, nan umdân ding leh Pathian nan lawmhtir ding dân, tuah nan umdân hâwi hi kan sinah mi nanna ting hâwi khan nan châwng khunnâk ding hen Lalpa Jisu ah kan ngiar na hen kan fawrh na asi.

1 TIMOTHE 1:11

âwkrâwl a siatsirhtu tla, sawrtlâk Pathian Thâwngthâng Ṭha rokual sîntirnâk dik ka sinah kiltir mi hâwi silo hen, thil dang a um mi tla zawzawng rangah siam asi.

1 TIMOTHE 1:19

lungnâk leh sia leh ṭha theihnâk thiang tak tleih thlir hen, mi zeimaw mi nih chubang chu lawnh hen lungnâk leikângah lawng kuai hâwi hen anna râwk rawh.

2 TIMOTHE 4:7

Zuamnâk ṭha chu ka ti thluh rawh; ka tekzuamnâk chu ka zawh rawh le, lungnâk chu ka kil ving rawh asi;

JEM 3:18

Remnâk siamtu nih remnâk chi a tuh mi chu a rangah repnâk asi.

2 PETER 3:11

Chu zawng thil tla chu râwk a hawng si rawh chun zei hâwi hen um ding mi minung me nan si lai rawh ne?

2 PETER 3:14

Churuangah, duhtak le tla, chu Ni nan ngâk ruangah Pathian mitmuh ah thenhlimh leh sual lo hen a sinah lungngam tak hen nan um khonâk ding hen a ṭang u.

JUD 1:3

Duhtak le tla, kanna ting chiau mi ruangsuahnâk thu nan sinah rîn ka tum liauah, mi thenhlimh tla sinah lungnâk veikhat pêk rawh mi thu ah lungnâk ruangah râltuk ding hen an fawrh na ding hen nan sinah lasuikuat rîn ding hen a herh ti ka theih.