PHILIPI 1:20 - Bawm Common Language Bible Version

²⁰ tu khawm ah nungnâk ruangah mawh thihnâk ruangah mawh ka taksa ah Jisu chawnglawmh hen a um dauh awt ti ka lungumnâk leh ka duhnâk hâwi vima hen.

PHILIPI 1:20 ပူးပေါင်းရင်းမြစ်များ

SAM 119:116

Na thutiam hâwi hen chaknâk hawng ka pêk le; ka nung lai, Ka lungumnâk lakah hin lungdawng hen hawng ka siam lah.

SAM 119:80

Na dân thu chu rangtling tak hen zûl ding leh chu hâwi ningzakkâi tak hen neh kasi lo ding hen hawng ka siam.

SAM 25:2

Ningzakkâi tak hen neh ka siding mi lakah hawng ka hum; ka mêlma nih an mitsen hen an ka zauh ding siang lah!

SAM 62:5

Pathian lak cho ah ka ngauh, amah lakah ka lungumnâk ka siah.

THUFING LASUIBU 10:28

Mi ṭha lungumnâk nih lâwmnâk leiah a kalpi le, sikhawmsele, misual tla nih an mâilei thil zeikhawm silo mi an zauh.

THUFING LASUIBU 23:18

Chu hâwi asi chun na mâilei rangah chêu na nei mi asi lai.

ISAI 45:17

Sikhawmsele Israel chu LALPA nih a hum le, zungzâl hen nehtu asi; a mi tla chu zei liau khawm ah an mualpho lai lo!’ ” a ti.

ISAI 50:7

LALPA zahkâi nih a hawng ka ṭangpi ruangah an hawng ka zauhnawmhnâk chu ka rangah a fâk lo. Tuar kho rarâm ding hen ka tum.

ISAI 54:4

Ṭih lah, ningzak saih hen na um lai lo rawh le nâutir khawm na si lai lo rawh. Nupi seino tê hâwi hen zumh na kâi lonâk leh numei hâwi hen thim pem hen na um mi tla chu na philh lai rawh.

JOHAN 21:19

(Chubang thu chu zei hâwi a thihnâk hen me Peter nih Pathian a chawnglawmh lai ti theihtirnâk ding hen a sim asi.) Chun, chu chu a sim thluh rawh chun, Jisu nih a sinah, “Hawng ka zûl,” a ti.

THILTI 20:24

Sikhawmsele, ka tekzuamnâk lampi ka mabân lîm ding leh Pathian zângfahnâk Thâwngthâng Ṭha theihtir ding hen, Lalpa Jisu sinah kha bang rianṭuannâk rian ka tawng mi kha ṭuan dih tâ sele ka nungnâk khawm unh tlâk ah ka ruat lo.

THILTI 21:13

Chun, Pawl nih a sâng le, “Zei rangah nan ṭap le, nan ka ngaihsia tir? Lalpa Jisu min ruangah chun Jerusalem khua ah phuar cho tâwk ka ti lo le, thih khawm ka iam asi,” a ti.

THILTI 4:31

Chun, thla an cham thluh nûnah anna pûmnâk mun chu a hawng a nîn le, an ektê hen Thlarau Thenhlimh hen an hawng khat le, râlṭha tak hen Pathian thu an sim rawh.

ROM 12:1

Chun, unau le tla, Pathian khuaruatnâk ruangah hin bâwlnâk nung leh thenhlimh leh Pathian lawmh tlâk siding hen nan taksa chu pêk ding hen ka nan ngiar na asi, chu chu nan rianṭuan ding rêng asi.

ROM 5:5

Chun, Thlarau Thenhlimh kan sinah hawng kan pêk mi nih khan Pathian dâwtnâk chu kan thinlung ah a khattir rawh ruangah lungumnâk nih chun a mualphotir lo.

ROM 6:13

Nan taksa ṭeng tla khawm replonâk ruakhâu rang ding ah sualnâk ah pêk siang lah u; khawmsele, mithi lakah mi nung nawlh hâwi hen Pathian sinah a pêk ule, nan taksa ṭeng tla khawm chu repnâk ruakhâu rang ding ah Pathian sinah pêk siang dauh u.

ROM 6:19

Nan taksa ṭeng tla chu nâwmtâmnâk ah leh buarnâk ding hen buarnâk sal ah nanna pêk siang hâwi khan, tuah nan taksa ṭeng tla chu thenhlimhnâk ding hen repnâk to-aw ah pêk siang u.

ROM 8:19

Thilsiam zawzawng tla nih chun thungâi lungum bû hen Pathian fa tla hawng langhnâk chu thungâi an mawhlah asi.

ROM 9:33

Pathian lasui thu nih: “Zauhnik, Zion ah chun tlûknâk lung leh khamnâk lungpi ka siah le, âuzawng amah lungtu vial chu an lungdawng lai loh,” ti hen a sim hâwi khan.

1 KORIN 15:31

Unau le tla, Krist Jisu kan Lalpa ah chun ka nan putso na nâk chu sâl hen, “Nisiar hen ka thi tâwn,” ka ti asi.

1 KORIN 6:20

Churuangah, nan taksa hen Pathian chawnglawmh u.

1 KORIN 7:34

Pasal nei lo mi nih chun a taksa leh a thlarau ah chun thenhlimh tak hen a um khonâk ding hen Lalpa lei thil chu a lungkham tâwn; pasal nei mi lam nih chun a pasal lawmh kho zia ding hen laikulh lei thil chu a lungkham dauh tâwn.

2 KORIN 10:8

Kan thuneihnâk nanmah siatnâk ding silo hen nanmah siamṭhatnâk ding dauh hen Lalpa nih hawng kan pêk mi hi a putso khun khawmsele ka mualpho awtlo le,

2 KORIN 3:12

Chun, chu hâwi lungumnâk kan nei ruangah zeizawng kan sim tâwn asi, Mosi ti hâwi khan kan ti lo;

2 KORIN 4:10

Kan taksa ah hin kumleza hen Jisu thihnâk chu kan put vima tâwn le, Jisu nungnâk khawm kan taksa ah hin a lang khonâk ding hen.

2 KORIN 5:15

Chun, a nung mi tla chu anmah rangah nung an si lo rawh le, an thih ruangrûl ah thi hen thawknawlh mi rangah chun an nung dauhnâk ding hen asi, mi zawzawng ruangrûl ah asi a thi mi chu.

2 KORIN 7:14

A sinah zei leikâng khawm ah nanmah tla an putso na khawmsele ka mualpho lo; mualpho ngangâk hen zeizawng nan sinah thu tatak kan sim tâwn hâwi khan Tita mâika ah kan putso mi chu thu tatak a hawng si taktê.

2 KORIN 7:4

Nannih leikângah chun ka sim ngam tuktarâi, ka nan putso na zia hi a fâk asi; lungngamnâk hen ka khat le, kanna hamhnâk zawzawngah chun lâwmnâk hen ka khat.

PHILIPI 1:14

Lalpa ah unau tam dauh khawm nih ka rêngkhimh tla ruangah lung thlir hen ṭih lo hen Pathian thusim leikângah an râl a ṭhat zia a fâk khun asi.

PHILIPI 2:17

Asi, nan lungnâk hâwlnâk leh rianṭuannâk lakah chun tawih hen um menza khawmsele ka lâwm asi, nan ektê hen ka nan lawmhpi ber na.

KOLOSA 1:24

Tuah ka nan tuar piak na mi lakah hin ka lâwm, Krist hamh tuar mabân chu ka taksa ruangah ka tîttak ah hin ka zulhpeh vima asi;

1 THESALONIKA 5:23

Chun remnâk Pathian tak nih nan pum hen an thenhlimhtir na seh; chun, nan thlarau leh nan thinlung leh nan taksa chu kan Lalpa Jisu Krist a hawng kal tik chun simsâwi kawplo hen a pum hen hum hen um seh.

1 PETER 4:16

Sikhawmsele, Kristian na si ruangah na tuar chun ningzak lah, Krist min hen na tuar ruangah chun Pathian sinah lâwmthu sim lehlam rawh.

1 JOHAN 2:28

Fa le tla, amah ah um kumza u, amah a hawng a langh tikah ningzak lo hen râlṭha tak hen kan um kho lai.