PHILIPI 1:1 - Bawm Common Language Bible Version

¹ Pawl leh Timothe, Krist Jisu ah to-aw tla nih chun: Krist Jisu ah mi thenhlimh, Philipi khua ah um zawzawng tla sinah, kawhmi hotu tla leh rianṭuantu tla sinah khawm.

PHILIPI 1:1 ပူးပေါင်းရင်းမြစ်များ

MARK 13:34

Mi, a in kaltâk hen, a sal tla chu thuneitir hen, an rianṭuan ding pêk chiau hen, inkhâr vêngtu khawm râlring ding thu pêk tâ hen, ram lât takah khualtlâwng ving mi hâwi asi.

JOHAN 12:26

Âuzawng nih ka rian a ṭuan chun hawng ka zûl seh; ka umnâk ah ka to-aw khawm a um lai. Âuzawng nih ka rian a ṭuan chun anih chu Pa nih a chawnglawmh lai.

THILTI 1:20

“Sawrnâk labu ah hi thu hi rîn asi: ‘A umnâk a karo hen um seh, chun a sungah âukhawm um lah seh,’ ti leh ‘A hotu sinâk midang nih ting seh,’ ti hi.

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

THILTI 9:13

Chun, Anania nih chun, “Lalpa, chu minung chu Jerusalem ah na mi thenhlimh tla lakah a sual tam zia thu mi cherkhet kâ ah ka theih asi.

ROM 1:1

Pawl, Jisu Krist to-aw, mifial siding hen kawh mi, a Thâwngthâng Ṭha sim ding hen Pathian nih a kawh mi nih chun:

ROM 1:7

Churuangah nannih Rom khua ah um mi tla, Pathian nih a dâwt mi tla leh amah mi tla siding hen kawh mi tla zawzawng sinah ka rîn asi: Pathian kan Pa leh, Lalpa Jisu Krist sinah thawk hen zângfahnâk leh remnâk nan sinah um seh.

1 KORIN 16:10

Chun, Timothe kha a hawng tleng chun ngamh tak hen nan sinah a um khonâk ding hen hawng lawmh u; kei nih ka ṭuan hâwi ber hen Lalpa rian chu a ṭuan asi.

2 KORIN 1:1

Pawl Pathian duhzia a Krist Jisu mifial leh kan unaupa Timothe nih chun: Korin khua ah Pathian kawhmi um tla sinah leh Gris ram zawzawngah mi thenhlimh um zawzawng tla sinah chun:

GALATIA 1:10

Asi chun, tuhin minung ma kan lêm, Pathian? Asi lo leh, minung ma lawmhtir kan tum ne? Minung lawmhtir hen um sele Krist to-aw kasi lai loh.

GALATIA 3:26

Krist Jisu lung ruangah Pathian fa tla nan si ver.

GALATIA 3:28

Chunah chun Juda mi a um kho lo le, Greek mi khawm a um kho ber lo, chunah chun to-aw a um kho lo le, to-aw lo khawm a um kho ber lo, chunah chun mipa leh nunau khawm a um kho ber lo; Krist Jisu lakah nan ektê hen pakhat nan si ruangah.

EPHESI 1:1

Pawl, Pathian duhzia hen Krist Jisu mifial nih: Pathian mi tla Ephesi khua ah um mi tla, Krist Jisu ah mi zumhkâi le tla sinah chun--

EPHESI 1:15

Churuangah, kei khawm nih Lalpa Jisu lungnâk nan lakah um, Pathian mi le tla zawzawng tlûnah zângfahnâk nan langhtir tâwn mi tla chu ka theih hen,

EPHESI 6:24

Kan Lalpa Jisu Krist chuai lo hen a zângfahtu zawzawng tla sinah dâwtnâk um seh.

PHILIPI 2:19

Sikhawmsele, nan thâwngthâng ka theih hen, ka lungngam kho bâk ding hen sâwtlotê nûnah Timothe hi nan sinah fial ding hen Lalpa Jisu ah chun ka lungum asi.

PHILIPI 2:5

Hi thinlung, Krist Jisu khawm ah um mi kha nanmah lakah um seh:

PHILIPI 3:12

Ka ting rawh ka ti mi lam chu asi lo le, rangtling kasi khawm ka ti mi si lo, “Krist nih a ka tleih san chu ka tleih kho lai mawh,’’ ti hen a ṭhâwl hen ka ṭhâwl dauh asi.

PHILIPI 3:3

Kannih Pathian Thlarau zârah Pathian sawnh leh Krist Jisu putso leh taksa tlûnah rinhsannâk ngauh lotu tla hi fêmtan tla kan si dauh asi.

PHILIPI 3:8

asi chiammâm, ka Lalpa Krist Jisu theihnâk rokual khun ruangah thil zeizawng khawm dawknâk ah ka ruat asi; amah ruangah thil zeizawng ka dawk ver le, chubang chu thanawmrawpâi tluk cho ah ka ruat le,

1 THESALONIKA 1:1

Pawl, Silas leh Timothe nih chun: Pa Pathian leh Lalpa Jisu Krist ah Thesalonika khua mi kawhmi tla sinah: Zângfahnâk leh remnâk nan sinah um seh.

1 THESALONIKA 2:2

a thawt ngangâk hen, chu lân chun nan theih rawh hâwi hen Philipi khua ah hamh tuar leh ningzakkâi tak hen siam kan si nûn khan nawk tak bû khawm hen Pathian Thâwngthâng Ṭha nan sinah sim ding hen kan Pathian lakah chun kan râl a ṭha lehlam kha.

2 THESALONIKA 1:1

Pawl leh Silas leh Timothe nih chun, Pathian kan Pa leh Lalpa Jisu Krist ah Thesalonika khua mi kawhmi tla sinah:

1 TIMOTHE 1:2

Lungnâk ah ka fa duhtak Timothe sinah: Pathian, Pa leh Krist Jisu kan Lalpa sinah thawk hen zângfahnâk khuaruatnâk leh remnâk um seh.

1 TIMOTHE 3:8

Chu hâwi ber hen kawhmi tla rianṭuantu tla chu mi zahkâi an siding asi; mi ka tam, zû duh mi, lêpnâk nâwmtâm ah hamkah mi an siding asi loh.

TITA 1:1

Pawl, Pathian to-aw, zungzâl nungnâk lungum hen, Pathian thîm mi tla lungnâk leikângah leh Pathian sunhsak leikâng thudik theihnâk leikângah, Jisu Krist mifial ber nih chun,

TITA 1:7

Kawhmi hotu chu Pathian sum zauhkhenhtu asi ruangah simsâwi kawplo mi asi ding asi: mi simhhar, thintâwi, zûrît mang, mi vuak mang, lêpnâk nâwmtâm lakah hamkah mi asi ding asi loh.

PHILEMON 1:1

Pawl, Jisu Krist ah rêngtlâ leh kan unaupa Timothe nih chun– Kan duhtak leh kan rianṭuanpi hâwi Philemon sinah leh kan farnu Aphia sinah leh kan kawrsen hâwipa Arkipa sinah leh,

HEBRAI 13:23

Kan unaupa Timothe kha rêngin ah mi an suah rawh ti hawng theih u. A hawng tuan chun amah hen kan hawng lai le, ka nan muh na lai.

JEM 1:1

Jem, Pathian leh Lalpa Jisu Krist to-aw nih Pathian mi phun leinih laikulh pumpi ah anna rekrâwi mi tla chu chibai a bûk na.

1 PETER 2:25

Dawrâ tla lampi an vâi mi hâwi nan si. Sikhawmsele, tuah lam chun nan thlarau tla Kiltu leh Dawrâpu chu zûl ding hen kîrtir nan si rawh.

2 PETER 1:1

Simon Peter, Jisu Krist to-aw leh mifial thawk hen chun Jisu Krist kan Pathian leh ruangsuahtu repnâk ruangah zumhnâk sung tak kanna ting mi hâwi ting bâk mi tla sinah,

JUD 1:1

Jud, Jisu Krist to-aw leh a unaupa Jem nih chun- Pa Pathian zângfahnâk leh Jisu Krist kilkâwinâk ah um mi, kawhmi tla sinah chun:

THUPHUANG 1:1

Jisu Krist thuphuang, Pathian nih a to-aw tla theihtir ding hen a sinah a pêk mi, thil hawng um sawm ding mi thu chu asi. Chu chu, a vânmifial mang hen, a to-aw Johan a hawng theihtir le,

THUPHUANG 1:20

ka kut vawrhlei ârfi pasarih tla leh ngûn meichêu siahnâk pasarih na muh mi thuthup chu; ârfi pasarih tla chu kawhmi pasarih vânmifial tla an si, meichêu pasarih chu kawhmi pasarih tla chu an si.

THUPHUANG 19:10

Chun, amah chu sawnh ding hen a kebul ah ka kûn le, sikhawmsele, anih nih ka sinah, “Kha hâwi hen ti lah, kei chu nangmah unau leh Jisu thusim zâwttu tla hâwi hen to-aw kasi, Pathian lam sawnh rawh,’ a ti. Jisu nih thudik a sim mi chu khuavâng tla lakah thaw khumh hen thu sim asi.

THUPHUANG 2:12

“Chun, Pergamos khua kawhmi, vânmifial sinah chun rîn rawh: “Nâmsâu hâr nih nei mi nih khan hi bang thu hi a sim asi.

THUPHUANG 2:8

“Chun, Smirna khua kawhmi vânmifial sinah chun rîn rawh: “Masachem leh madung chem a thi le, a nung nawlh mi nih khan hi bang thu hi a sim asi.

THUPHUANG 22:9

Chun, anih nih chun ka sinah “Hi hâwi hen ti lah, kei chu nangmah leh na unau khuavâng tla leh hi lasuibu thu zûltu tla hâwi hen to-aw kasi bâk, Pathian sawnh dauh rawh,” a ti.