PHILEMON 1:16 - Bawm Common Language Bible Version

¹⁶ Sikhawmsele, to-aw hâwi silo rawh hen, to-aw ngâk a ṭha, Krist ah unau duhtak hâwi hen ngaih le; Lalpa lakah chun sal leh unau kan sinâk chu kei sin ngâk chun nang sinah asi dauh.

PHILEMON 1:16 ပူးပေါင်းရင်းမြစ်များ

MATHAI 23:8

Nannih lam chu ‘Sîntirtu,’ ti ding hen um lah u, an sîntir natu chu pakhat asi le, nannih vial chu unau nan si.

THILTI 9:17

Chun, Anania chu a va kal le, in ah a lût. Chun, a tlûnah a kut a thâng le, “Ka nau Sawl, na mit deinâk ding leh Thlarau Thenhlimh khat hen na um khonâk ding hen, Lalpa, na hawng kalnâk lampi ah na sinah â langh mi Jisu nih khan hawng ka fial asi,” a ti.

1 KORIN 7:22

Sal ah um mi Lalpa nih a kawh mi chu Lalpa sal suaktir asi; chu hâwi ber hen sal silo hen kawh mi chu Krist sal asi.

KOLOSA 3:22

Sal le tla, taksa a nan hotu le thu hi zeizawng ah zâwt u, minung lawmhtirtu tla hâwi cho hen mit rianṭuan lo hen thinlung pakhat put hen Lalpa ṭih bû hen zâwt dauh u.

1 TIMOTHE 6:2

Chun, sal, lungtu, hotu nei mi tla nih chun unau an si ruangah siarlo lah na seh, sikhawmsele mavuanâk tawngtu tla chu lungtu leh duhtak tla an si ruangah an rianṭuan khun na seh. Chubang thu chu sîntir le, fawrh rawh.

HEBRAI 3:1

Pathian kawh bîk mi, Kristian ka unau tla Bâwlpu Lalchem siding hen Pathian nih a fial mi, kan zumh mi Jisu chu zauhnik u!

1 JOHAN 5:1

Âuzawng “Jisu chu Mesia asi” ti lungtu chu Pathian fa asi, âuzawng a pa zângfahtu nih chun a fa khawm a zângfah asi.