OBADIAH 1:9 - Bawm Common Language Bible Version

⁹ Teman a mi râltuktu tla chu lauh an si lai. Edom ram ah kawrsen zawzawng thah an si lai.

OBADIAH 1:9 ပူးပေါင်းရင်းမြစ်များ

JOB LASUIBU 2:11

Job hâwi pathum, Eliphaz chu Teman khuapi mi asi le, Bildad chu Suah ram ah mi asi, Zophar chu Naamah ram ah mi asi. Job thil tuar fâk zia an theih le, amah thlangamh ding hen kal an tum.

JEREMIA 49:20

Churuangah Edom mi tla tlûnah thil ka tum mi leh Temon khuapi a mi minung sinah ti ding ka tum mi chu ngâinik u. An fa tla tiang kalpi hep hen a um lai le, mikip an lâu lai.

JEREMIA 49:22

Mêlma tla nih Bozra chu mupi nih a thla a pharh hen â thlûr le, a nam mi hâwi hen a do lai. Chu ni ah chun Edom kawrsen tla chu nunau nganfâk mi hâwi hen an lâu lai,” a ti.

JEREMIA 49:7

Hi hi LALPA Zeizawng tikho nih Edom thu a sim mi chu asi: “Edom mi tla nih an lâirêlnâk ṭha an thlâu rawh na maw? Simhtu nih ti ding mi chu an simh kho na lo rawh ma? An finghnâk zawzawng a vei rawh na maw?

EZEKIEL 25:13

Tuah Edom mi tla chu ka rêp na hen minung leh ran chunah um mi tla chu ka thah na awt ti ka sim asi. Teman khuapi thawk hen Dedan khuapi tiang ka veih lai le, minung tla khawm tuknâk ah an thi lai.

AMOS 1:12

Churuangah Teman khuapi leh Bozrah in kulh tla chu mei hen ka duah awt,” a ti.

AMOS 2:16

Chu ni ah chun kawrsen râlṭha chem men an râlthuam an mâk thlap lai le, an tek lai,” LALPA nih a sim mi asi.

OBADIAH 1:21

Jerusalem ah mi nehtu tla nih Edom ram an do lai le, an tlûnah lâi a rêl lai. LALPA amah tak chu Lal asi lai.”

OBADIAH 1:5

Zân ah mifîr kal mi tla khawm nih an duh mi cho an lâk. Mi nih grep an kawih khawm ah tâwm chu an mâk. Sikhawmsele na mêlma tla nih chun an lâwm phin lai.

NAHUM 3:13

Na kawrsen tla chu nunau hâwi hen an um lai le, na ram tla chu na mêlma lakah vêngtu lo hen an um lai, mei nih na kulh kawtkâ renh tla a khangh hep lai.

HABAKUK 3:3

Pathian chu Edom ram thawk hen a hawng nawlh le; Pathian thenhlimh chu Paran tlâng thawk hen a hawng. A rokualnâk nih vân a khuh le, tual chu amah sawrnâk hen a khat.

DEUTERONOMY 2:5

sikhawmsele, annih tla hen nanna do ding asi lo, an ram chu feet khat khawm ka nan pêk na awt lem lo ruangah. Edom ram chu Esau thlâk rangah ka pêk mi asi.