NUMBER 7:12 - Bawm Common Language Bible Version

^12-83 Hi hâwi hen an thilpêk tla chu a sang sang hen an pêk asi: Ni Phun Hotu 1 nâk Juda Aminadab fapa Nason 2 nâk Isakar Zuar fapa Nethanel 3 nâk Zebulun Helon fapa Eliab 4 nâk Reuben Sedeur fapa Elizur 5 nâk Simeon Zurisadai fapa Selumiel 6 nâk Gad Deuel fapa Eliasap 7 nâk Efraim A ihud fapa Elisama 8 nâk Manaseh Pedazur fapa Gamaliel 9 nâk Benjamin Gideoni fapa Abidan 10 nâk Dan Amisadai fapa Ahiezer 11 nâk Aser Okran fapa Pagiel 12 nâk Naphtali Enan fapa Ahira. An ap mi kip â bang hep: tangka khêng pakhat kilogramme 1.5 rih leh tangka mâihûm pakhat gramme 800 rih khingh dân hen, fâng ap mi rangah sangvut sariak hen chawmh mi; ngûn khêng pakhat gramme 110 rih, rimthâw hen khat mi; duahphung thil ap rangah chawchal tuai pakhat, dawrâ chal pakhat leh kum khat mi dawrâ fa; sual thil ap rangah kêl pakhat; kawmhnâk thil ap rangah chawchal panih, dawrâ chal panga, kêl panga, dawrâ fa kum khat mi panga.

NUMBER 7:12 ပူးပေါင်းရင်းမြစ်များ

GENESIS 35:22

Jakob chu chu ram ah a um liau chun, Reuben nih a pa nupisûn Bilhah chu a ihpi le, Jakob nih a theih le, thungâi a thinthawk. Jakob nih fapa leinih a nei.

GENESIS 35:23

Leah fa tla chu, Reuben, (Jakob fapa upachem), Simeon, Levi, Juda, Isakar, leh Jebulun.

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

GENESIS 49:8

“Juda nang chu na unau tla nih an sawr lai. Na leido tla chu an ngâwng lakah na tleih na. Na unau tla nih mâi an mûk lai.

NUMBER 1:5

Hi bang tla hi anmah phun lakah mi ruitu hi rianṭuan ding hen zapi minung thawk hen thîm mi tla chu an si: Phun Chikhat lakâh a lû dauh Reuben Sedeur fapa Elizur Simeon Zurisadai fapa Selumiel Juda Aminadab fapa Nason Isakar Zuar fapa Nethanel Zebulun Helon fapa Eliab Efraim Amihud fapa Elisama Manaseh Pedazur fapa Gamaliel Benjamin Gideoni fapa Abidan Dan Amisadai fapa Ahiezer Aser Okran fapa Pagiel Gad Deuel fapa Eliasap Naphtali Enan fapa Ahira

NUMBER 10:14

an kal kip ah thupêk hâwi hen bang khap hen an kal. A masa chem ah Juda phun tla anna thawh masa le, a murui a murui hen, Aminadab fapa Nason thupêk hâwi vima hen.

NUMBER 2:3

Suahlei kângah Juda tla chu mah murui puanzâr tang chiauah an murui hotu tang chiauah hi hâwi hen an um ding asi. Phun Ruitu Minung zat Juda Aminadab fapa Nason 74,600 Isakar Zuar fapa Nethanel 54,400 Zebulun Helon fapa Eliab 57,400 A ektê fawnh hen: 186,400 A masa chem ah Juda murui kal ding.

NUMBER 7:11

LALPA nih Mosi sinah, “Ni leinih karah nisiar hen ruitu pakhat vima nih mâichâm apnâk rangah thilpêk tla chu pêk ding hen simh na,” a ti.

LUK 3:32

chu chu Jese fa asi le, chu chu Obed fa asi le, chu chu Boaz fa asi le, chu chu Salmon fa asi le, chu chu Nason fa asi le,