NUMBER 6:9 - Bawm Common Language Bible Version

⁹ A kiangah minung mawhsareh hen a thih nawh ruangah â thleinâk sam chu a nâwm mi asi chun, ni sarih a ngâk lai le, a sam leh a khamul chu mêt hen dân hâwi hen a hawng thiang lai rawh.

NUMBER 6:9 ပူးပေါင်းရင်းမြစ်များ

EZEKIEL 44:27

chu tikah Biakin kulh sungah a va lût lai le, a thianhtirnâk bâwlnâk a va ap lai le, chu tikah Biakin ah rian a ṭuan nawlh kho lai rawh. Kei, LALPA Zahkâi nih ka sim asi.

LEVITICUS 14:8

Chu minung pa nih a puan a suk hen a mul tla a mêt hen tak â khawlh lai le, chu tikah a thiang mi asi lai rawh. Riakmun ah a lût kho lai rawh, sikhawmsele, ni sarih kar chu a puanin lênglei ah a um rih ding asi.

LEVITICUS 14:9

A ni sarih ni ah a lû a mêt lai le, a khamul, a mit tlâng mul, a taksa mul zawzawng a mêt hep ding asi; a puan a suk lai le, tak â khawlh lai le, a thiang lai rawh.

NUMBER 6:18

LALPA Puanin mâika ah Nazirit mi nih chun a sam tla a mêt lai le, kawmhnâk thil ap duah mi lakah a paih ding asi.

NUMBER 6:8

Nazirit asi kar vial chu LALPA rangah thenhlimh asi.

THILTI 18:18

Chun, chu nûnah chun Pawl chu ni sâwt tak a châm ko le, Churawhchun, unau tla chu hâwlh ṭha hen a ṭhen na le, chu thawk hen Priskili leh Akuila hen Siria ram leiah lawng hen a kal rawh. Pawl nih thutiamh a nei ruangah Kenkriai khua ah a lû a mêt ta.

THILTI 21:27

Chun, ni sarih chu a tling awt bâiah Asia ram ah Juda tla nih chun Pawl chu Pathian Biakin ah chun an muh le, zapi zawzawng an fawrh na le, anih chu an tleih le, an âu.

DEUTERONOMY 21:12

nan in leiah tlungpi ule, a lû mêt rel ule, a kuttin muar u.