NUMBER 4:5 - Bawm Common Language Bible Version

⁵ LALPA nih Mosi sinah hi bang hâwi sîntirnâk tla hi a pêk. Um mun ṭhial tikah Aron leh a fapa tla chu Puanin sungah an va lût lai le, Thudântuk Bâwm mâika mi puanzâr chu an lâwm lai le, chu hen chun Bâwm chu an khuh lai.

NUMBER 4:5 ပူးပေါင်းရင်းမြစ်များ

1 CHRONICLES 15:15

Mosi sinah LALPA nih thu a pêk mi hâwi hen Levi tla nih thingtluan hen an liangah an zawnh.

1 CHRONICLES 23:26

Churuangah Levi tla khawm nih LALPA umnâk Puanin leh a thuamthil amah sawnhnâk ah mang mi tla chu put ding a herh lai lo rawh,” a ti.

2 CHRONICLES 3:14

Mun Thenhlimh Chem kardangnâk puanzâr chu puan mangṭhia leh thil a ruakhâu dang hen siam asi. Chu chu a dumpâwl, senduk, a sen mi hen suang mi asi, chunah thilsiam thla lem an chuangtir.

EXODUS 36:35

Puanzâr chu puan mangṭhia a dumpâwl, senduk, samul lasen hen tah mi leh thilsiam (cherabim) thla lem hen an thuamh.

EXODUS 40:3

LALPA Thudântuk Bâwm Thupêk Parâ umnâk chu a sungah siah le, a mâilei ah puanzâr siah.

EXODUS 40:5

Rimthâw duahnâk ngûn mâichâm chu Thudântuk Bâwm mâika ah siah le, Puanin mâilei ah puanzâr chu thlaih.

ISAI 25:7

Hinah hin phun zawzawng tlûnah ngaihsiatnâk sûmpi a um mi chu zeikarlo ah a kiangtir ving awt.

LEVITICUS 16:2

“Na unaupa Aron chu tuhin Mun Thenhlimh Chem ah puanzâr pîn leiah a kal ding hen a tik tak ah a kal ding asi ti simh, Thudântuk Bâwm sinh tlûnah sûm lakah ka langh ruangah. A ngâilo chun thah asi lai.

NUMBER 10:14

an kal kip ah thupêk hâwi hen bang khap hen an kal. A masa chem ah Juda phun tla anna thawh masa le, a murui a murui hen, Aminadab fapa Nason thupêk hâwi vima hen.

NUMBER 4:15

Chun, riakmun chu an lâwm tikah, Aron leh a fapa tla nih a thuamthil zawzawng chu an khuh thluh rawh chun Kohat thlâk tla chu thil thenhlimh zawnh ding hen an hawng ding asi. Kohat thlâk tla nih thil thenhlimh tla chu an tawngh ding asi lo, an tawngh chun an thi lai. Hi hi zeiliau zawng ah Puanin an ṭhial kip ah Kohat thlâk tla mawhphurhnâk asi.

NUMBER 4:4

An rianṭuan nih thil thenhlimh chem a uap hep.

NUMBER 7:9

Sikhawmsele, Mosi nih Kohat thlâk murui rangah lam chun kari leh chawchal a pêk na lo, thil thenhlimh kilkâwitu leh an liangah zawnhtu an si ruangah.

MATHAI 27:51

Chun, Pathian Biakin puanzâr chu a tlûnlei thawk hen a tanglei tiang hen suak dak hen a tlêk rawh. Chun, lî a hawng nîn le, lungpi tla a kak le;

DEUTERONOMY 31:9

Mosi nih Pathian dân chu a rîn le, Levi bâwlpu tla LALPA Thudântuk Bâwm kilkâwitu leh Israel ruitu tla sinah a pêk na.

HEBRAI 10:20

Jisu nih chun puanzâr chu pal hen-- chu chu a taksa tinâk asi, lam thar leh nungnâk lampi hawng kan awng piak rawh.

HEBRAI 9:3

Chun puanzâr panihnâk pîn leiah chun sawnhnâk puanin Mun Thenhlimh Chem an ti mi chu a um.

1 SAMUEL 6:19

Beth Semes khua mi tla nih LALPA nih Thudantuk Bâwm an zauh ruangah minung singnga sâwmsarih a thah na. Chu hâwi tluk thahnâk rokual tak LALPA nih a tlungtir ruangah mipi tla nih an ulh.