NUMBER 4:16 - Bawm Common Language Bible Version

¹⁶ Aron bâwlpu fapa Eleazar chu Puanin leikâng zawzawng meichêu, sariak, rimthâw, fâng ap mi, thuh mi sariak leh Puanin ah thil thenhlimh zawzawng tla LALPA sinah ap mi leikângah mawhphurhtu asi.

NUMBER 4:16 ပူးပေါင်းရင်းမြစ်များ

EXODUS 25:6

meichêu hâng, thuh ding mi sariak rimthâw, rimthâw nimh ding mi,

EXODUS 30:22

LALPA nih Mosi sinah,

EXODUS 31:11

Thuh ding mi sariak, Mun Thenhlimh rangah rimthâw tla. Hi bang thil siam ding hen thu ka nan pêk na mi zawzawng hi, thu kan pêk na mi hâwitê hen nan ti ding asi,” a ti.

EXODUS 37:29

Chulh ding mi sariak thenhlimh leh rimthâw a tliang mi chawmh mi a siam.

LEVITICUS 24:1

LALPA nih Mosi chu

LEVITICUS 24:2

Israel tla rangah hi bang hâwi thupêk tla pêk ding hen a simh. Oliv sariak a ṭha chem mi Puanin ah mi meichêu rangah hawng put u; zeiliau zawng phân zên chêu kumza ding hen.

LEVITICUS 6:20

birhtirnâk dân tla hi a pêk. Birhtir hen an um ni ah LALPA sinah thil ap sangvut kilogramme khat, (nisiar fâng ap chu a tam lei zat seng hen) a khing zînglei ah a khing zânlei ah an ap ding asi.

NUMBER 3:32

Levi lakah an hotu chu Aron bâwlpu fapa Eleazar asi. Mun Thenhlimh ah rianṭuantu tla hotu asi.

NUMBER 4:17

LALPA nih Mosi leh Aron sinah,

LUK 4:18

“Riangvâi tla sinah Thâwngthang Ṭha sim ding hen sariak hawng ka thuh ruangah Lalpa Thlarau chu ka tlûnah a um. Anih nih chun sal tla sinah suahnâk thu leh mitchâw tla sinah mitdei nawlhnâk thu sim ding hen, nehsawh tuar tla suaktirnâk ding tla

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

1 KORIN 4:1

Kannih tla hi Krist rianṭuantu leh Pathian thu thup zauhkhenhtu ah mi nih hawng kan ngaih seh.

1 TIMOTHE 2:5

Pathian pakhat cho a um le Pathian leh minung karah thu lanhtu pakhat a um, chu chu Jisu Krist asi.

HEBRAI 3:1

Pathian kawh bîk mi, Kristian ka unau tla Bâwlpu Lalchem siding hen Pathian nih a fial mi, kan zumh mi Jisu chu zauhnik u!

HEBRAI 3:6

Krist chu Pathian in ah thuneitu fapa asi hâwi hen zumh a kâi asi, kan lungum mi lakah kan râlṭhatnâk leh kan lungnâk bir tak hen kan tleih thlir chun Pathian in kan si.

1 PETER 2:25

Dawrâ tla lampi an vâi mi hâwi nan si. Sikhawmsele, tuah lam chun nan thlarau tla Kiltu leh Dawrâpu chu zûl ding hen kîrtir nan si rawh.

1 PETER 5:2

Nan lakah Pathian murui um mi tla chu, ti ding asi ruangah silo hen, Pathian thu hâwi a thinlung thawk bû hen, lawh duh ruang cho silo hen, thinlung ah duh tak bû hen zauhkhenh u.