NUMBER 28:2 - Bawm Common Language Bible Version

² amah lawmhtir ding hen eiphung thil ap herh mi tla, a tik vima ah Israel mi tla nih Pathian sinah pêk ding hen sîntir na ding hen thu a pêk.

NUMBER 28:2 ပူးပေါင်းရင်းမြစ်များ

LEVITICUS 3:11

Bâwlpu nih LALPA sinah mâichâm tlûnah eiphung thil ap ah a duah ver ding asi.

GENESIS 8:21

Bâwlnâk rim nih LALPA chu a lawmhtir le, a thinlung hen, “Minung chu an thilti leh an ngâksiatê thawk hen an thinlung dawn a sual zia ka theih mi asi ruangah tual chu siat ka barh lai lo rawh. Tutan ah ka ti mi hâwi hen zeiliau khawm ah thil nung zawzawng tla ka veih lai lo rawh.

PHILIPI 4:18

Sikhawmsele, zeizawng ka nei le, kasi â rem rawh. Epaprodita kut ah thil nan ka kuat mi tla chu ka tawng le zei ka ngâilo rawh. Chubang chu zeilo rimthâw rim, bâwlnâk sâng tlâk Pathian lawmhkâng asi.

EPHESI 5:2

Krist nih a nan dâwt na le, Pathian sinah thil ap ah leh bâwlnâk rimthaw rang dingah kan ruangrûl ah â pêk mi hâwi khan zângfahnâk ah um u.

2 KORIN 2:15

Ruangsuah liau chir mi tla leh a vei liau chir mi tla rangah chun Pathian rangah Krist rimthâw kan si.

MALAKI 1:12

Sikhawmsele nannih nih chun ka mâichâm chu zah tlâklo hen nan ruat le, sang nan zauhnawmh mi tla nan hawng ap mi lakah nan hawng ka zah lo asi.

MALAKI 1:7

Nan ka zauhnawmhnâk chu mâichâm ah sang nâwmtâm nan hawng ap mi lakah asi. Asi chun, ‘Nang rangah zeitin kan zah lo zia?’ nan ti le, ka mâichâm nan siarlo mi ruangah asi ti kan simh na.

EZEKIEL 20:41

Nanna rekrâwinâk ram ah mi ka nan suah na hen munkhat hen ka nan pumh na tikah chun, bâwlnâk nan duah mi tla chu ka pawm lai le, phun tla nih mi thenhlimh kasi zia an muh lai rawh.

EZEKIEL 16:19

Buh leh sang ṭha chem mi, oliv sariak leh khuaitizû ka nan pêk le, sikhawmsele milem lakah dâwt lawh ding hen bâwlnâk ah na ap,” a ti. Hi hi LALPA Zahkâi nih a sim mi asi.

SAM 81:3

Thlalâi leh thladêt liauah puai rangah tâwtawrâwt tum u.

NUMBER 15:24

Mi zapi nih an theihthiam lo ruangah palhnâk an nei chun, chawchal hen duahphung thil ap an pêk lai le, fâng ap mi leh uain ap mi rim nih LALPA a lawmhtir asi. Chu lo khawm ah, a dang kêl chal sual thil ap rangah an ap ding asi.

NUMBER 15:7

uain litre khat leh tan hen pêk ding asi.

NUMBER 15:3

Chawchal, dawrâ chal, dawrâ mawh kêl mawh LALPA sinah duahphung thil ap mawh, thutiam lîm bâwlnâk mawh, mah duh thu hen thil ap mawh, nan phung kût nan nei kumza mi thil ap rangah mawh nan pêk kho; chubang hâwi eiphung thil ap rim nih LALPA a lawmhtir.

NUMBER 9:13

Sikhawmsele, âutal dân hâwi hen thiang ko hen khualtlâwng khawm kal lo hen, Kalkanh Kût mang lotu chu ka mi ah ngaih asi lai lo, ka sinah thil ap pêk tik takah a um lo ruangah. A sualnâk mawh chu amah nih a phurh lai.

NUMBER 9:7

“Ruak kan tawngh ruangah kan thianglo ma chu, sikhawmsele Israel tla nih LALPA sinah thil an ap mi lakah zei rangah kanna tel bâk kho lo zia?” an ti.

LEVITICUS 21:8

Mi nih bâwlpu chu mi thenhlimh ah a ruat ding asi, ka sinah eiphung thil ap aptu asi ruangah. Kei, LALPA kasi; ka thenhlimh le, ka minung tla khawm ka thenhlimh tir na.

LEVITICUS 21:6

 thenhlimhtir ding asi, ka min a mualphoh ding asi lo. Ka sinah eiphung thil ap hen â thenhlimhtir ding asi.

LEVITICUS 1:17

A thla ah a tleih lai le, a pum chu a ek lai le, a thla chu sâm lo hen mâichâm ah duah hep ding asi. Chu eiphung ap mi rim nih LALPA chu a lawmhtir.

LEVITICUS 1:13

A sungril leh a kê chu a ṭâwl lai le, bâwlpu nih mâichâm tlûnah bâwlnâk LALPA sinah ap hen a duah hep lai. Chu eiphung ap mi rim nih LALPA chu a lawmhtir asi.

LEVITICUS 1:9

A sungril tla, a kê tla a ṭawl lai le, bâwlnâk ah bâwlpu nih mâichâm tlûnah a duah hep lai. Chu eiphung ap mi rim nih chun LALPA chu a lawmhtir.

EXODUS 29:18

Eiphung thil ap hâwi hen mâichâm tlûnah duah hep. Chu apnâk rim nih chun hawng ka lawmhtir asi.

EXODUS 23:15

Abib thla, Aigupta thawk hen nan suaknâk thla ah thu ka nan pêk na mi hâwi hen Sâng Thilnu telhlo Kût ulh u. Kût liauah ni sarih kar chu sang thilnu telh mi rerêng nan ei ding asi lo, thil ap ding put lo hen nan ka sawnh ding hen nan hawng ding asi lo.

NUMBER 28:1

LALPA nih Mosi sinah

Ezra lasuibu 3:3

Sikhawmsele saltâng hawng kîr mi tla nih chun a lânah mi mâichâm munah mâichâm an siam nawlh mi ruangah chu ram ah um mi tla chu thungâi an ṭih na. Churawhchun, zînglei leh zânlei duahphung bâwlnâk chu khuah tak hen anna dawmh nawlh rawh.

NUMBER 29:39

Hi bang tla hi duahphung thil ap, fâng thil ap, uain thil ap, kawmhnâk thil ap tla chu LALPA lakah nan ruat mi Kût thu ah nan siam ding mi dân tla chu asi. Hi bang tla hi thutiam rangtling tirnâk mawh mah duh thu hen thil ap nan pêk mi lakah sap mi chu asi.

1 CHRONICLES 23:31

leh zeiliau zawng ah Dinhni ah thil ap duah mi tla, Thla Thar Kût leh kût dang tla lakah mawhphurhnâk pêk an si. Levi tla chu a tik vima ah rianṭuan ding hen a murui hen dân ruat piak an si. Zeiliau zawng ah Levi tla chu LALPA sawnh ding hen ruat an si.

2 CHRONICLES 23:18

Jehoiada nih bâwlpu tla leh Levi tla chu Biakin lei rianṭuan hotu ah a siah na. Mosi dân hâwi hen LALPA sinah bâwlnâk ap mi leh duah mi tla ti ding hen David nih a ruat na mi rian chu a ṭuantir na. Tumphung leikâng leh lawmh ni ah hotu ah a siah na.

2 CHRONICLES 31:3

Amah ranrual lakal mi ran tla chu zîng siar leh zân siar rangah duahphung thil ap rangah leh Dinhni ah ap ding mi tla, Thla Thar Kût ni rang ding ah mi tla leh LALPA dân ah kût ni khua rang zawng a herh mi a pêk.

Ezra lasuibu 3:2

Jehozadak fapa Josua, a hâwi bâwlpu tla leh Sealtiel fapa Zerubabel leh a unau tla hen Israel Pathian mâichâm chu an dirh nawlh, chu lakah chun Pathian mi Mosi Dân sîntirnâk rîn mi hâwi hen duahphung bâwlnâk tla an pêk khonâk ding hen.

NEHEMIAH 10:34

Kannih, mi zapi tla, bâwlpu tla, Levi tla nih a zei mi phun nih LALPA kan Pathian sinah bâwlnâk ap mi duahnâk ding hen tih ding mi thing pêk ding asi awt ti theihnâk ding hen kum siar hen chamchawhnâk dân ah a herh hâwi hen kan nei lai.

EZEKIEL 45:17

Ran duah hep ding mi, fâng thil ap, uain thil ap, Thla Thar Kût, Dinhni leh kût dang ni tla ah Israel pumpi rangah pêk chu a rianṭuan asi. Sual thil ap, fâng thil ap, duah hep ding mi thil ap, kawmhnâk thil ap Israel mi tla sual veihnâk ding ah a pêk ding asi,” a ti.