NUMBER 20:2 - Bawm Common Language Bible Version

² Chunah an umnâk ah chun tî rerêng a um lo, zapi tla chu Mosi leh Aron kiangah an hawng a pûm le,

NUMBER 20:2 ပူးပေါင်းရင်းမြစ်များ

SAM 106:32

Mi zapi tla nih LALPA chu Meribah tiva ah a thin an thawktir le, chu thu ah chun Mosi chu a lawk a sawng.

EXODUS 16:12

“Israel mi tla chipchiarnâk chu ka theih. Mûi rawp ah meh an ei lai le, zînglei ah sang an duh rî hen an tawng lai,” a ti.

EXODUS 16:2

Chu ramkaro ah an kal liauah chun Mosi leh Aron tlûnah thungâi an vûirâm le, an sinah,

EXODUS 16:7

Thâizîng ah chun LALPA chêu mitser rê mi nan muh lai. A tlûnah nan chipchiarnâk kha a theih asi, Asi, amah tlûn tak ah asi, kannih lam chu a sîntirnâk puttu cho kan si,” an ti.

NUMBER 14:2

Aron leh Mosi tlûnah an lungsilo le, “Hinah ramkaro ah mawh, Aigupta ram ah khan mawh thi ving sele a ṭha dauh ding mi!

NUMBER 14:9

LALPA tlûnah hel lah ule, chu ram ah um mi tla khawm ṭih lah na u. Awl tak hen kan neh na lai. LALPA kan sinah a um asi, anmah vêngtu pathian tla chu a neh rawh; churuangah ṭih rîlmâl lah u,” an ti.

NUMBER 16:19

Churawh chun, Korah nih mi zapi a pumh na le, Mosi leh Aron lei hawi hen Puanin kawtkâ ah an va dîr. Lâkkhatko ah zapi lakah LALPA chêu a hawng lang le,

NUMBER 16:3

Mosi leh Aron mâikâ ah an va a pûm le, “Nan leiluat tuk! zapi minung zawng chu LALPA tâ hep an si, kan ektê sinah LALPA a um. Chu hâwi mi lakah, zei rangah nang Mosi hi, LALPA mi tla lakah chungnung khun hen na ngaih,” an ti.

NUMBER 16:42

Mosi leh Aron êl ding hen an ektê hen an hawng a pûm nûnah, Puanin leikângah anna hawi le, sûm nih a khuh mi leh LALPA umnâk chêu mit ser rê a hawng lang mi chu an muh rawh.

NUMBER 21:5

Pathian leh Mosi rangah an sâwi rawh. An chipchiar le, “Zei rangah Aigupta ram ah mi hi ramkaro buh leh tî umlonâk ah thi ding hen na hawng kan kalpi êu? Hi buh khawm hi kan neng zuk rawh!” an ti.