NUMBER 2:18 - Bawm Common Language Bible Version

^18-24 Tlâklei kângah Efraim murui tla chu mah puanzâr tang chiauah an murui hotu tangah hi hâwi hen an um ding asi. Phun Ruitu Minung zat Efraim Amihud fapa Elisama 40,500 Manaseh Pedazur fapa Gamaliel 32,200 Benjamin Gideoni fapa Abidan 35,400 A ektê fawnh hen: 108,100 Efraim murui chu a murui thumnâk ah an kal lai.

NUMBER 2:18 ပူးပေါင်းရင်းမြစ်များ

GENESIS 48:5

Jakob nih a thusim chu a pehpar vima, “Josef, na fapa panih hi ram ka hawng lânah an suak mi chu ka tâ an si; Efraim leh Manaseh chu ka fapa Reuben leh Simeon hâwi an si.

JEREMIA 31:9

Ka mi tla chu ṭap bû leh thlacham bû hen ka kîrpi na lai. Tinungva leiah suih bah umlonâk lam tluang ah ka kalpi na lai. Israel tla lakah chun pa hâwi kasi le, Efraim lam chu ka fa upachem asi,” a ti.

NUMBER 10:22

Chu zûl ah Efraim phun tla anmah puanzâr tangah mi tla chu anna thawh lai le, a murui a murui hen, Amihud fapa Elisama thu pêk hen.

DEUTERONOMY 33:17

Josef nih chun chawchal chaknâk, Ram chawchal ki a nei. A ki tla chu Manaseh phun sâng khat leh Efraim phun sâng râ an si. Chu tla hen chun phun tla chu a suk na le, Kâwlkil tiang hen a nâwr na,” a ti.