NUMBER 18:9 - Bawm Common Language Bible Version

⁹ Thil thenhlimh ap hen mâichâm ah duah lo mi vial chu nan tâ asi: fâng thil ap, sual thil ap leh rulhnâk thil ap tla hi. Thil thenhlimh ka sinah pêk mi zawzawng chu nang leh na fapa tla tâ asi.

NUMBER 18:9 ပူးပေါင်းရင်းမြစ်များ

2 Lal 12:17

Chu liau chun Siria lalchem Hazael nih Gath khua a do le, a neh; Jerusalem khawm do a tum.

NEHEMIAH 10:36

Kan lakah fapa tîr âuzawng nih Biakin ah bâwlpu sinah kan put lai le, Dân lakah a herh mi hâwi hen Pathian sinah kan ap lai. Kan chawpê pinu nih a ring masa chem mi a chaltuai khawm kan ap lai le, kan dawrâ leh kan kêl lakah mi an fa masa chem mi khawm kan ap lai.

EZEKIEL 42:13

Chu minung nih ka sinah, “Hi in tla hi a thenhlimh vevê. Chu sungah bâwlpu LALPA mâika ah va lûttu tlâ nih thil ap thenhlimh chem tla an ei. Chu kardang tla chu a thenhlimh ruangah bâwlpu tla nih thil ap thenhlimh chem, sangvut leh sualnâk ruangah bâwlnâk thil ap mawh, rulhnawlhnâk thil ap an ap lai.

EZEKIEL 44:29

Fâng thil ap, sual thil ap leh rulhnâk thil ap chu bâwlpu tla ei ding mi asi le, Israel lakah mi thil zeizawng ka rangah a dang ê hen an siah mi chu an tawng ding mi asi.

LEVITICUS 10:17

“Zei rangah sual rangah ap mi mun thenhlimh ah nan ei lo zia? Mi zapi tla sual thiangnâk ding hen LALPA nih a nan pêk na mi thil thenhlimh tak asi mi.

LEVITICUS 14:13

Duahphung thil ap leh sual thil ap mi ran an thahnâk mun thenhlimh ah chu dawrâ fa chu a thah ding asi. Rulhnâk thil ap chu sual thil ap mi hen â bang ruangah bâwlpu vo asi vevê le, thungâi â thenhlimh asi.

LEVITICUS 2:10

Ap mi lakah a lei mi vial chu bâwlpu vo asi, LALPA sinah eiphung thil ap lakah mi asi ruangah â thenhlimh asi.

LEVITICUS 22:11

Sikhawmsele, bâwlpu sal tangka hen a châwk mi mawh a in sungkhur ah a suak mi mawh tla nih a bâwlpu tingvo an ei kho lai;

LEVITICUS 22:7

Nî tlâk nûnah lam chun a thiang lai rawh, chu tikah ap mi thenhlimh amah tingvo tla chu a ei kho lai rawh.

LEVITICUS 4:22

Lâirêltu nih tumnâk ruang silo hen LALPA thupêk a buar hen a sual chun,

LEVITICUS 4:27

Zatlâng lakah minung pakhat nih tum ruangah si lo hen, LALPA thupêk pakhat a buar hen a sual chun,

LEVITICUS 5:1

Hi bang thu lakah hin sual thil ap a herh. Mi âumawh thufiang deih hen lâirêlnâk mun ah kawh asi hen, a muh le a theih mi fiang tak a sim kho lo chun, a mawh chu amah nih a phurh lai.

LEVITICUS 5:6

a sual man rêpnâk rang ding hen LALPA sinah dawrâ a nunau mawh kêl mawh thil ap ah a put ding asi. Bâwlpu nih chu minung sual rangah bâwlnâk a ap lai.

LEVITICUS 6:19

LALPA nih Mosi rangah Aron thlâk bâwlpu tla rangah hi bang

LEVITICUS 6:30

Sikhawmsele zei thî tal Puanin sungah lûtpi mi sual thiangnâk ding ah mang mi chu, chu ran chu an ei ding asi lo; duah ding asi.

LEVITICUS 7:1

Hi bang hi rulhnâk thil ap dân thenhlimh tak chu asi.

LEVITICUS 7:6

Bâwlpu dâwngsung mipa fa vial nih an ei kho lai le, sikhawmsele thungâi â thenhlimh ruangah mun thenhlimh ah ei ding asi.

LEVITICUS 7:7

Sual thil ap leh rulhnâk thil ap chu â bang cho mi dân pakhat ah mang asi, sâ chu bâwlnâk aptu bâwlpu tâ asi.

NUMBER 18:10

Hi bang thil tla hi mun thenhlimh ah nan ei lai le, mipa cho nih an ei kho lai, thil thenhlimh ah ngaih u.

DEUTERONOMY 18:1

“Levi phun bâwlpu tla nih Israel ram ah zeikhawm tingvo an nei ding asi lo; LALPA sinah thil ap leh bâwlnâk pêk mi lakah an nung ding asi.