NUMBER 18:4 - Bawm Common Language Bible Version

⁴ Puanin ah an mawhphurhnâk rianṭuan zawzawng chu tling tak hen an ṭuan ding asi, sikhawmsele, ti kho lo ding mi minung chu na sinah an ṭuan ding asi lo.

NUMBER 18:4 ပူးပေါင်းရင်းမြစ်များ

1 SAMUEL 6:19

Beth Semes khua mi tla nih LALPA nih Thudantuk Bâwm an zauh ruangah minung singnga sâwmsarih a thah na. Chu hâwi tluk thahnâk rokual tak LALPA nih a tlungtir ruangah mipi tla nih an ulh.

NUMBER 3:10

Aron leh a fapa tla chu bâwlpu rianṭuan lakah mawhphurhnâk na pêk na ding asi, midang âutal chu rianṭuan tumtu chu thah ding asi,” a ti.

NUMBER 1:51

An um mun an ṭhial chun, Levi tla nih Puanin chu an lâwm lai le, um mun an khuar thar mi lakah an dirh nawlh vima ding asi. Âuzawng chu Puanin naihtu chu thah ding asi.

NUMBER 18:3

An rianṭuan ding leh Puanin ah an mawhphurhnâk chu tling tak hen an ti ding asi, sikhawmsele, mâichâm leh Mun Thenhlimh ah thil thenhlimh tla chu an tawngh ding asi lo. An tawngh chun nang leh annih tla chu thah ding nan si lai.

NUMBER 18:5

Nang leh na fapa tla lâwng nih Mun Thenhlimh leh mâichâm lakah mawhphurhnâk chu nan ti kho lai, chu tikah ka thinthawknâk chu Israel mi zapi tlûnah a tlung nawlh lai lo rawh.

NUMBER 31:30

Mi zapi tla vo lakah mi tleih mi minung sâwmnga lakah pakhat chu hâwi hen ranrual, sanatung tla, dawrâ tla, kêl tla lakah mi khawm chu lâk ding asi. LALPA Puanin lakah rianṭuantu Levi murui rangah pêk na,” a ti.

EZEKIEL 44:14

Biakin ah rianṭuan niam ṭuan ding hen ka ruat na asi,” a ti.

NUMBER 1:53

Levi murui lam chu vêngtu ding hen Puanin kiangah an um lai le, mi nih Puanin an hawng naih hen Israel tla tlûnah ka thin an thawktir lonâk ding hen.

NUMBER 8:26

Chu nûn chun an hâwi Levi tla Puanin ah an rianṭuan an bawmh na kho, sikhawmsele, amah lâwng hen rianṭuannâk lam chu a nei ding asi lo. Hi bang tla hi Levi tla rangah an rianṭuan nan siam piak ding mi dân chu asi.