NUMBER 18:3 - Bawm Common Language Bible Version

³ An rianṭuan ding leh Puanin ah an mawhphurhnâk chu tling tak hen an ti ding asi, sikhawmsele, mâichâm leh Mun Thenhlimh ah thil thenhlimh tla chu an tawngh ding asi lo. An tawngh chun nang leh annih tla chu thah ding nan si lai.

NUMBER 18:3 ပူးပေါင်းရင်းမြစ်များ

EZEKIEL 44:13

Bâwlpu si hen ka rangah rian an ṭuan lai lo rawh le, thil thenhlimh kiangah kal hen Mun Thenhlimh Chem ah an lût ding asi lo rawh. Hi hi thil fihnungkâi an ti ruangah rêpnâk chu asi.

NUMBER 1:51

An um mun an ṭhial chun, Levi tla nih Puanin chu an lâwm lai le, um mun an khuar thar mi lakah an dirh nawlh vima ding asi. Âuzawng chu Puanin naihtu chu thah ding asi.

NUMBER 1:53

Levi murui lam chu vêngtu ding hen Puanin kiangah an um lai le, mi nih Puanin an hawng naih hen Israel tla tlûnah ka thin an thawktir lonâk ding hen.

NUMBER 16:40

Hi hi Israel mi rangah âukhawm Aron thlâk silo mi nih chun LALPA rangah rimthâw duah ding hen mâichâm ah an kal ding asi lo ti theihtirnâk asi. Chu lo chun Korah leh a minung tla hâwi hen an vei lai. Hi bang zawng tla hi LALPA nih Mosi mang hen Eleazar rangah thu a pêk mi asi.

NUMBER 18:4

Puanin ah an mawhphurhnâk rianṭuan zawzawng chu tling tak hen an ṭuan ding asi, sikhawmsele, ti kho lo ding mi minung chu na sinah an ṭuan ding asi lo.

NUMBER 18:7

Sikhawmsele, nang leh na fapa tla lâwng nih bâwlpu mawhphurhnâk zawzawng mâichâm ah leh Mun Thenhlimh chem ah um mi tla chu nan ti kho lai. Bâwlpu sinâk ka nan pêk na ruangah hi bang thil tla hi nan mawhphurhnâk ding mi tla chu asi. Tawngh kholotu ding mi minung thil thenhlimh kiangah a hawng kaltu chu thah ding asi,” a ti.

NUMBER 3:25

Puanin, a sunglei khuhnâk, a lênglei khuhnâk, a tualmâi mi puanzâr,

NUMBER 3:31

Thudântuk Bâwm, dawhkân, meichêu, mâichâm, Mun Thenhlimh ah mi khêng leh bêl bâwlpu tla nih mang mi leh Mun Thenhlimh Chem mi puanzâr tla lakah mawhphurhnâk an nei. Rianṭuan zawzawng leh hi bang tla lakah mawhphurhnâk an nei.

NUMBER 3:36

Puanin kâwpmi tung, a talkhang, a tung, a tohnâk leh a kaihkawhnâk zawzawngah mawhphurhnâk anna ting. Rianṭuannâk zawzawng leh hi bang tla lakah mawhphurhnâk anna ting.

NUMBER 31:30

Mi zapi tla vo lakah mi tleih mi minung sâwmnga lakah pakhat chu hâwi hen ranrual, sanatung tla, dawrâ tla, kêl tla lakah mi khawm chu lâk ding asi. LALPA Puanin lakah rianṭuantu Levi murui rangah pêk na,” a ti.

NUMBER 4:15

Chun, riakmun chu an lâwm tikah, Aron leh a fapa tla nih a thuamthil zawzawng chu an khuh thluh rawh chun Kohat thlâk tla chu thil thenhlimh zawnh ding hen an hawng ding asi. Kohat thlâk tla nih thil thenhlimh tla chu an tawngh ding asi lo, an tawngh chun an thi lai. Hi hi zeiliau zawng ah Puanin an ṭhial kip ah Kohat thlâk tla mawhphurhnâk asi.