NUMBER 16:9 - Bawm Common Language Bible Version

⁹ LALPA Puanin ah rianṭuan hen amah nan va naih kho ding hen leh mi zapi tla rangah rian nan ṭuan piak na ding hen, Israel Pathian nih mi zapi lakah mi a dang ê hen an thlei na mi hi thil metê ah ma nan ruat?

NUMBER 16:9 ပူးပေါင်းရင်းမြစ်များ

GENESIS 30:15

Leah nih, “Ka pasal na ka suh ving mi kha tâwk na ti lo mu? Tuah ka fapa âidî tiangmâng suh ding na awt,” a ti. Rakel nih a thawh le, “Na fapa âidî na hawng ka pêk chun, tuzân ah Jakob sinah na it kho lai,” a ti.

2 SAMUEL 7:19

Sikhawmsele, na thilti hi ruat ngâk hen a tam. LALPA zahkâi, tik a hawng um ding mi lakah thlâk tla hawng ka neitir ding hen thu na tiam. LALPA, zahkâi, chubang chu minung rangah na muhtir!

2 CHRONICLES 35:3

LALPA sinah pumpêknâk nei mi tla sinah, Levi tla leh Israel lakah sîntirtu tla sin khawm ah hi bang sîntirnâk tla hi a pêk na: “Hi Thudântuk Bâwm thenhlimh David fapa lalchem Solomon nih a sak mi Biakin sungah siah u. Mun dang dangah put lo rawh hen, LALPA nan Pathian leh Israel mi tla rian chu nan ṭuan rawh ding asi.

NEHEMIAH 12:44

Chu liau chun Biakin rang ding ah khawlh mi parâ lû ah pakhat fâng thar leh thingthei rah min kum siar khawlh mi tla siahnâk mun hotu rang ding ah mi tla ruat an si. Chubang minung tla chu khuapi kiangah phâisen lakah mi bâwlpu leh Levi tla rangah Dân nih a herh a ti mi hâwi hen khawlhtu rang ding ah pêk an si. Juda mi zawzawng chu thenhlimhnâk leh Pathian nih thu a pêk mi hâwi hen an timhtuah ruangah,

ISAI 7:13

Chu lakah chun Isai nih a sâng le, “Lalchem David thlâk, tuah ngâi rawh. Minung na hamhtir mi men na rangah a ṭhalo tuktarâi rawh mi lakah Pathian khawm na hamhtir awt nget rih na maw?

EZEKIEL 34:18

Nan lakah a zeimaw mi tla chu belh no ei chim ti an nei lo, nan ei lo mi khawm nan chîl salam ver! Tî fîm nan din le, nan din lo mi chu nan nawih ver!

EZEKIEL 44:16

Anmah cho chu ka Biakin ah lût hen ka mâichâm ah rian an ṭuan lai le, Biakin ah sawnhnâk an timhtuah lai.

NUMBER 1:53

Levi murui lam chu vêngtu ding hen Puanin kiangah an um lai le, mi nih Puanin an hawng naih hen Israel tla tlûnah ka thin an thawktir lonâk ding hen.

NUMBER 16:13

Aigupta ram ṭha lakah mi hinah ramkaro ah thah ding hen na kan put mi hi a tâwk ko lo ma? Kan tlûnah lal ding hen ma na tum?

NUMBER 16:8

Mosi nih Korah sinah thu a sim vima. “Ngâi u, nannih Levi tla!

NUMBER 3:6

“Levi tla chu Aron bâwlpu rianṭuantu ding hen a masa hen hawngpi na le, ruat na.

NUMBER 3:9

Levi tla mawhphurhnâk chu Aron leh a fa tla rianṭuan piak ding asi.

THILTI 13:2

Chun, Lalpa rian an ṭuan le, buh an ngei liauah Thlarau Thenhlimh nih Barnaba leh Sawl hi anmah ka ruat na mi rianṭuan ding hen hawng ka thlei piak u,” a ti.

1 KORIN 4:3

Sikhawmsele, nannih nih nan ka niknâk leh minung dawnruatnâk hen nan ka niknâk chu ka rangah thil metê asi; mah khawm ka nik dahlo.

DEUTERONOMY 10:8

Tlâng tlûnah khan LALPA nih Levi phun a mi tla chu bâwlpu rianṭuan ding hen Thudantuk Bâwm lakah thuneitu siding leh a min hen malsâwmnâk simtu ding hen a ruat na. Chu chu an rianṭuan asi kumza.

1 SAMUEL 18:23

Chu chu David an simh le, anih nih, “Kei hâwi mipâm rangah chun lalchem samâk si chu a rokual tuk,” a ti.