NUMBER 15:3 - Bawm Common Language Bible Version

³ Chawchal, dawrâ chal, dawrâ mawh kêl mawh LALPA sinah duahphung thil ap mawh, thutiam lîm bâwlnâk mawh, mah duh thu hen thil ap mawh, nan phung kût nan nei kumza mi thil ap rangah mawh nan pêk kho; chubang hâwi eiphung thil ap rim nih LALPA a lawmhtir.

NUMBER 15:3 ပူးပေါင်းရင်းမြစ်များ

GENESIS 8:21

Bâwlnâk rim nih LALPA chu a lawmhtir le, a thinlung hen, “Minung chu an thilti leh an ngâksiatê thawk hen an thinlung dawn a sual zia ka theih mi asi ruangah tual chu siat ka barh lai lo rawh. Tutan ah ka ti mi hâwi hen zeiliau khawm ah thil nung zawzawng tla ka veih lai lo rawh.

Ezra lasuibu 7:17

“Hi bang tangka tla hen thiamthih tak hen chawchal tla, dawrâ chal tla, dawrâ fa tla, fâng tla, uain tla nan châwk lai le, Jerusalem Biakin ah mi mâichâm ah ap u.

SAM 54:6

LALPA, lâwm tak hen bâwlnâk na sinah ka hawng ap lai; na ṭha ruangah na sinah lâwmthu ka sim lai.

EXODUS 29:18

Eiphung thil ap hâwi hen mâichâm tlûnah duah hep. Chu apnâk rim nih chun hawng ka lawmhtir asi.

EXODUS 29:25

Chun, an sinah thawk hen thil an hawng ap mi chu lâk le, bâwlnâk mâichâm tlûnah ka sinah eiphung apnâk hâwi hen mâichâm tlûnah duah. Chu thil ap rim nih chun hawng ka lawmhtir asi.

EXODUS 29:41

Dawrâ fa panihnâk chu zânlei bâwlnâk ah mang le, oliv sariak leh sangvut khawm a tîr mi zat hen mang le, uain khawm zînglei mi zat hen. Hi hi Kei, LALPA sinah eiphung ap mi chu asi le, a rim nih hawng Ka lawmhtir asi.

LEVITICUS 10:13

Mun thenhlimh ah ei ule, eiphung LALPA sinah ap mi tla lakah mi nang leh na fapa tla tingvo asi ruangah. Chu chu LALPA nih thu hawng ka pêk mi asi.

LEVITICUS 27:2

hi bâng dân tla hi Israel mi tla rangah a pêk. Mi nih LALPA sinah a thutiam rangtlingtir ding hen thilpêk a pêk chun, chu minung nih chun dân hâwi hen

LEVITICUS 7:16

Mi nih a thutiam tlingtir ding hen kawmhnâk thil a ap chun mawh amah duh thu hen a ap mi asi chun, ap ni ah ei hep ding asi lêm lo, a leifuan tla chu a thaituan lei khawm ah a ei kho lai.

NUMBER 28:27

LALPA lawmhtirnâk ding ah duahphung thil ap ap u: chawchal tuai panih, dawrâ chal pakhat, dawrâ fa a mipa kum khat mi pasarih simsâwinâk umlo mi nan ap ding asi.

NUMBER 29:8

Duahphung thil ap LALPA sinah pêk ule, a rim nih a lawmhtir asi: chawchal tuai pakhat, dawrâ chal pakhat, dawrâ fa a mipa kum khat mi pasarih simsâwinâk umlo mi pêk ding asi.

NUMBER 6:15

Thilnu telh lo mi sang bâwm khat khawm ap ding asi: sangtlêp sah, oliv sariak hen chawmh mi leh sang oliv sariak hen chulh mi a dang thil ap herh mi fâng leh uain khawm a ap ding asi.

MATHAI 3:17

Chun, ngâinik, vân thawk hen aw-hâu nih, “Hi hi ka Fapa duhtak, thungâi ka lawmh mi chu asi,” a ti.

2 KORIN 2:15

Ruangsuah liau chir mi tla leh a vei liau chir mi tla rangah chun Pathian rangah Krist rimthâw kan si.

2 KORIN 2:16

Murui khat tla rangah chun thihnâk lakah thihnâk ding rim kan si le, murui khat tla rangah chun nungnâk lakah nungnâk rim kan si. Chubang tla rangah chun âu me tling kho lai?

EPHESI 5:2

Krist nih a nan dâwt na le, Pathian sinah thil ap ah leh bâwlnâk rimthaw rang dingah kan ruangrûl ah â pêk mi hâwi khan zângfahnâk ah um u.

DEUTERONOMY 12:11

LALPA nih amah nan sawnhnâk ding hen mun pakhat cho a thîm lai le, chunah chun thu kan pêk na mi thil zeizawng a sinah nan kalpi lai. Nan bâwlnâk duahphung tla leh bâwlnâk dang tla, parâ lû pakhat leh nan thil ap tla, a bîk hen LALPA sinah thilpêk nanna tiam mi tla LALPA sinah nan pêk ding asi.

DEUTERONOMY 12:17

LALPA sinah nan pêk mi chu zei thil khawm nan umnâk ah nan ei ding asi lo; fâng parâ lû pakhat, uain, oliv sariak, nan ranrual leh dawrâ lakah a ring tîr mi LALPA sinah thilpêk ding nanna tiam mi, nanmah thinlung suak hen nan ap mi leh thil dang ap mi tla zawzawng hi.

DEUTERONOMY 12:6

Chunah chun bâwlnâk tla nan pêk lai le, duah ding mi leh thil dang bâwlnâk tla, parâ lû ah pakhat leh nan thilpêk tla, LALPA sinah thilpêk nan tiamh mi tla, nanmah duh thu hen thil nan ap mi leh nan ranrual leh nan dawrâ lakah a ring tîr mi fa tla nan ap ding asi.

PHILIPI 4:18

Sikhawmsele, zeizawng ka nei le, kasi â rem rawh. Epaprodita kut ah thil nan ka kuat mi tla chu ka tawng le zei ka ngâilo rawh. Chubang chu zeilo rimthâw rim, bâwlnâk sâng tlâk Pathian lawmhkâng asi.