NUMBER 14:3 - Bawm Common Language Bible Version

³ Zei rangah LALPA nih chu ram leiah hawng kan kalpi êu me? Râltuknâk ah kan thi lai le, kan nupi leh kan fa tla chu râl nih an tleih hep na ding ko rawh. Aigupta leiah kîr ving sele a ṭha dauh awtlo ma?” an ti.

NUMBER 14:3 ပူးပေါင်းရင်းမြစ်များ

NEHEMIAH 9:17

Thu an ngâilo le; na thilti tla khawm an philh ver; anna zûmnâk ruangah Aigupta ram lîlâ ah sal tângpitu ding ah ruitu an thîm. Sikhawmsele, nang chu ngaihdamtu Pathian na si le; an lakah vêl na nei hen, na dâwt na, na thinthawk duh loh, Na khuaruatnâk a rokual le, na kaltâk na lo.

SAM 78:40

Ramkaro ah a lakah an hel tâwn le; vei tam tak a lung an sitir tâwn lo!

EXODUS 16:3

“Aigupta ram ah khan LALPA nih hawng kan thah ver sele a ṭha ding mi ma hi a, chunah chun, um sele buh leh an duh duh kan ei ding mi, sikhawmsele, hi ramkaro ah tîhâl leh sungvâng hen thi ver ding hen nan hawng kan kalpi ma hi,” an ti.

EXODUS 5:21

Annih nih Mosi leh Aron sinah, “Lalchem leh hotu tla huat leh thah ding hen nan kan tuah mi hi LALPA nih a muh le, rêp nan si lai,” an ti.

JEREMIA 42:19

Churawhchun, ka sim vima le, “Nannih Juda ram ah um mi tla, Aigupta ram ah kal lo ding hen LALPA nih a nan simh na.

JEREMIA 9:3

Ram sungah dik tak lâirêl ding ngâk hen âwkrâwl thu sim kumza mi leh zumhkâilo an si. LALPA nih, “Ka mi le tla nih thilsual dang dang an ti le, an Pathian kasi mi an hawng ka theih loh,” a ti.

NUMBER 11:20

ni kul mawh tiang cho nan ei awtlo le, dangtawk leh neng rê hen thla khat kar nan ei lai. Hi hi a hawng tlungnâk san chu LALPA nan sinah um mi chu nan duh lo le, a lakah nan chipchiar hen Aigupta ram nan thlah dahlo rih ruangah asi,’ ” a ti.

NUMBER 16:13

Aigupta ram ṭha lakah mi hinah ramkaro ah thah ding hen na kan put mi hi a tâwk ko lo ma? Kan tlûnah lal ding hen ma na tum?

NUMBER 20:3

an vûirâm, “LALPA Puanin mâiah kan hâwi Israel tla hen thi hep sele a ṭha dauh lai.

NUMBER 21:5

Pathian leh Mosi rangah an sâwi rawh. An chipchiar le, “Zei rangah Aigupta ram ah mi hi ramkaro buh leh tî umlonâk ah thi ding hen na hawng kan kalpi êu? Hi buh khawm hi kan neng zuk rawh!” an ti.

THILTI 7:39

“Kan thlâktu tla nih chun a thu an zûl duh lo le, an nar le, an thinlung tla chu Aigupta ram leiah a kîr nawlh rawh.

DEUTERONOMY 1:39

“Churawhchun, LALPA nih kan ektê sinah, ‘Nan fa tla a siat a ṭhat theihlo rih mi, mêlma nih tleih ver na ding hen nan ruat na mi tla nih ram chu an luah lai. An sinah ram chu ka pêk na lai le, an luah lai rawh.