NUMBER 13:2 - Bawm Common Language Bible Version

² “Israel ruitu lakah mi, minung pakhat vima hen phun leinih lakah mi thîm na le, Israel tla rangah ka pêk na mi Kanaan ram zauh thlingthlâktu ah leh zauhtu rangah fial na,” a ti.

NUMBER 13:2 ပူးပေါင်းရင်းမြစ်များ

EXODUS 18:25

Israel mi lakah mi zumhkâi tla a thîm na rawh. Sâng hotu tla, zâ hotu tla, sâwmngâ hotu tla, parâ hotu tla a ruat na.

NUMBER 1:4

Phun kip lakah mi a lû dauh an ṭangpi na ding hen deih na u,” a ti.

NUMBER 11:16

LALPA nih Mosi sinah, “Zapi ruitu rangah ruat mi minung sâwmsarih zahkâi tak tla kha ka umnâk Puanin tualmâi ah pumh na le, na kiangah dîrtir na.

NUMBER 13:16

Hi bang tla hi ram zauh thlingthlâk ding hen Mosi nih a fial na mi chu an si. Nun fapa Hosea min chu Josua ti hen a thleng.

NUMBER 13:3

Mosi chu â êt le, Paran ramkaro mun thawk hen hi bang ruitu tla hi a fial na rawh: Phun Ruitu Reuben Zakur fapa Samua Simeon Hori fapa Saphat Juda Jephuneh fapa Kaleb Isakar Josef fapa Igal Efraim Nun fapa Hosea Benjamin Rafu fapa Palti Zebulun Sodi fapa Gadiel Manaseh Susi fapa Gadi Dan Gemali fapa Amiel Aser Mikael fapa Sethur Naphtali Vopsi fapa Nabi Gad Maki fapa Geuel.

NUMBER 32:8

Chu ram chu nan pa le tla rangah Kades Barnea thawk hen va zauhfiang ding hen ka fial na mi asi.

NUMBER 34:18

Ṭhen tikah anmah ṭangpitu ding hen phun kip thawk hen ruitu pakhat vima lâk na,” a ti.

DEUTERONOMY 1:15

Churawhchun, phun kip lakah mi mifing leh ti dân thiam tla nan thîm na mi chu ka put na lai le, nan hotu rang ding ah ka siam na lai. A zeimaw mi sâng tlûnah mawhphurhtu ding hen, a zeimaw mi zâ tlûnah, a zeimaw mi sâwmnga tlûnah, a zeimaw mi parâ tlûnah mawhphurhtu tla ka ruat na.

DEUTERONOMY 9:23

Kades Barnea thawk hen ram a nan pêk na mi va luah ding hen a nan fial na liauah a tlûnah nan hel le; amah chu nan zumh lo hen a thu khawm nan ngâilo.

JOSUA 3:12

Tuah minung leinih thîm ule, Israel phun kip ah mi pakhat vima hen simh u.