NUMBER 11:2 - Bawm Common Language Bible Version

² Mi zapi tla chu ṭangpi deih hen Mosi an auh le, Mosi nih LALPA sinah thla a cham le, mei chu a mit rawh.

NUMBER 11:2 ပူးပေါင်းရင်းမြစ်များ

SAM 106:23

Pathian nih a mi le tla veih hep ding thu a sim liauah a to-aw thîm, Mosi chu a dîr le, Pathian rangah a êl. Pathian thinthawknâk lakah mi chu veih lo ding hen a vêng na.

EXODUS 10:18

Mosi nih lalchem chu a kaltâk le, LALPA sinah thla a cham rawh.

EXODUS 34:9

“LALPA nangmah lawmhkâng mi kasi chun kan sinah hawng ding hen ka nan ngiar, hi minung tla hi an lung a khung le, sikhawmsele, kan palhnâk leh kan sual tla hawng kan ngaihdam le, nangmah mi takah hawng kan ruat rawh,” a ti.

ISAI 37:4

Asiria lal lianchem nih a milian chu Pathian nung simsiat ding hen a hawng fial. LALPA na Pathian nih hi bang simsiatnâk hi theih sele, chu hâwi hen thusimtu tla chu rêp na seh. Churuangah a thibang kan mi le tla rangah Pathian sinah thlacham rawh,” an ti.

JEREMIA 15:1

Churawhchun, LALPA nih ka sinah, “Mosi leh Samuel men hinah dîr hen hawng ka ngiar na khawmsele, hi minung tla lakah khua ka ruat kho awtlo. Kaltir ving na le; ka mitmuh ah mi suah ving na.

JEREMIA 37:3

Lalchem Zedekiah nih Selemiah fapa Jehukal leh Maaseiah fapa bâwlpu Zephaniah chu kan phun ruangrûl ah LALPA, kan Pathian sinah keimah nih thlacham ding ngiar ah a hawng fial na.

JEREMIA 42:2

“Zângfahtê hen kan deih mi chu hawng kan ti piak! LALPA, kan Pathian sinah thla hawng kan cham piak. A vei bang tla zawzawng rangah thla hawng kan cham piak. Na kan muh mi hâwi hen veikhat rangah chun tam tak kan si le, tu lam chu tâwmtê cho kan si rawh.

NUMBER 12:11

Mosi sinah, “Zângfahte hen Pu, âtkâi tak hen kan sual ruangah hi hâwi ngâi hen rêpnâk chu tuar ding hen hawng kan siam lah.

NUMBER 12:13

Churawhchun, Mosi nih LALPA chu a auh le, “Pathian, hawng damh rawh,” ati.

NUMBER 21:7

Mi zapi tla chu Mosi sinah an hawng le, “LALPA leh nangmah kan sâwi na mi hi kan sual asi. Tuah hi bang rûl tla hi kiangtir ding hen LALPA sinah thlacham,” an ti. Churawhchun, Mosi nih zapi minung tla rangah thla a cham piak na rawh.

THILTI 8:24

Chun, Simon nih, “Nan sim mi hi zeikhawm ka tlûnah a tlung lonâk ding hen Lalpa sinah thla hawng ka cham piak u,” a ti le, a sâng.

HEBRAI 7:26

Churuangah, Jisu kan pawiherh tla pêktu Bâwlpu Lalchem asi. Anih chu a thenhlimh asi amah lakah sualnâk leh mawhnâk a nei lo, misual tla lakah thawk hen â thlei le, vân tlûnlei ah lâk hen a um.

JEM 5:16

Chun, damh hen nan um khonâk ding hen, nan sual tla thutluang a vawr tawnh ule, thla a cham piak tawnh u, mirep thlachamnâk nih chun thil fâk tak ati tâwn.

1 JOHAN 5:16

Âuzawng a unaupa nih thihnâk khawp rê hen a tling lo mi sual ti hen muh sele, nungnâk pêk awttu Pathian chu a deih lai le, a deihnâk chu a siang piak lai. Sikhawmsele, thihnâk khawp rê sual a um le, chu hâwi mi rang chun deih piak ding ka ti mi si lo.