NUMBER 1:53 - Bawm Common Language Bible Version

⁵³ Levi murui lam chu vêngtu ding hen Puanin kiangah an um lai le, mi nih Puanin an hawng naih hen Israel tla tlûnah ka thin an thawktir lonâk ding hen.

NUMBER 1:53 ပူးပေါင်းရင်းမြစ်များ

1 CHRONICLES 23:32

LALPA umnâk Biakin zauhkhenhtu ding ah leh an unau Aron bâwlpu thlâk tla Pathian Biakin ah sawnhtu tla rangah ṭangpitu ah ruat an si.

2 CHRONICLES 13:10

“Sikhawmsele kannih lam chu LALPA kan Pathian rianṭuan hen amah chu kan kaltâk dahlo. Aron thlâk bâwlpu tla nih an rianṭuan an ṭuan le, Levi tla nih an ṭangpi na.

2 CHRONICLES 13:11

Zînglei leh zânlei siar hen rimthâw tla an ap le, ran bâwlnâk duah mi tla khawm an ap. Dawhkân ah sangtlêp thenhlimh tla a dân hâwitê hen an siah le, zânlei siar hen ngûn meichêu an chêu. LALPA nih thu hawng kan pêk mi hâwi hen kan ti le, nannih lam chu amah nan kaltâk.

JEREMIA 23:15

“Churuang chun, hi hi Kei, LALPA Zeizawng tikho nih Jerusalem ah khuavâng tla thu ka sim mi chu asi: Ram pumpi ah Pathian sunhsaklo hen umnâk an zanhtir ruangah, annah khâ ei ding leh tûr din ding ka pêk na lai,” a ti.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

LEVITICUS 10:6

Churawhchun, Mosi nih Aron leh a fapa tla Eleazar leh Ithamar sinah, “Nan lungfâk ruangah nan nipuan thlêk lah ule, nan lû khawm thurhtir lah u. Chu hâwi nan ti chun nan thi lai le, zapi pumpi tlûnah LALPA a thinrun lai. Sikhawmsele LALPA mei thlâk nih a thah na mi asi ruangah nan unau Israel tla lam chu an lungfâk siang asi.

NUMBER 1:50

Chu ngâk chun Levi phun chu LALPA umnâk Puanin leh a thuamthil lakah hotu an siding asi. A thuamthil tla an put lai le, chu lakah rian an ṭuan lai le, chu lakah riaknâk mun an siam lai.

NUMBER 1:54

Israel tla nih chun LALPA nih Mosi sinah thu a pêk mi hâwi hen an ti rawh.

NUMBER 16:46

Mosi nih Aron sinah, “Na meikhêng kha put le, mâichâm ah mi meiṭil kha siah le, chu meiṭil lakah chun rimthâw phulh. Chu hen chun mawhsareh hen zapi minung sinah kal le, an rangah dân hâwi hen thenhlimhnâk siam piak na. Mawhsareh hen kal! LALPA thinthawknâk chu a hawng tlung taktê rawh; râi vei khawm anna dawmh rawh,” a ti.

NUMBER 16:9

LALPA Puanin ah rianṭuan hen amah nan va naih kho ding hen leh mi zapi tla rangah rian nan ṭuan piak na ding hen, Israel Pathian nih mi zapi lakah mi a dang ê hen an thlei na mi hi thil metê ah ma nan ruat?

NUMBER 17:7

Mosi nih ṭhianṭhunh tla chu LALPA Thudântuk Bâwm mâika ah Puanin ah a siah hep.

NUMBER 2:17

A masa chem mi murui nih leh a madung mi murui nih karah Levi tla Puanin zawnhtu an kal ding asi. Murui kip chu riakmun a mi hâwi hen a sang vima hen kal ding asi, mah puanzâr mi mun chiauah.

NUMBER 3:23

Hi chi tla hi thlanglei kângah Puanin dunglei ah

NUMBER 3:29

Hi phun tla chu Puanin simlei kângah Uziel fapa

NUMBER 3:35

Hi chi tla chu Abihail fapa Zuriel an hotu hen Puanin marlei ah an um ding asi.

NUMBER 3:38

Mosi leh Aron leh a fapa tla chu Puanin mâilei kângah suahlei ah an um ding asi. Israel mi tla rangah Mun Thenhlimh ah rianṭuantu ding ah mawhphurhnâk anna ting. Midang âutal nih chu rianṭuan ding tumtu chu thah ding asi.

NUMBER 31:30

Mi zapi tla vo lakah mi tleih mi minung sâwmnga lakah pakhat chu hâwi hen ranrual, sanatung tla, dawrâ tla, kêl tla lakah mi khawm chu lâk ding asi. LALPA Puanin lakah rianṭuantu Levi murui rangah pêk na,” a ti.

NUMBER 31:47

Hi lakah mi hi Mosi nih ran leh tleih mi minung sâwmnga lû ah pakhat vima a lâk le, LALPA thupêk hâwi hen LALPA Puanin rianṭuantu Levi tla rangah a pêk na.

NUMBER 8:19

chun Levi tla chu Israel thawk a thilpêk hâwi hen Aron leh a fapa tla sinah ka pêk na, Puanin lakah Israel mi tla rangah rianṭuan ding leh Israel mi tla nih Mun Thenhlimh an hawng naih tuk hen siat-le-râwknâk lakah vêngtu ding ah ka ruat na asi,” a ti.

2 TIMOTHE 4:2

Thu sim rawh, a tik tla ah, a tik lo tla ah khawm ti vima; dawnhkho tak hen, sîntir bû hen an mawhnâk theihtir le, nunsimh leh fawrh rawh.

1 SAMUEL 6:19

Beth Semes khua mi tla nih LALPA nih Thudantuk Bâwm an zauh ruangah minung singnga sâwmsarih a thah na. Chu hâwi tluk thahnâk rokual tak LALPA nih a tlungtir ruangah mipi tla nih an ulh.