NUMBER 1:1 - Bawm Common Language Bible Version

¹ Israel tla nih Aigupta an suaktâk nûnah a kum nihnâk a thla nihnâk a ni khat ni ah Sinai Ramkaro ah Pathian umnâk Puanin ah LALPA nih Mosi sinah thu a sim.

NUMBER 1:1 ပူးပေါင်းရင်းမြစ်များ

1 Lal 6:1

Israel mi tla nih Aigupta ram an suaktâknâk thawk hen kum zali leh sâwmriat nûnah Solomon nih Israel lâirêlnâk a kum linâk a thla nihnâk ah Ziv thla ah Solomon nih Pathian Biakin sak a dawmh.

EXODUS 19:1

Israel mi zapi tla chu Rephidim an mâk le, Aigupta an suak nûnah thla thumnâk a ni khat ni ah Sinai ramkaro an va tleng. Chunah Sinai Tlâng bul ah mun an khuar le,

EXODUS 25:22

Chunah ka nan tawng lai le, Thilsiam (cherabim) panih thla panih karah mi a sinh tlûnlei thawk hen ka dân zawzawng tla Israel mi tla rangah ka nan pêk lai.

EXODUS 40:17

Aigupta ram an suaktâk nûnah a kum nihnâk a thla khatnâk a ni khat ni ah LALPA umnâk Puanin chu an dirh rawh.

EXODUS 40:2

“A thla khatnâk a ni khat ni ah LALPA umnâk Puanin chu dirh;

LEVITICUS 1:1

LALPA nih Mosi chu LALPA umnâk Puanin ah mi a kawh le,

LEVITICUS 27:34

Hi bang hi LALPA nih Israel tla rangah Mosi sinah Sinai Tlâng âh a pêk mi thupêk chu asi.

NUMBER 1:18

Mosi leh Aron nih an pumh hep na le, anmah chi leh dâwngsungkhur dân hâwi hen lasuibu ah an rîn le an luh. Mipa kum kul leh a tlûnlei mi tla chu an rêl le,

NUMBER 12:4

Lâkkhatko ah LALPA nih Mosi sinah, “Aron leh Miriam nan pathum hen Puanin kawtkâ ka umnâk ah hawng ule kan duh na,” a ti.

NUMBER 9:1

Israel mi tla nih Aigupta ram an kaltâk nûnah a kum nihnâk a thla khatnâk ah LALPA nih Sinai Ramkaro ah Mosi sinah thu a sim le, hi hâwi hen a ti.

DEUTERONOMY 1:3

Aigupta ram an mâknâk thawk hen a kum sâwmlinâk thla leikhatnâk ah LALPA nih mi zapi tla simh na ding hen thil zeizawng Mosi sinah thu a pêk mi chu a simh na rawh.

DEUTERONOMY 2:14

Chu chu Kades Barnea kan mâknâk thawk hen kum sâwmthum leh kum riatnâk asi. LALPA nih a sim rawh mi hâwi hen chu thlâk lakah mi râl dotu tla zawzawng chu an thi hep rawh.

DEUTERONOMY 2:7

“LALPA nih nan thilti zawzawng mal an sâwm na zia theihkumza u. Hi ramkaro kâu tak ah nan vâi mi tla khawm a nan zauhkhenh na asi. Hi kum sâwmli sung zawng nan sinah a um le, nan thil herh zeizawng nan nei.