NEHEMIAH 9:8 - Bawm Common Language Bible Version

⁸ Na lakah zumhkâi hen na theih le, a sinah thudântuk na siam. Kanaan mi tla ram, Hit mi tla ram, Amor mi tla ram, Periz mi tla ram, Jebus mi tla ram, Girgasit mi tla ram, a thlâk tla umnâk ding hen na tiamh. Nang chu zumh na kâi ruangah na thutiam chu na lêt loh.

NEHEMIAH 9:8 ပူးပေါင်းရင်းမြစ်များ

GENESIS 12:7

LALPA chu Abram sinah â langh le, “Hi ram hi na thlâk tla ka pêk ding mi ram chu asi,” a ti. Abram nih chun LALPA a sinah a langhtu sinah mâichâm a siam.

GENESIS 15:6

Abram nih LALPA a rinhsanh, churuang chun LALPA nih a lawmh le, a thinlung a tawng.

GENESIS 22:12

“Ngâksia chu nganfâk pêk lah le, zeitin khawm ti lah” a ti. “Pathian na ṭih zia leh a lakah na fapa neihlem na ûi lo zia tuah ka theih rawh,” a ti.

2 SAMUEL 22:31

Hi Pathian hi a thilti a rangtling a! A thu chu ngauhsanh a tlâk a! Amah chu phaw hâwi asi, a vênghimnâk hâwltu zawng rangah.

1 CHRONICLES 1:14

Kanaan chu Jebus, Amor, Girgasit,

1 CHRONICLES 16:16

Abraham sinah thudân a tuk mi leh Isak sinah a thutiam chu.

Ezra lasuibu 9:15

LALPA Israel Pathian, nang chu na rep le, na kan zuah. Kan sualnâk na sinah kan phuang asi, na mâika ah hawng kal khonâk kan nei lo,” a ti.

NEHEMIAH 9:33

Na kan rêp mi hi na dik asi, kan sual menza khawmsele, nang chu zumh na kâi.

SAM 116:5

LALPA chu a ṭha hen khua a ruat le; kan Pathian chu zângfahnâk nei mi asi.

EXODUS 3:17

Aigupta ram ah nehsawh hen an umnâk ah mi suakpi hen Kanaan mi, Hit mi tla, Amor mi tla, Periz mi tla, Hiv mi tla leh Jebus mi tla umnâk neihnâk leh ram ṭha mun ah kalpi na ding ka tum mi simh na,” a ti.

EXODUS 3:8

churuang chun Aigupta ram ah an um mi chu suakpi na hen ram kâu tak pakhat neihnâk ding hen ram ningno tak, Kanaan mi tla, Hit mi tla, Amor mi tla, Periz mi tla, Hiv mi tla leh Jebus mi tla tuah an umnâk leiah kalpi na ding hen ka hawng ṭum asi.

EZEKIEL 33:24

“Thikho mi minung, Israel ram ah khuapi a râwk mi lakah um mi tla nih thu an sim: ‘Abraham chu mi pakhat cho asi, ram pumpi pêk hen a um. Tuah chun kan tam thlo rawh, ram chu kan tâ asi,’ an ti.

NUMBER 13:29

Amalek mi tla chu simlei kâng ram ah an um le; Hit mi tla, Jebus mi tla leh Amor mi tla chu tlâng ram ah an um; Kanaan mi tla chu Mediteranian tipi kapah leh Jordan Tiva dung ah an um,” an ti.

NUMBER 23:19

Pathian chu minung hâwi hen âwkrâwl thusim mi asi lo; Minung hâwi hen thinlung dang lemang mi asi lo. Thu a tiamh rawh mi chu a ti vima; A sim mi chu a ti ngelchel.

THILTI 13:22

Chun, anih chu a ṭhial nûnah khan an lal rangah David a siam rawh; Pathian nih chu minung chu thu theihtir hen, ‘David, Jese fapa, ka thinlung hâwi put mi ka tawng rawh, anih nih chun ka duh mi vial a ti lai,” a ti.

DEUTERONOMY 26:3

Chu liauah bâwlpu si mi sinah va kal ule, a sinah, ‘Hawng kan pêk ding hen hawng kan thlâktu tla sinah a tiamh mi ram ah tuah ka lût rawh ti LALPA ka Pathian sinah ka theihtir asi,’ nan ti ding asi.

DEUTERONOMY 32:4

“LALPA chu nangmah vêngtu chak tak asi, a lampi zawzawngah rangtling leh rep tak asi; Na Pathian chu zumh a kâi hen a dik asi; A dik mi leh a ṭha mi vial a ti.

DEUTERONOMY 7:1

“LALPA nan Pathian nih nan va luah ding mi ram ah an kalpi na lai le, a sungah mi phun tam tak tla chu a nar hep na lai. Nan kalnâk kip ah nanmah ngâk hen tam dauh mi leh thiltikho dauh mi phun sarih: Hit mi, Girgasit mi, Amor mi, Kanaan mi, Periz mi, Hiv mi leh Jebus mi tla a nar phin na lai.

DEUTERONOMY 9:5

LALPA nih an ram an tingtir na mi chu nan ṭhat ruang leh nan dik ruangah asi lo. An sual ruangah leh a nan thlâk natu Abraham, Isak leh Jakob sinah thu a tiamh mi ti a tum ruangah a nar na awt mi asi.

TITA 1:2

chu zungzâl nungnâk chu Pathian âwkrâwl sim kho lo nih chun laikulh um lânah a tiamh le,

HEBRAI 11:17

Lungnâk hen Abraham chu thutiam tla ting hen, “Isak lakah hin na thlâk tla an hawng suak lai,” ti hen simh si menza khawmsele,

HEBRAI 6:18

Thil panih a um: Pathian a âwkrâwl kho lo mi leh thlakthleng kho lo mi chu, kannih a sinah himnâk tawngtu tla hi kan mâilei ah lungumnâk chu bir tak tleih thlir ding hen fâk tak hen fawrh kan si.

JOSUA 11:23

Mosi nih thu a pêk hâwi hen Josua nih ram pumpi a lâk hep rawh. Anmah tâ si rawh ding hen Israel tla chu a pêk na le, anmah tingvo chiau a siam piak na, tingvo khat chu phun khat rang vima ding hen. Churawhchun, mi tla chu râl tuknâk chu anna dîn rawh.

JOSUA 11:3

Chu lo khawm ah Jordan Va kiangkam Kanaan mi tla, Amor mi tla, Hit mi tla, Periz mi tla, tlâng ram ah Jebus mi tla, Mizpah ram ah Hermon Tlâng bul ah Hiv um mi tla sin khawm ah thu a thanh na.

JOSUA 23:14

“Tu chun ka thih ni a nâi rawh. LALPA nan Pathian nih a nan tiamh na mi chu an pêk na rawh ti nan ektê hen nan theih rawh. Thu a tiamh mi zawng chu a zulh hep rawh, pakhat khawm a zulhpeh lo mi a um lo.

JOSUA 9:1

Israel tla nih nehnâk anna ting mi chu Jordan thlanglei mi lalchem zawzawng tlângah mi, Mediteranian Tipi phâi ah mi zawzawng, Lebanon tlâng marlei tiang hen an theih ver. Hi bang Lalchem tla hi Hit mi lalchem tla, Amor mi lalchem tla, Kanaan mi lalchem tla, Periz mi lalchem tla, Hiv mi lalchem tla leh Jebus mi lalchem tla an si.

1 JOHAN 1:9

Kan sual tla Pathian sinah thutluang kan vâwr chun, kan sual tla ngaihdam ding leh kanna replonâk zawzawng leh kan sual tla thiangtir ding hen, â rep hen zumh a kâi asi.