NEHEMIAH 9:6 - Bawm Common Language Bible Version

⁶ Churawhchun, Israel mi tla nih hi hâwi hen thla an cham: “LALPA, nangmah cho chu LALPA na si; vân tla leh vân ah mi ârfi tla na siam na. Ram leh tisumsumriat leh a sungah thil zeizawng na siam le, an ektê rangah nungnâk na pêk na. Vân thiltikhonâk tla chu kûn hen, nangmah an sawnh.

NEHEMIAH 9:6 ပူးပေါင်းရင်းမြစ်များ

GENESIS 1:1

A tîrah Pathian nih laikulh a siam liauah chun,

GENESIS 1:9

Churawhchun, Pathian nih, “Vândum tangah tî tla chu a pûm hep na seh, chun tlâng hawng lang seh,” ti hen thu a pêk le, chu hâwi hen a hawng um.

GENESIS 2:1

Churawhchun, laikulh pumpi chu siam dih asi rawh.

GENESIS 32:2

A muh na rawh chun, “Hi hi Pathian umnâk mun asi,” a ti le, chu mun min ah chun Mahanaim a ti.

1 Lal 22:19

Mikaiah nih a sim vima le, “Tuah LALPA thusim hi ngâinik, LALPA chu vân ah a laltophah ah to hen a kiangkam ah vânmifial tla zawzawng hen dîr mi ka muh.

1 Lal 8:27

“Pathian, sikhawmsele nang chu tual tlûnah hin na um tatak kho awt mazei? Vân zawzawng khawm khi nang rang chun a bî tuk, kei sak mi Biakin châng chu nang rangah zeitin a kâu tâwk kho lai?

2 Lal 19:15

“LALPA, Israel Pathian; thilnung thla tlûn leiah na laltophah ah to mi, nangmah cho Pathian na si, laikulh ram zawzawngah lâi na rêl, nangnih tual leh vân na siam.

2 Lal 19:19

LALPA, kan Pathian, tuah Asiria tla lakah mi chu hawng kan hum rawh, laikulh phun zawzawng nih nangmah cho LALPA Pathian na si ti an theih khonâk ding hen,” a ti.

NEHEMIAH 9:5

Hi bang Levi tla rang hin Pathian sawnh ding hen an kawh na: Jeshua, Kadmiel, Bani, Hasabneiah, Serebiah, Hodiah, Sebaniah leh Pethahiah tla hi. Annih nih chun, “Dîr ule, LALPA nan Pathian sawr u; zungzâl zungzâl hen sawr u! Mikip nih a min rokual sawr na seh, minung sawrnâk ko chu tâwk lah menza khawmsele,” an ti.

SAM 102:25

A lân thawk hen tual chu na tuah le, nangmah kut tak hen vân chu na siam.

SAM 103:21

Vân ah thiltikhonâk zawzawng tla, amah rianṭuantu tla, a duhzia titu tla! LALPA chu sawr u.

SAM 115:15

Tual leh vân siamtu LALPA nih mal a nan sâwm seh!

SAM 124:8

Hawng kan ṭangpinâk chu LALPA tual leh vân siamtu thawk hen a hawng.

SAM 146:6

Tual, vân, tisumsumriat, lakah a um mi zawzawng siamtu ngauhsantu chu a thaw a suak. A thutiam chu a kil kumza le;

SAM 24:10

Lal rokual hi âu mesi? Nehtu LALPA, amah chu Lal rokual tak chu asi!

SAM 33:6

LALPA nih a thupêk hen vân chu a siam le; nî, thlâ leh ârfi tla chu a thu hen a siam.

SAM 36:6

Na repnâk chu tlâng sâng hâwi hen tlûn leiah a um. Na lâirêlnâk chu tipi thûk tak hâwi asi. Minung leh ramsa tla chu nangmah zauhkhenh an si.

SAM 86:10

Nang chu na chak le, thilchê tak tla na ti; nang cho hi Pathian na si.

ISAI 37:16

“LALPA, Zeizawng tikho, thilnung thla tlûnah totu Pathian chu nangmah cho na si le, nangnih chun laikulh lalram zawzawngah lâi na rêl. Nangnih tual leh vân na siam.

ISAI 37:20

Tuah LALPA, kan Pathian, laikulh phun zawzawng nih nangmah lâwng Pathian na si ti an theih khonâk ding hen Asiria lakah mi hawng kan hum rawh,” a ti.

ISAI 43:10

“Israel mi tla, nannih chu keimah theihpitu nan si; ka to-aw siding hen kan thîm na le, nan ka theih hen nan ka lung hen keimah cho Pathian kasi ti nan theihthiam khonâk ding hen. Keimah lo chu pathian dang rêng a um lo; a lân khawm a um dahlo, hi nûn khawm ah a um rerêng lai lo rawh.

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ISAI 44:8

Ka mi tla, ṭih lah u! A lân thawk hen tutiang hen thil a hawng tlung ding hen ka simkan mi chu nan theih le, nannih chu hawng ka theihpitu tla nan si. Pathian dang rerêng a um ma? Ka theih dahlo mi pathian thiltikho tak a um ma?” a ti.

ISAI 45:12

Kei, tual siam hen a sungah um ding mi minung siamtu kasi. Ka thiltikhonâk hen vân tla ka pharh le, nî leh thlâ leh ârfi tla ka thu thu hen ka siam na.

JEREMIA 32:17

“LALPA zahkâi, nangnih tual leh vân na thilti rokual leh chaknâk hen na siam le; nang rangah chun thil zeikhawm a har tuk mi a um lo.

EZEKIEL 20:11

Ka thupêk tla ka pêk na le, ka dân tla ka sîntir na, a zûltu tla rangah nungnâk ding hen.

JONA 1:9

Jona nih a sâng le, “Hebrai mi kasi, tual leh tipi siamtu vân Pathian LALPA sawnhtu kasi,” a ti.

JOHAN 10:30

Kei leh Pa chu pumkhat kan si,” ti hen a sâng.

THILTI 4:24

Chun, a ngâitu tla nih chun thu anna rual le, hâu fâk tak hen Pathian sinah, “Lalpa, nang vân leh tual leh tisumsumriat leh a sungah um tla zawzawng siamtu na si;

DEUTERONOMY 10:14

Vân a sâng chem mi leh tual lakah mi thil zawzawng LALPA tâ asi.

DEUTERONOMY 32:39

“ ‘Keimah cho hi Pathian kasi; pathian dang tla chu a tak asi lo. Ka thah le, ka nunh, ka liamh le ka damh. Ka thilti lakah âukhawm an hawng ka do kho lo.

DEUTERONOMY 6:4

“Israel tla, hi hi theih u! LALPA, LALPA amah cho chu kan Pathian asi.

HEBRAI 1:3

Amah chu Pathian rokualnâk hen a chêu le, amah chu Pathian tak banghnâk neitu asi, a thiltikhonâk hen laikulh chu dirh asi. Minung tla sual a thenhlimhtir nûnah Chungnungchem Thiltikhonâk Pathian vawrhlei ah vân ah a to rawh.

HEBRAI 1:6

Chun, Pathian nih a Fa tîr chu laikulh ah a hawng fial liauah, a sin khawm ah, “Pathian vânmifial tla zawzawng nih amah chu sawnh seh,” a ti.

THUPHUANG 14:7

Chun, anih nih chun, hâu fâk tak hen, “A lâirêl tik chu a tlung rawh ruangah Pathian ṭih ule, chawnglawmh u, tual leh vân, tisumsumriat leh tinungva tla siamtu chu mâimûk u,” a ti.

THUPHUANG 4:11

“Nang kan Lalpa leh kan Pathian, rokualnâk tla, chawnglawmhnâk tla, thiltikhonâk tla tawng tlâk na si. Nangnih zeizawng na siam le, nangmah duh thu hen nungnâk na pêk na asi,” an ti.