NEHEMIAH 9:34 - Bawm Common Language Bible Version

³⁴ Hawng kan thlâktu tla, kan lal tla, ruitu tla leh bâwlpu tla khawm nih na Dân chu an zûl lo. Na dân thu leh na nunhsimhnâk khawm an ngâilo.

NEHEMIAH 9:34 ပူးပေါင်းရင်းမြစ်များ

2 Lal 17:13

LALPA nih mifial leh khuavâng tla Israel leh Juda rangah thiamthihtir na ding hen a fial le, “Thilsual ti bâng ule, ka to-aw khuavâng tla mang hen nan thlâktu rangah dân ka nan pêk na mi lakah mi kha zûl u,” a ti.

2 Lal 17:15

An thlâktu tla sinah thudântuk chu an zûl duh lo le, a sîntirnâk khawm an êl; a nunsimhnâk khawm an siarlo. Zeikhawm silo mi ruk an sawnh le, anmah khawm zei kawngkâ khawm an zawh lo. An kiangkam mi phun tla ti dân an châwng le, LALPA thupêk khawm an ngâilo, a dawn khawm an dawn lo.

2 CHRONICLES 29:6

Hawng kan thlâktu chu LALPA kan Pathian lakah zumhkâilo tak hen an um le, a duh lo kâng hen thil an ti. LALPA umnâk mun chu dunglei sît hen an kaltâk.

Ezra lasuibu 9:10

“Sikhawmsele, Pathian, tuah chu hâwi hen thil a hawng um rawh mi chu kannih nih zei thu kan sim lai rawh?

NEHEMIAH 9:30

Kum siar hen dawnh kho tak hen nun na simh na le, na khuavâng tla chu thusim ding na simh na le, sikhawmsele na mi tla nih an nâ an settir pang, churawhchun phun dang anmah nehtu ah na siam na.

NEHEMIAH 9:33

Na kan rêp mi hi na dik asi, kan sual menza khawmsele, nang chu zumh na kâi.

NEHEMIAH 9:35

Na malsâwmnâk ruangah lal tla nih na mi tla lakah lâi an rêl, na pêk na mi ram ningno kâu tak ah an um, sikhawmsele an sual kaltâk hen na rian an ṭuan lo.

JEREMIA 29:19

Ka to-aw khuavâng mang hen thu ka chah na mi an zûl duh lo ruangah chu chu an lakah a tlung lai. A ngâi ding an duh loh.

JEREMIA 44:17

Thi1 zeizawng ti ding hen kan sim mi chu kan ti awt. Kan pathiannu, vân lalnu sinah bâwlnâk kan ap hen a sinah uain ap mi tla kan tawih awt, kanmah leh hawng kan thlâktu tla, kan lalchem leh hawng kan ruitu tla nih Juda khuapi tla leh Jerusalem zâwllâi ah kan ti mi hâwi hen. Churawhchun, tî-râwl tam tak kan nei, sul-le-lam tluang tak hen kan um le, nawknâk zeikhawm a um lo.

JEREMIA 44:4

Ka to-aw khuavâng tla, hi thil ṭihnungkâi ka hua mi hi ti lo rawh ding hen an simh na ding hen ka hawng fial kumza.

EZEKIEL 5:6

Sikhawmsele, Jerusalem chu ka thupêk lakah a hel le, phundang tla ngâk hen a sual dauh hen a kiangkam ram tla ngâk hen ê-aw ngâilo dauh mi a langh. Jerusalem nih ka thupêk ngâilo hen ka dân khawm a zûl duh lo.

DANIAL 9:6

Na to-aw khuavâng tla nih na min hen kan lal tla leh lâirêltu tla, hawng kan thlâktu tla leh kan phun zawzawng tla sinah thu an sim mi chu an ngâi duh lo.

DEUTERONOMY 31:21

siatnâk ṭihnungkâi tam tak an lakah a hawng tlung lai. Sikhawmsele hi la hi sak kumza ding asi lai, an lakah thil a hawng um ding mi theihfiangnâk ruangrûl ah asi lai. Tu khawm ah thu ka tiamh na mi ram ah ka kalpi na lân khawm ah an thinlung ruat ka theih ko,” a ti.