NEHEMIAH 9:2 - Bawm Common Language Bible Version

² Ramdang lakah mi anna thlei tâ le, an thinlung a fâk tih theihnâk ding ah salâpuan anna aih le, an lû ah valeidip anna phulh. Churawhchun, an thlâktu leh anmah sual phuang ding hen an dîr.

NEHEMIAH 9:2 ပူးပေါင်းရင်းမြစ်များ

1 Lal 8:47

na mi tla thlachamnâk ngâi piak na rawh. Sal ah kalpi hen an umnâk ram ah an sual tla an phuang hen an rim chun an thlachamnâk ngâi piak na rawh LALPA.

Ezra lasuibu 10:11

Tuah nan thlâktu tla LALPA Pathian sinah, amah lawmhtir ding hen nan sual tla thutluang vâwr u. Kan ram ah ramdang mi tla lakah a thliar ule, ramdang mi nupi neih bâng u,” a ti.

Ezra lasuibu 6:21

Chu bâwlnâk sa chu Israel saltâng kîr mi zawzawng leh chu ram ah um mi lunglotu pathian sawnh bâng hen LALPA Israel Pathian sawnhtu zawzawng nih an ei.

Ezra lasuibu 9:1

Chubang zawzawng ti thluh asi rawh chun Israel mi leh ruitu tla chu an hawng le, zapi tla, bâwlpu leh Levi tla chu an kiangkam ram ah mi Amon, Moab, Aigupta, Kanaan mi, Hit mi, Periz mi, Jebus mi leh Amor mi tla lakah anna thliar loh ti thu an hawng ka simh. Chubang minung tla hâwi hen thil fihnungkâi an ti.

Ezra lasuibu 9:15

LALPA Israel Pathian, nang chu na rep le, na kan zuah. Kan sualnâk na sinah kan phuang asi, na mâika ah hawng kal khonâk kan nei lo,” a ti.

Ezra lasuibu 9:2

Juda mi tla chu ramdang mi tla hen anna umh le, churuangah Pathian mi thenhlimh tla chu an nâwm rawh. Ruitu tla leh rianṭuantu tla chu buartu lakah a lukhâi an si rawh.

NEHEMIAH 1:6

LALPA, hawng ka zauh le, na to-aw Israel mi tla rangah a sûn a zân hen thla ka cham mi hi hawng ka ngâi piak. Kannih Israel mi tla nih kan sualnâk tla ka hawng phuang asi. Hawng ka thlâktu leh kei nih thilsual kan ti rawh asi.

NEHEMIAH 10:28

Kannih, Israel mi tla, Bâwlpu tla, Levi tla, Biakin vêngtu tla, Biakin tumphung tumtu tla, Biakin rianṭuantu tla, leh Pathian Dân zûl hen kan ram ah phundang um mi le tla lakah kanna thlei mi tla nih kan nupi leh kan fa lungfiang tâwk mi tla hen,

NEHEMIAH 10:29

hawng kan ruitu tla hen hi thutiamnâk lakah thurual hen Pathian nih a to-aw Mosi mang hen Dân hawng kan pêk mi zûl ding hen LALPA kan LALPA nih thu hawng kan pêk mi zawzawng leh a herh phung kan zûl lo hen chu siat chu kan buar chun a mawh chu kan lakah um seh.

NEHEMIAH 13:3

Israel tla nih Dân an rêl mi an theih rawh chun, ramdang minung zapi lakah um mi tla chu an thliar na rawh.

NEHEMIAH 13:30

Mi zapi phundang nunau ah anna nawmh mi chu ka thenh na le; bâwlpu tla leh Levi tla nih mah rianṭuan chiau an theih ding hen dân ka siam piak na.

SAM 144:11

Ka mêlma sual tak tla lakah mi hawng ka hum le, ramdang mi thudik sim dah lotu leh âwkrâwl hen siatsirhtu thiltikhonâk lakah mi hawng ka hum rawh.

SAM 144:7

Tlûnlei thawk hen hawng vuanh le, tî thûk takah mi chu hawng ka suah le, hawng ka hum.

THUFING LASUIBU 28:13

Na damsung ah na sualnâk na pheh chun, dingchangnâk na tawng lai lo. Phuang le, mâk le, Pathian nih na lakah khua a ruat lai.

ISAI 2:6

Pathian, na mi Jakob thlâk tla chu na kaltâk na rawh! Ram chu saklei leh Philistia ram thawk hen hawng mi dâwithiam tla hen an khat rawh. Mi nih ramdang umdân an châwng.

JEREMIA 14:20

LALPA, na lakah thilsual kan ti, kanmah sual leh kan thlâktu sualnâk tla na sinah kan hawng phuang asi.

JEREMIA 3:13

Na sual mi leh LALPA na Pathian lakah na hel mi chu a pêk lam a pêk ko. Thing ring tang kip ah ramdang pathian tla sinah na dâwtnâk na pêk mi leh ka thupêk na ngâilo mi chu thutluang vâwr rawh. Kei, LALPA nih ka sim asi.

DANIAL 9:20

Thla ka cham vima le, keimah sualnâk leh Israel mi tla sualnâk thutluang ka vâwr le, LALPA, ka Pathian sinah Biakin dirh nawlh ding hen ka ngiar.

HOSEA 5:7

LALPA lakah zumh an kâi lo le; an fa tla khawm anih tâ an si lo. Churuangah tuah anmah leh an ram chu a vei sawm lai.