NEHEMIAH 9:16 - Bawm Common Language Bible Version

¹⁶ Sikhawmsele hawng kan thlâktu tla chu anna zûm le, thu an ngâilo le, na thupêk zûl ding an êl.

NEHEMIAH 9:16 ပူးပေါင်းရင်းမြစ်များ

2 Lal 17:14

An thlâktu tla nih LALPA an Pathian an zumh lo hâwi ber hen ngâihlo lêm an thlâk le, an zûl duh lo.

2 CHRONICLES 29:6

Hawng kan thlâktu chu LALPA kan Pathian lakah zumhkâilo tak hen an um le, a duh lo kâng hen thil an ti. LALPA umnâk mun chu dunglei sît hen an kaltâk.

2 CHRONICLES 30:8

Anmah hâwi hen lungkhung lah u, LALPA thu ngâi u. Jerusalem a Biakin ah hawng u, chu chu LALPA nan Pathian nih thenhlimh tak hen amah sawnhnâk ah a siam mi asi le, chu tikah LALPA chu nan lakah a thinthawk lai lo rawh.

2 CHRONICLES 36:13

Zedekiah chu Nebukadnezar nih zumhkâi tak hen Pathian min hen thutiamnâk nei êu ding a ti piak mi a êl. Lungkhung tak hen a ngâi duh lo le, LALPA Israel Pathian leiah kîr ding hen a rim duh lo.

NEHEMIAH 9:10

Lal leh a mi tla leh a ram mi tlûnah thilchê tak hen na ti, na mi tla an nehsawh zia tla na theih ruangah. Tusûn ni tiangah na min a thang phah.

NEHEMIAH 9:29

Na sîntirnâk tla zûl ding hen na fawrh na le, sikhawmsele, anna zûmnâk ruangah na Dân tla zûl hen nungnâk ding chu an duh lo. An lung an khungtir le, ngaihlo lêm an thlâk le, an zûl duh lo.

SAM 106:6

Hawng kan thlâktu tla hâwi hen kan sual bâk le; kan ṭhalo hen kan sual.

SAM 81:8

Ka mi tla ka nan simhkanh na mi hi ngâi u; Israel tla ka thu ngâi ding hen kan duh na zia hi!

EXODUS 15:26

“Thudik ka ruat mi leh ka thupêk nan zûl hep chun Aigupta tlûnah râi ka tlungtir mi hen kan rêp na lai loh,” a ti. “Kei, LALPA, a nan damh natu kasi,” a ti.

EXODUS 32:9

Hi minung tla nih simh an ngâilo zia chu ka theih rawh.

THUFING LASUIBU 29:1

Zeiliau zawng ah nunsimh kip ah na lungkhung chun, veikhat chu na râwk teh lai le, na ṭha kho lai lo rawh.

ISAI 48:18

“Ka thupêk cho ngâitu nan si chun malsâwmnâk chu tiva kâng dahlo mi hâwi hen nan rangah a hawng luang lai! Tiva kapah tîlian a luang mi hâwi hen nehnâk nan lakah a hawng tlung lai.

ISAI 48:4

Thîr chang tak leh dâr khauh tak hâwi hen nan lung a khung awt mi ka theih.

ISAI 63:10

sikhawmsele a lakah an hel le, a ngaih an siatir. Churawhchun, LALPA chu an mêlma ah â chang le, a do na rawh.

JEREMIA 19:15

LALPA Zeizawng tikho, Israel Pathian nih hawng ka simh mi thu zapi minung zawzawng ka simh na, “Ka thusim ngâi duh lo hen nan lung a khung ruangah, hi khuapi leh a kiangkam mi khua tênâu lakah rêpnâk zawzawng ka tlungtir lai ka ti mi chu ka hawng tlungtir awt, a ti,” ti hen.

JEREMIA 2:31

Israel mi tla, ka thusim zei asi ngâi u. Nan rangah ramkaro, mûi leh ṭihnungkâi hâwi ma kasi? Chu hâwi asi chun, na duhzia ti hen na sinah ka hawng kîr awtlo rawh na ti bei ne?

JEREMIA 7:26

Sikhawmsele, mi âukhawm nih an âwva hen an ngâi duh na lo. Chu hâwi ding ngâk hen, lungkhung dauh leh an thlâk natu ngâk hen hel dauh hen nan um.

EZEKIEL 5:6

Sikhawmsele, Jerusalem chu ka thupêk lakah a hel le, phundang tla ngâk hen a sual dauh hen a kiangkam ram tla ngâk hen ê-aw ngâilo dauh mi a langh. Jerusalem nih ka thupêk ngâilo hen ka dân khawm a zûl duh lo.

THILTI 7:51

“Mi lungkhung, lunglo mi thinlung puttu leh nasêt tla, zeiliau zawng ah Thlarau Thenhlimh nan do kumza; nan thlâktu tla ti hâwi vima khan nan ti tâwn.

ROM 2:5

Thinlung lianhnâk leh thinlung khauhnâk nan nei. Churuangah Pathian thinrunhnâk leh lâirêlnâk dik tak a hawng lang tik Ni ah chun nanmah rêpnâk lian dauh nan siam asi.

DEUTERONOMY 31:27

An lungkhung zia leh hel an mang zia ka theih. Ka dam liau khawm ah LALPA tlûnah an hel le, ka thih nûn châng chun thungâi an zual lai.

DEUTERONOMY 32:15

“LALPA mi tla chu an nei dadauh le, sikhawmsele hel mang an si; An bit hen an khawp asi. An Siamtu Pathian chu an kaltâk le, an Ruangsuahtu chak chu an duh lo.

DEUTERONOMY 5:29

Hi hâwi hen an dawn kumza hen, keimah lâwng an ka zah kumza hen ka thupêk tla an zûl kumza chun zeizawng ah an sul-le-lam a tluang lai le, an thlâk tla khawm an um kumza lai.

DEUTERONOMY 9:13

“LALPA ber nih ka sinah, ‘Hi minung tla hi an lung a khung thlo ti ka theih.

DEUTERONOMY 9:27

Na to-aw Abraham, Isak leh Jakob chu theihkumza na le, hi bang zapi mi lungkhung, ṭhatlonâk leh sualnâk hi ngâi piak lah na.

DEUTERONOMY 9:6

Pêk tlâk nan si ruangah hi ram ṭha hi LALPA nih an pêk na mi asi lo ti theih u. Chu hâwi ding ngâk hen, mi lungkhung tak nan si.

HEBRAI 3:13

Pathian lasui thu nih, ‘Tusûn an ti sung hin, nisiar hen a fawrh tawnh u. Chu lo chun, nan lakah mi âumawh sual perpetnâk ah lungkhungtir hen nan um sual lebang lai,’ ti hen kan sinah a mang asi.

HEBRAI 3:15

Pathian lasui thu nih, “Tusûn ah a aw-hâu nan theih chun Pathian lakah an hel liau mi hâwi khan, nan thinlung khauhtir lah u,” ti hen a sim.