NEHEMIAH 9:1 - Bawm Common Language Bible Version

¹ Chu thla lîlâ ni kul leh ni li ni ah Israel tla chu an sual anna sîr ti theihnâk ding hen buhngei hen anna pûm.

NEHEMIAH 9:1 ပူးပေါင်းရင်းမြစ်များ

2 SAMUEL 1:2

A thâituan ah minung pakhat Saul umnâk ah mi a hawng tleng; a ngâihsia ti theihnâk ah a puan tla a thlêk, valeidip a lû ah a phulh le, David sinah a va kal le, zah tak hen mâi a mûk.

2 CHRONICLES 20:3

Jehosaphat chu a lâu le, ṭangpi sâwm hen LALPA sinah thla a cham. Ram pumpi ah buh ngei ding hen thu a thanh na.

2 CHRONICLES 7:10

a thâituan chun a thla sarihnâk a ni kul leh ni thum ni ah Solomon nih mi zapi tla chu in leiah a tlungtir na rawh. LALPA nih a mi Israel tla, David leh Solomon rangah mal a sâwm na mi ruangah thungâi anna lâwm.

Ezra lasuibu 8:21

Tî lampi chawhnâk mun Ahaviah ah, kan Pathian mâika ah thinlung nâu tak a buh ngei ding hen leh kan kalnâk ding lampi tluan hen kan neih leh kan fa tla hawng kan kilkâwi ding hen Pathian sinah ngiarnâk thu ka suah.

Ezra lasuibu 8:23

Churawhchun, buh kan ngei le, a sinah thla kan cham le, kan thlachamnâk chu hawng kan sâng rawh.

NEHEMIAH 8:2

Churawhchun, Ezra nih zapi minung, nunau, mipa, ngâksia thu theih kho tâwk ding mi sinah chun Dân bu chu a put rawh.

ESTHER 4:16

“Juda zawzawng Susa ah pumh ver na le, ka rangah buh ngei hen thlacham u. Ni thum leh zân thum chu buh ei leh tî dinlo hen um u. Ka to-aw nungâk leh kei khawm nih chu hâwi kan ti bâk lai. Chu tikah dân si lah khawmsele lal sinah ka va kal lai, churuangah thi ding asi âwk le, ka thi ko lai,” a ti.

ESTHER 4:3

Ram ṭhen zawzawngah lal thusuah theihnâk mun zawng chu Juda tla lakah hâu fâk tak suah hen ṭapnâk a tlung. Buh an ngei le, an ṭap le, thungâi an tuar rawh, mi tam tak salâpuan aih hen vachâm nâwngah an rîl.

JOB LASUIBU 2:12

An kal liauah râllâtpi ah Job chu an muh le, amah tak asi ti an theihfiang lo. An muh fiang rawh chun an ṭap le, an lung a fâk tukah an nipuan tla an thlêk le, vân leiah valeidip an lawh le, an lû tlûnah an phulh.

ISAI 22:12

LAPA zahkâi, Zeizawng tikho nih chun, ṭap ding leh ulh ding hen nan lû mêt ding leh salâpuan aih ding hen a nan kawh na.

JOEL 2:12

LALPA nih, “Tu khawm ah, zumhkâi tak hen rim ule, ṭap bû leh lungfâk tak hen buhngei hen ka sinah hawng kîr u.

LEVITICUS 23:39

Nan phâisen fâng nan ât tikah ni sarih sung kûtnâk hi a thla sarihnâk ni leinga ni ah dawmh u. A ni masa chem chu a bîk hen dinhnâk ni asi lai.

JOSUA 7:6

Josua leh Israel ruitu tla nih an ngaihsia tukah an puan tla an thlêk le, Thudântuk Bâwm kiangah chun tual ah an ngaihsia ti theihnâk ding hen an lû ah valei kawp buk hen zânlei tiang an rîl ko.

THUPHUANG 11:3

Chun, ka thu theihpitu mi panih chu ka fial lai le, salâpuan aih hen ni sâng khat zanih leh sâwmruk Pathian thu an sim lai,” a ti.

LÂIRÊL 20:26

Churawhchun, Israel mi zawzawng tla chu Bethel ah an kal le, an ulh. Chunah chun LALPA mâika ah buh eilo hen zânlei tiang an to. An ektê hen LALPA mâika ah chun kawmhnâk ding hen bâwlnâk an ap le, bâwlnâk zawzawng tla LALPA mâika ah an duah.

1 SAMUEL 4:12

Minung pakhat Benjamin phun ah mi chu tuknâk thawk hen Siloh khua leiah a hawng tek le, chu ni lîlâ ah a va tlung rawh. A ngaihsiat theihnâk ding hen a puan tla a thlêk le, a lû ah valei a phulh.

1 SAMUEL 7:6

Churawhchun, Israel tla chu Mizpah ah anna pûm hep rawh. Tî an tan le, LALPA sinah thil ap rang ding ah an thlêt le, nî tlâk an ulh. “LALPA lakah thilsual kan ti,” an ti. (Samuel nih Mizpah ah Israel tla remlonâk thu a chek.)