NEHEMIAH 8:9 - Bawm Common Language Bible Version

⁹ Zapi tla nih dân a herh zia an theih rawh chun an thinlung a purh le, an ṭap rawh; Churawhchun, Nehemiah lâirêltu, Dân theihtu Ezra, bâwlpu leh Dân theihtu leh Levi tla Dân simhfiangtu tla nih zapi minung tla chu, “Tusûn hi LALPA nan Pathian lakah ni thenhlimh asi, lungfâk hen nan ṭap ding asi loh.

NEHEMIAH 8:9 ပူးပေါင်းရင်းမြစ်များ

2 Lal 22:11

Lalchem nih lasuibu rêl mi a theih rawh chun, lung fâk tak hen a puan a thlêk le,

2 Lal 22:19

na rim le, ka lakah nau tak hen na um le, na nipuan tla na thlêk hen na ṭap le, chu chu Jerusalem leh a minung tla ka rêp ding mi na theih ruangah asi. Zauh hen ṭihnungkâi rê ding hen ka siam lai le, a mun khawm chu mi nih siatbarh mi mun an ti lai.

2 CHRONICLES 15:3

Hun sâwt tak Israel mi tla chu Pathian dik nei lo hen bâwlpu anmah sîntirtu nei lo hen, dân nei lo hen an um.

2 CHRONICLES 30:22

Hezekiah nih LALPA sawnhnâk an timhtuah mi ruangah Levi tla chu thungâi a sawr na. An thlâktu LALPA an Pathian sinah bâwlnâk tla ni sarih kar an ap nûn chun,

2 CHRONICLES 34:19

Lalchem nih lasuibu rêl a hawng theih rawh chun, a thinlung fâk tuk ruangah a puan a thlêk le,

2 CHRONICLES 34:21

“Kal ule, Israel ram leh Juda ram ah mi leh ka rangah LALPA sinah thu va deih u. Hi lasuibu lakah sîntirnâk tla hi hâwl u. Hawng kan thlâktu tla nih LALPA thu zûl lo hen, hi lasuibu nih a sim hâwi hen thil an ti lo ruangah kan lakah LALPA chu a thinrun asi,” a ti.

2 CHRONICLES 35:3

LALPA sinah pumpêknâk nei mi tla sinah, Levi tla leh Israel lakah sîntirtu tla sin khawm ah hi bang sîntirnâk tla hi a pêk na: “Hi Thudântuk Bâwm thenhlimh David fapa lalchem Solomon nih a sak mi Biakin sungah siah u. Mun dang dangah put lo rawh hen, LALPA nan Pathian leh Israel mi tla rian chu nan ṭuan rawh ding asi.

Ezra lasuibu 2:63

Juda lâirêltu nih bâwlpu Urim leh Thummim mangtu a um lânlo chu Pathian sinah ap mi tî-le-râwl an ei kho lai loh a ti na.

Ezra lasuibu 7:11

Lal lianchem Artakzerzes nih hi hâwi hen theihtirnâk lasuirîn chu Ezra bâwlpu, LALPA dân leh thupêk, Israel tla sinah a pêk na mi zawzawng theihtu sinah a pêk:

NEHEMIAH 10:1

A masa chem hen min rîntu ding mi tla chu: Lâirêltu Hakaliah fapa Nehemiah, chu sangtu chu Zedekiah. Hi bang tla khawm nih an min an rîn:

NEHEMIAH 12:26

Hi bang minung tla hi Josua fapa Joiakim, Jehozadak tupa leh lâirêltu Nehemiah leh Ezra, Pathian Dân theihtu bâwlpu tla dam liau mi tla an si.

NEHEMIAH 7:65

Juda lâirêltu nih Urim leh Thummim mang khotu bâwlpu silo mi nih chun Pathian sinah ap mi tî-le-râwl an ei kho lai loh ti hen a simh na.

NEHEMIAH 7:70

Biakin remhnâk ding hen zapi tam tak sinah ṭangpinâk an khawlh: Lâirêltu nih: ngûn kilogramme 8, zarh khêng 50, bâwlpu kawrfual 530, Phun lakah lukhâi tla nih: ngûn kilogramme 168, tangka kilogramme 1,250, Zapi tla zawzawng nih: ngûn kilogramme 168, tangka kilogramme 140, Bâwlpu kawrfual 67,

NEHEMIAH 8:2

Churawhchun, Ezra nih zapi minung, nunau, mipa, ngâksia thu theih kho tâwk ding mi sinah chun Dân bu chu a put rawh.

THUSIMTU 3:4

Ngaihsiat tik leh lâwm tik a ruat. Lungfâk tik leh lâm tik khawm a ruat.

ISAI 61:3

Zion ah lungfâk mi tla sinah ngaihsiat ngâk hen Lâwm leh lâwptlonâk pêk ding hen, Lungzûr ngâk hen sawrnâk la sak ding hen hawng ka fial. LALPA amah tak nih a phun na mi, Thing tla hâwi an si lai. A dik mi zawzawng an ti lai le, Pathian chu a thilti ruangah sawr hen a um lai.

HOSEA 4:6

Ka mi tla chu an hawng ka theih lo ruangah an vânduai asi. Nannih bâwlpu tla, hawng ka theih ding nan duh lo hen kan sîntir na nâk khawm nan duh lo, churuangah nannih khawm kan nawng na, nan fapa tla khawm bâwlpu siding hen kan theih na awtlo rawh.

MALAKI 2:13

Hi hi thil dang nan ti mi chu asi, a sinah thil ap nan put mi tla a pawmlo rawh ruangah LALPA mâichâm chu mitthli tlâk leh ṭap bû hen nan thlûk rel.

ROM 3:20

Chun, Dân thilti ruangah âukhawm a mitmuh ah mawh lo hen an um lo, Dân ruangah sual theih rangtlingnâk a hawng um dangâiah.

ROM 7:9

Chun, a lan khan kei dân lo hen ka nung le, sikhawmsele thupêk chu a hawng um kâ hen sual a hawng thawk le,

DEUTERONOMY 12:12

Chunah LALPA umnâk ah chun nan fa tla, nan to-aw tla, nan khua lakah Levi um mi tla hen munkhat lâwm tak hen um ule; Levi tla nih anmah rang ê hen mun an nei lo ti theihkumza u.

DEUTERONOMY 12:7

Chunah chun LALPA nan Pathian umnâk mal a nan sâwm na mi ram ah chun nan fa le, nan dâwngsung tla hen nan rianṭuan mi thil ṭha chu lâwm tak hen nan ei lai.

DEUTERONOMY 16:11

Nan khua ah um mi tla numei, ngâkṭah, ramdang minung, Levi tla, nan fa leh to-aw tla hen, munkhat dut hen lâwm bû hen LALPA mâika ah um u. Hi hi sawnhnâk mun pakhat ah ti u.

DEUTERONOMY 26:14

Ka ulh liau khawm ah chu lakah mi zeikhawm ka ei lo; dân ah thianglo hen ka um khawm ah ka in ah chu lakah mi zeikhawm ka lâk lo; mi thi rangah thil ap ah chu lakah mi zeikhawm ka pêk lo. LALPA, na thu ka ngâi le; parâ lû ah pakhat thu ah na thupêk hâwi hen ka zûl ver.

JEM 4:9

ngaihsia u, râk u, ṭap u, nan nihnâk chu ṭapnâk ah a chang seh, nan lâwptlonâk chu zûrnâk ah a chang seh.