Munkhat dut hen Biakin ah an kal, bâwlpu tla leh khuavâng tla, zapi zawzawng, a nei mi leh a pâm mi tla khawm nih an zûl na. Chubang zapi mâika ah chun lalchem nih thudântuk bu Biakin ah an tawng mi chu hâu fâk tak hen a rêl.
Churawhchun, mi zawzawng an in leiah an lâwi le, lâwm tak hen an din hen an ei le, an neih tla khawm midang rangah an ṭhenh na, thu rêl tla chu an theihthiam rawh ruangah.
Churawhchun, an mun chiauah an thawk le, an dîr le, hi bang Levi tla nih Dân an simhfiang na: Jeshua, Bani, Serebiah, Jamin, Akub, Sabethai, Hodiah, Maaseiah, Kelita, Azariah, Jozabad, Hanan leh Pelaiah.
Zapi tla nih dân a herh zia an theih rawh chun an thinlung a purh le, an ṭap rawh; Churawhchun, Nehemiah lâirêltu, Dân theihtu Ezra, bâwlpu leh Dân theihtu leh Levi tla Dân simhfiangtu tla nih zapi minung tla chu, “Tusûn hi LALPA nan Pathian lakah ni thenhlimh asi, lungfâk hen nan ṭap ding asi loh.
Chun, annih nih chun, ‘Lampi ah hawng kan sawnh liauah Pathian lasui thu tla hawng kan simhfiang liau khan kan thinlung a fiang pum lo ngen mazei?” anna ti.
Chun, ni an tiamh le, chu ni chun a tlungnâk in ah mi tam tak an hawng kal le, zîngtê thawk hen zânlei tiang an sinah chu thu chu a simhfiang le, Pathian Ram thu a theihtir na le, Mosi Dân lasuibu thu leh khuavâng tla lasuibu thu hen Jisu leiah anmah tla a lêm tlawtlawt na.