NEHEMIAH 8:7 - Bawm Common Language Bible Version

⁷ Churawhchun, an mun chiauah an thawk le, an dîr le, hi bang Levi tla nih Dân an simhfiang na: Jeshua, Bani, Serebiah, Jamin, Akub, Sabethai, Hodiah, Maaseiah, Kelita, Azariah, Jozabad, Hanan leh Pelaiah.

NEHEMIAH 8:7 ပူးပေါင်းရင်းမြစ်များ

1 Lal 8:14

Mi zapi tla an hawng dîr pung rawh chun Lalchem Solomon chu anmah leiah â hawi le, an rangah Pathian sinah malsâwmnâk a deih piak na.

2 CHRONICLES 30:22

Hezekiah nih LALPA sawnhnâk an timhtuah mi ruangah Levi tla chu thungâi a sawr na. An thlâktu LALPA an Pathian sinah bâwlnâk tla ni sarih kar an ap nûn chun,

2 CHRONICLES 35:3

LALPA sinah pumpêknâk nei mi tla sinah, Levi tla leh Israel lakah sîntirtu tla sin khawm ah hi bang sîntirnâk tla hi a pêk na: “Hi Thudântuk Bâwm thenhlimh David fapa lalchem Solomon nih a sak mi Biakin sungah siah u. Mun dang dangah put lo rawh hen, LALPA nan Pathian leh Israel mi tla rian chu nan ṭuan rawh ding asi.

Ezra lasuibu 8:18

Pathian zângfahnâk ruangah mi mang tlâk tak Serebiah Mahli chi, Levi thlâk lakah mi leh a fapa tla leh a unau tla leiriat tla hen kan sinah an hawng fial na.

NEHEMIAH 10:2

Bâwlpu tla: Seraiah, Azariah, Jeremia, Pasur, Amariah, Malkijah, Hatus, Sebaniah, Maluk, Harim, Meremoth, Obadiah, Daniel, Ginethon, Baruk, Meshullam, Abijah, Mijamin, Maaziah, Bilgai, Semaiah.

NEHEMIAH 11:16

Sabethai leh Jozabad, Biakin lenglei rianṭuan ah Levi lakah mi chungnung dauh an si.

NEHEMIAH 11:19

Biakin vêngtu tla: Akub, Talmon, leh an unau tla hen 172 an si.

NEHEMIAH 12:33

A sangtu chu hi bang bâwlpu tla hi tâwtawrâwt tum bû hen an zûl na: Azariah, Ezra, Meshullam, Juda, Benjamin, Semaiah leh Jeremia. Chu sangtu chu Zekaria, Jonathan fapa, Semeiah tupa a kal. (Amah thlâktu tla chu Mataniah, Mikaiah leh Zakur, Asap thlâk ah mi an si.)

NEHEMIAH 3:17

Hi bang Levi tla nih hin kulh vâm zeimawh mun dang tla an remh nawlh. Chu a sangtu chu Bani fapa Rehum nih a remh. Hasabiah, Keilah ram khingkhuai lâirêltu nih amah ram mi ruangrûl ah chu sangtu chu a remh.

NEHEMIAH 3:19

Jeshua fapa Ezer, Mizpah lâirêltu nih râlthuam siahnâk mun sangtu chu kulh vâm ngâwinâk mun tiang a remh.

NEHEMIAH 3:23

Benjamin leh Hasub nih chu sangtu amah in zâwn ram an remh. Maaseiah fapa Azariah, Ananiah tupa nih chu sangtu amah in zâwn a remh.

NEHEMIAH 8:12

Churawhchun, mi zawzawng an in leiah an lâwi le, lâwm tak hen an din hen an ei le, an neih tla khawm midang rangah an ṭhenh na, thu rêl tla chu an theihthiam rawh ruangah.

NEHEMIAH 8:4

Zeimaw ni khua rang ding ah thing dawnh an siam mi tlûnah Ezra chu a dîr le, hi bang tla hi a vawrhlei kângah an dîr: Matithiah, Sema, Anaiah, Uriah, Hilkiah, leh Maaseiah. Chun hi bang tla hi a kehlei kângah an dîr: Pedaiah, Misael, Malkijah, Hasum, Hasbadanah, Zekariah leh Meshullam.

NEHEMIAH 8:6

Ezra nih, “LALPA Pathian rokual chu sawr u,” a ti na. Zapi minung zawzawng tla nih tlûnlei ah an bân an zangh le, “Amen! Amen!” ti hen an sâng. Tual ah an mêl tâwng khet kûn hen Pathian an sawnh.

NEHEMIAH 8:8

Hâu suah hen Pathian Dân chu an leh le, zapi minung theih ding hen an simhfiang.

NEHEMIAH 9:3

Dâr kâr thum ding chu LALPA an Pathian Dân an rêl le, dârkar thum dang chu an sual tla phuang hen LALPA an Pathian an sawnh.

NEHEMIAH 9:4

Levi tla rangah dawnh an siam le, chu lakah chun Jeshua, Bani Kadmiel, Sebaniah, Buni, Serebiah, Bani leh Kenani an dîr. Hâu fâk tak hen LALPA an Pathian sinah thla an cham.

LEVITICUS 10:11

Mosi mang hen dân kan pêk na mi zawzawng tla kha Israel mi tla rangah nan sîntir na ding asi,” a ti.

MALAKI 2:7

Pathian theihnâk dik sîntir chu bâwlpu rianṭuan asi. LALPA Zeizawng mifial an si ruangah an sinah ka duhzia sîn ding hen mi tla an kal ding asi.

DEUTERONOMY 33:10

Na fa tla chu na dân zûl ding hen an sîntir lai le; Na mâichâm ah bâwlnâk an hawng ap lai.