NEHEMIAH 8:2 - Bawm Common Language Bible Version

² Churawhchun, Ezra nih zapi minung, nunau, mipa, ngâksia thu theih kho tâwk ding mi sinah chun Dân bu chu a put rawh.

NEHEMIAH 8:2 ပူးပေါင်းရင်းမြစ်များ

NEHEMIAH 10:29

hawng kan ruitu tla hen hi thutiamnâk lakah thurual hen Pathian nih a to-aw Mosi mang hen Dân hawng kan pêk mi zûl ding hen LALPA kan LALPA nih thu hawng kan pêk mi zawzawng leh a herh phung kan zûl lo hen chu siat chu kan buar chun a mawh chu kan lakah um seh.

NEHEMIAH 13:1

Mosia Dân zapi sinah fâk ual hen an hawng rêl rawh chun, Amon mi leh Moab mi tla hen Pathian mi tla chu a tlâinâk um lo rawh ding ti hen thuruatnâk a um.

NEHEMIAH 8:18

Chu kût ni, ni khat thawk hen a dawngh tiang hen Pathian Dân nisiar rêlnâk a bîk hen an nei. Ni sarih an mang, a ni riat ni ah chun Dân ah um mi hâwi hen a hun chu khâr asi rawh.

NEHEMIAH 8:9

Zapi tla nih dân a herh zia an theih rawh chun an thinlung a purh le, an ṭap rawh; Churawhchun, Nehemiah lâirêltu, Dân theihtu Ezra, bâwlpu leh Dân theihtu leh Levi tla Dân simhfiangtu tla nih zapi minung tla chu, “Tusûn hi LALPA nan Pathian lakah ni thenhlimh asi, lungfâk hen nan ṭap ding asi loh.

NEHEMIAH 9:1

Chu thla lîlâ ni kul leh ni li ni ah Israel tla chu an sual anna sîr ti theihnâk ding hen buhngei hen anna pûm.

ISAI 28:9

Ka lakah an chipchiar. “Mi nih sîntir hen ka um a ti theih hen âunih zûl? A thuchah chu âunih herh hen a theih? Fasêm nûk tlei rawh mi rang lâwng ah a ṭha asi!

MALAKI 2:7

Pathian theihnâk dik sîntir chu bâwlpu rianṭuan asi. LALPA Zeizawng mifial an si ruangah an sinah ka duhzia sîn ding hen mi tla an kal ding asi.

NUMBER 29:1

A thla sarihnâk a ni khat ni ah Pathian sawnh ding hen nanna pûm lai le, zei rian khawm nan ṭuan ding asi lo. Chu ni ah chun tâwtawrâwt nan tum ding asi.

THILTI 15:21

Mosi nih tuan liau thawk hen khua kip ah a thu simpitu a nei tâwn le, pumhnâk in ah Dinhni kip ah a thu chu rêl asi tâwn kha,” a ti.

DEUTERONOMY 17:18

Lalchem a hawng si chun Pathian dân bu leh a sîntirnâk Levi bâwlpu tla nih an kil mi a bul ah mi thu bu siam mi a nei ding asi.

JOSUA 8:35

Nunau ngâksia, ramdang minung an sinah um mi tla zawzawng pumhnâk ah Mosi thupêk zawzawng chu Josua nih a rêl hep.