NEHEMIAH 8:12 - Bawm Common Language Bible Version

¹² Churawhchun, mi zawzawng an in leiah an lâwi le, lâwm tak hen an din hen an ei le, an neih tla khawm midang rangah an ṭhenh na, thu rêl tla chu an theihthiam rawh ruangah.

NEHEMIAH 8:12 ပူးပေါင်းရင်းမြစ်များ

1 CHRONICLES 29:22

Chu ni ah chun LALPA mâika ah an din hen an ei le, thungâi anna lâwm. A veinihnâk ah chun Solomon lal a sinâk an phuang. Zadok bâwlpu nih lâirêltu ding ah LALPA min hen sariak a thuh.

NEHEMIAH 8:10

Tuah in leiah lâwi ule; puai lam ei u. A nei lo mi sinah a tâwk ding hen nan buh leh uain kha a ṭhen u. Tusûn hi kan LALPA lakah ni thenhlimh asi le, nan ngaihsia ding asi loh. LALPA nih lâwmnâk a nan pêk na mi nih a nan chaktir na lai,” an ti na.

NEHEMIAH 8:11

Levi tla nih chubang ni thenhlimh ni ah chun zûr lo ding hen an simh vima na.

NEHEMIAH 8:13

A thâituan rawh chun thlâk lakah a lukhâi dauh tla chu bâwlpu tla leh Levi tla hen Dân sîn ding hen Ezra sinah an kal.

ESTHER 9:22

Hi ni hi Juda tla an mêlma lakah mi ruang an suak ni asi le, chu thla ah chun an ngaihsiatnâk leh an lawksawngnâk chu lâwmnâk leh lâwptlonâk ah a hawng a chang ruangah chu ni chu puai einâk leh a murui hen thilthawt a pêk tawnh hen, mipâm tla rangah thilthawt pêk tla pêk na ding hen a simh na.

JOB LASUIBU 23:12

Pathian thupêk chu ka ti kumza le, keimah duhzia a umlo hen Pathian duhzia hen ka um.

SAM 119:111

Na thupêk tla chu ka zungzâl thilneih asi; ka thinlung lawmhtirtu tla an si.

SAM 119:127

Na thupêk tla chu ngûn ngâk hen ka duh dauh, ngûn a ṭha chem mi ngâk hen khawm ka duh dauh.

SAM 119:130

Na sîntirnâk simhfiangnâk nih chêu a pêk le, zeikhawm theih lo tla rangah finghnâk a pêk.

SAM 119:14

Neih leh siah ngâk hen na dân zâwt leikângah lâwmnâk ka nei dauh lai.

SAM 119:16

Na dân thu tla ah ka lâwm le, na thupêk tla chu ka philh lai lo

SAM 119:171

Na dân na ka sîntir ruangah ka nan sawr kumza lai.

SAM 119:174

LALPA! him ding hen na ṭangpinâk ka duh a! Na dân thu ah lâwmnâk ka tawng.

SAM 119:72

Laikulh ah tangka zawzawng ngâk hen na dân pêk chu ka rangah a ṭha dauh.

SAM 119:97

Na dân chu ka duh a! Nî tlâk tlâk hen ka dawn.

JEREMIA 15:16

Ka sinah thu na sim mi zawzawng chu ka ngâi ver. LALPA Zeizawng tikho, na tâ kasi, churuangah na thu nih chun ka thinlung ah lâwmnâk leh lâwptlonâk a khattir.

LUK 24:32

Chun, annih nih chun, ‘Lampi ah hawng kan sawnh liauah Pathian lasui thu tla hawng kan simhfiang liau khan kan thinlung a fiang pum lo ngen mazei?” anna ti.

ROM 7:18

Keimah lakah, chu chu ka taksa lakah tinâk asi, thil ṭha rerêng a um lo ti ka theih. Thil ṭha ti duhnâk chu keimah lakah a um narêng hen, thil ṭha tinâk lam chu a um lo.

THUPHUANG 11:10

Hi mi panih an thi ruangah, tual ah mi zapi tla chu anna lâwm lai le, lâwmnâk an siam lai le, thilpêk tla anna kuat lai, hi khuavâng panih tla nih tual ah mi zapi tla chu an hamhtir na ruangah.