NEHEMIAH 8:10 - Bawm Common Language Bible Version

¹⁰ Tuah in leiah lâwi ule; puai lam ei u. A nei lo mi sinah a tâwk ding hen nan buh leh uain kha a ṭhen u. Tusûn hi kan LALPA lakah ni thenhlimh asi le, nan ngaihsia ding asi loh. LALPA nih lâwmnâk a nan pêk na mi nih a nan chaktir na lai,” an ti na.

NEHEMIAH 8:10 ပူးပေါင်းရင်းမြစ်များ

THUFING LASUIBU 17:22

Thinlung lawmhnâk nih a nan ṭhiseltir lai. Zûr kumza hen um chu dusah hen thihnâk asi.

THUSIMTU 9:7

A mâi masa le, na buh ei le, lâwm tak hen um; na uain din le, thinlung lâwm tak hen um rawh. Pathian sinah um chu a dik asi.

SAM 149:2

Israel, a nan siamtu chu â lâwm ruangah, Zion mi tla nan lal asi ruangah, a lâwm u!

ISAI 61:10

Jerusalem, LALPA nih thil a ti mi ruangah a lâwm rawh. Anih chu umh liauah â thuam mi hâwi asi. Pathian nih ruangsuahnâk leh nehnâk puan a aihtir.

ESTHER 9:19

Churuangah Juda tla khua tênâu ah um mi khawm nih ni leili Adar thla chu lâwmnâk ni ah mang hen puai an tuah le, thilthawt pêk tla anna pêk tawnh.

2 KORIN 8:2

Kha hâwi hen hamh hen niknâk fâk tak lakah thungâi anna lâwm, an pâm thlo khawmsele hawknâk fâk tak ah â chang zia kha.

ESTHER 9:22

Hi ni hi Juda tla an mêlma lakah mi ruang an suak ni asi le, chu thla ah chun an ngaihsiatnâk leh an lawksawngnâk chu lâwmnâk leh lâwptlonâk ah a hawng a chang ruangah chu ni chu puai einâk leh a murui hen thilthawt a pêk tawnh hen, mipâm tla rangah thilthawt pêk tla pêk na ding hen a simh na.

THUSIMTU 3:13

Kan ektê hen kan rianṭuan lakah din leh ei hen kanna lâwm ding asi. Chu chu Pathian thilpêk asi.

THUSIMTU 2:24

Mi nih thil a ti kho mi lakah thil ṭha chem chu a rianṭuan tha ni lawh a ei a din hen â lâwm mi chu asi. Chubang tla khawm Pathian sin thawk hen mi asi ti ka theih.

THUSIMTU 11:2

A dang chereh hen mun tam tak ah na tangka a pung mi chu siah rawh, hi laikulh ah zei hâwi vânduainâk na tawng awt ti dik tak hen na theih lo ruangah.

PHILIPI 3:4

Duh châng sele chu kei khawm taksa lakah rinhsannâk ngauh kho kasi. Midang rerêng nih taksa lakah rinhsannâk nei hen anna ruat chiau chun kei ka ruat khun asi;

LUK 11:41

Sikhawmsele, a sungah thil um chu mipâm sinah pêk ding hen mang u; chun, nan rangah zeizawng a thenhlimh lai.

LA TLA LA 5:1

Ka lungduh, ka nupi, ka dûm ah ka lût. Ka rimthâw leh murrah ka pumh; ka khuaitizû leh a thlâr tla ka ei; uain leh nûk ka din. Nunau tla nih Hawng ka duhtu, din le ei rawh, dâwtnâk hen na khim lânlo din rawh! Nunau nih

THUSIMTU 5:18

Ka tawng mi chu hi hi asi: Mi âuzawng nih a tikho mi lakah thil ṭha chem chu Pathian nih sâwtlotê a dam karah a rianṭuan tha ni lawh a pêk mi din leh ei leh lâwmnâk chu asi; hi hi minung tingvo chu asi.

JOEL 2:23

“Zion mi tla, a lâwm u, LALPA, nan Pathian nih nan rangah thil a ti mi ruangah a lâwrn u. Fângzûn liauah ruah tam tâwk ual hen an pêk na le, busik liau ruah khawm nan rangah a sûrtir hen tifûr tlâk tîr khawm a lân hâwi asi rawh.

THUPHUANG 11:10

Hi mi panih an thi ruangah, tual ah mi zapi tla chu anna lâwm lai le, lâwmnâk an siam lai le, thilpêk tla anna kuat lai, hi khuavâng panih tla nih tual ah mi zapi tla chu an hamhtir na ruangah.

1 SAMUEL 25:8

Ka hawng fial na mi tlangvâl tla hi deih na nik, an simh ko lai,” a ti. “Na puaituah ni takah kan hawng tleng le, na kâwi duhtak David nih kan lakah vêl na nei hen na to-aw tla leh na kâwipa rangah zângfahtê hen na ti kho rirî hawng kan pêk ding hen a nan ngiar a ti,” an ti.

NEHEMIAH 8:11

Levi tla nih chubang ni thenhlimh ni ah chun zûr lo ding hen an simh vima na.

NEHEMIAH 8:12

Churawhchun, mi zawzawng an in leiah an lâwi le, lâwm tak hen an din hen an ei le, an neih tla khawm midang rangah an ṭhenh na, thu rêl tla chu an theihthiam rawh ruangah.

ZEKARIA 14:21

Jerusalem ah suangnâk bêl zawzawng leh Juda ram ah mi suangnâk bêl zawzawng LALPA Zeizawng tikho sawnhnâk ah mang mi vial chu a dangtê hen thlei ding asi lai. Mi nih bâwlnâk ah an ap mi suangnâk ah mang ding asi. Chu tikah chun, LALPA Zeizawng tikho Biakin ah sawlehtu rêng an um lai lo rawh.

1 Lal 8:66

A ni riat ni ah chun Solomon nih mi zapi tla chu in leiah a tlungtir na rawh. LALPA nih a to-aw David leh Israel mi tla rangah mal a sâwm na ruangah Solomon rangah an ektê hen an sawr le, in leiah lâwm tak hen an tlung rawh.

1 CHRONICLES 16:27

Rokualnâk leh lalnâk nih a kulh, thiltikhonâk leh lâwmnâk hen a Biakin a khat.

SAM 89:17

Nehnâk rokual tak na kan pêk le; na dâwtnâk ruangah nehtu ah na hawng kan siam.

ISAI 49:5

Ka suak lânah LALPA nih hawng ka ruat ving rawh; a mi tla kîrpi na ding hen a to-aw ah hawng ka siam le, Israel mi rekrâwi tla kîrpi na ding hen. LALPA nih zahkâinâk hawng ka pêk; anih chu ka chaknâk bulpi asi.