NEHEMIAH 7:70 - Bawm Common Language Bible Version

^70-72 Biakin remhnâk ding hen zapi tam tak sinah ṭangpinâk an khawlh: Lâirêltu nih: ngûn kilogramme 8, zarh khêng 50, bâwlpu kawrfual 530, Phun lakah lukhâi tla nih: ngûn kilogramme 168, tangka kilogramme 1,250, Zapi tla zawzawng nih: ngûn kilogramme 168, tangka kilogramme 140, Bâwlpu kawrfual 67,

NEHEMIAH 7:70 ပူးပေါင်းရင်းမြစ်များ

1 CHRONICLES 28:17

Thîrzum tla, khêngkûm tla, tî dûr tla, khêng tla siamnâk ding ah ngûn leh tangkasa mang ding zat tla,

2 CHRONICLES 4:11

Huram nih bêl tla, meiṭil rûtnâk leh lawnhnâk tla, khêngkûm tla a siam. Lalchem Solomon sinah Biakin rang ding ah thuamthil siam ding a tiamh mi zawzawng chu a lîm rawh. Tung panih Tung panih pâr ah khêngkûm lem um mi A lû lakah chikchîn hen zemh mi Chu a lubo lakah pomegranate zali tlar nih hêl dak hen a tung kip ah um mi Kari parâ Mâihûmtê parâ Hûmpi Hûmpi phurhtu chawchal lem leinih Bêl, meiṭil rûtnâk leh lawnhnâk, sathurnâk thîrzum. Huram mi zungthiam nih thil zawzawng thuamthil tla chu a siam le, dâr hen luanh mi hep asi, Lalchem Solomon nih thu a pêk hâwi hen LALPA Biakin rangah mang ding mi hep asi.

NEHEMIAH 10:1

A masa chem hen min rîntu ding mi tla chu: Lâirêltu Hakaliah fapa Nehemiah, chu sangtu chu Zedekiah. Hi bang tla khawm nih an min an rîn:

NEHEMIAH 7:65

Juda lâirêltu nih Urim leh Thummim mang khotu bâwlpu silo mi nih chun Pathian sinah ap mi tî-le-râwl an ei kho lai loh ti hen a simh na.

NEHEMIAH 8:9

Zapi tla nih dân a herh zia an theih rawh chun an thinlung a purh le, an ṭap rawh; Churawhchun, Nehemiah lâirêltu, Dân theihtu Ezra, bâwlpu leh Dân theihtu leh Levi tla Dân simhfiangtu tla nih zapi minung tla chu, “Tusûn hi LALPA nan Pathian lakah ni thenhlimh asi, lungfâk hen nan ṭap ding asi loh.

EXODUS 12:22

Husop ṭeng lâk ule, khêng lakah mi ran thî lakah nîm ule, nan in kawtkâ tung leh kawtkâ tlûnlei khawm nêk u, thâizîng tiang hen in sungah mi âukhawm nan suak ding asi lo.

EXODUS 24:6

Mosi nih ran thî khingkhuai chu a lâk le, khêng ah a siah, a dang a khing chu mâichâm tlûnah a theh.

JEREMIA 52:19

Ngûn leh tangka hen siam mi thil zawzawng: Khêngkûmtê, meiṭil sâwknâk ah mang mi khêng, bâwlnâk thisen dawnhnâk khêng, vachâm khawngnâk, khâwnvâr tung, rimthâw duahnâk khêngkûm, uain ap mi thlêtnâk khêng tla an put hep.