NEHEMIAH 7:2 - Bawm Common Language Bible Version

² Jerusalem ah lâirêltu ding ah hotu panih ka ruat na: Kulh leikângah hotu ding hen ka unaupa Hanani leh Hananiah an si. Hananiah chu zumhkâi tak, Pathian ṭih leikângah âukhawm nih tluklo mi asi.

NEHEMIAH 7:2 ပူးပေါင်းရင်းမြစ်များ

GENESIS 42:18

A ni thum ni ah Josef nih an sinah, “Kei chu Pathian ṭihtu kasi le, nan nungnâk hi a san kâng khat hen ka zuah lai.

2 SAMUEL 23:3

Israel Pathian nih a sim; Israel vêngtu nih ka sinah, “Diknâk hen lâirêltu lal nih chun Pathian lakah ê-aw ngâi hen a rêl mi chu;

1 Lal 18:12

Ka kal karah LALPA thlarau nih theihlonâk mun ah an put ving chun tene? Khinah a um ko ti hen Ahab ka simh mi lakah an tawng kho lo chun hawng ka thah ding ko rawh. Kei chu ka mêttê thawk hen Pathian sawnh leikângah sunhsak mi kasi ti hawng ka theih.

1 Lal 18:3

Ahab nih Obadiah, lal in hotu chu a kawh. (Obadiah chu LALPA sawnhtu sunhsak mi tak asi le,

NEHEMIAH 1:2

Ka unau tla lakah pakhat Hanani chu midang tla hen Juda ram thawk hen an hawng le, Jerusalem thâwngthâng leh Babulon ah saltâng kîr mi thu ka deih na.

NEHEMIAH 13:13

Selemiah, Dân theihtu Zadok; Levi mi Pedaiah, Zakur fapa Hanan, Mataniah tupa chu anmah ṭangpitu ding asi. Hi minung tla hi an hâwi rianṭuantu tla rangah thilpêk ṭhenh na ding hen zumh an kâi ti ka theih.

NEHEMIAH 2:8

Chun lal thing mun zauhtu Asap rang khawm ah Biakin vêng mi kiangah khuapi kulh kawtkâ rangah leh ka umnâk rangah thing hawng ka pêk ding hen theihtirnâk lasui lal ka deih. Pathian ka sinah a um ruangah ka deih mi zawng chu lal nih hawng ka pêk.

NEHEMIAH 5:15

Keimah lânah lâirêltu zawzawng tla chu mipi tla rangah thilrit tak an si le, ni khat eibâr leh uain rangah tangka sâwmli an hauh. An to-aw men nih zapi minung an nehsawh na. ‘Kei chu Pathian ka ṭih ruangah dang tak hen thil ka ti.

NEHEMIAH 7:3

Jerusalem kulh chu nî suak lânlo chu awng lo ding leh vêngtu tla vêng ding hen an kal cham nî tlâk tikah khâr ding hen ka simh na. Jerusalem ah um mi tla chu vêngtu ding ah ruat ding hen ka simh na le, mah rianṭuan chiau khiah na hen, a dang vial chu an in kiangkam vêng ding hen.

JOB LASUIBU 1:1

Uz ram ah minung pakhat a um le, a min chu Job asi, amah chu Pathian sawnhtu leh mi zumhkâi tak asi. Mi ṭha tak asi le, thilsual lakah â thiamthih.

SAM 101:6

Pathian lakah mi zumhkâi tla chu ka bawp na lai le, ka lal in ah ka umtir na lai. Zumhkâi tak hen um mi tla chu ka rianṭuantu ah ka mang na lai.

EXODUS 18:21

Sikhawmsele, thil dang lakah chun a tlâk dauh mi minung thîm le, zapi minung ruitu ding ruat na le, sângkhat ruitu, zâ ruitu, sâwmngâ ruitu, parâ ruitu tla ding mi ruat na. Pathian ṭih mi, mi zumhkâi, nawhnâk lâk lo mi an siding asi.

DANIAL 6:4

Churawhchun, zauhdiktu tla leh lâirêltu tla nih Danial chu ram lakah a rianṭuannâk lakah a diklo nâk an hâwl le, sikhawmsele Danial chu mi zumh tlâk asi ruangah diklonâk zeikhawm a ti lo le, zumhkâilonâk khawm a lakah a um lo ruangah zeikhawm an ti kho lo.

NUMBER 12:7

Ka to-aw Mosi sinah thu ka sim mi lam chu â dang; Israel mi tla zawzawng tlûnah hotu ah ka siah.

MATHAI 24:45

“To-aw zumhkâi, fing tak, a pu nih a tik kip ah an buh ting ding ṭhen piak ding hen a dâwngsung tla tlûnah hotu ah a siam mi chu, a zei mi chem me asi lai?

MATHAI 25:21

Anih nih chun a sinah, ‘To-aw ṭha leh zumhkâi, na ti zia a ṭha, tâwmtê tlûnah zumh na kâi le, tam tak tlûnah ka nan umtir lai; na pu lâwmnâk ah lût rawh,’ a ti.

1 KORIN 4:2

Hi lakah hin zauhkhenhtu chu zumhkâi a herh asi.

2 TIMOTHE 2:2

Chun, theihtu tam tak tla lakah ka kâ ah thu na theih mi tla kha, chubang chu mi zumhkâi midang tla sîntir singsuan khotu ding tla sinah chun kiltir rawh.