NEHEMIAH 6:1 - Bawm Common Language Bible Version

¹ Sanbalat, Tobiah, Gesem leh kan mêlma zawzawng tla nih kulh chu a chimnâk tla zawzawng khawm remh asi rawh ti an theih rawh; sikhawmsele, lûtnâk kawtkâ lam chu siam asi lo rih.

NEHEMIAH 6:1 ပူးပေါင်းရင်းမြစ်များ

NEHEMIAH 13:4

Bâwlpu Eliasib, Biakin thil siahnâk hotu chu Tobiah hen hun sâwt ual an ṭuan rawh.

NEHEMIAH 2:10

Sikhawmsele, Beth Horon khua mi Sanbalat leh Amon ram ah mi rianṭuantu Tobiah nih Israel mi tla rangah ṭhatnâk ding ah rianṭuan ding hen mi zeimaw mi tla an hawng ti an theih le, thungâi an thin a thawk.

NEHEMIAH 2:19

Sanbalat, Tobiah leh Arab mi Gesem nih kan thiltum an theih rawh chun hawng kan nihsanh le, “Zei ti ding nanna tum? Lal tlûnah nan hel awt mu?” hawng kan ti.

NEHEMIAH 3:1

Hi hâwi hen khuapi kulh chu siam nawlh asi. Bâwlpu Lianchem Eliasib leh a hâwi bâwlpu tla nih Dawrâ Kulh Kawtkâ an siam le, an ap le, amah muntê ah an dirh nawlh. Insâng Zâ leh Hananel Insâng tiang an ap.

NEHEMIAH 3:3

Ngâ Kawtkâ chu Hasenaah chi tla nih an sak. A kân leh a kawtkâ tla chu a muntê ah an sak le, a renhnâk ding hen thîr renhnâk an siah.

NEHEMIAH 3:6

Paseah fapa Joiada leh Besodeiah fapa Meshullam nih Jesanah Kulh Kawtkâ an siam. A kân leh a kawtkâ chu a mun ah an siah, a kulh kawtkâ renhnâk ding hen thîr renh an siah.

NEHEMIAH 4:1

Sanbalat nih Juda tla nih kulh remh anna dawmh rawh ti a theih rawh chun a thinthawk le, zeikhawm hawng kan siarlo rawh.

NEHEMIAH 7:1

Churawhchun, kulh vâm tla remh mi chu lîm asi rawh le, kulh kawtkâ tla khawm amah muntê ah siam asi rawh. Biakin vêngtu murui leh lapawl thenhlimh saktu murui leh Levi anmah rianṭuannâk ding ah ruat an si rawh.

DANIAL 9:25

Hi hi singsiah le, theihthiam rawh, Jerusalem sak nawlh ding hen thu pêknâk thawk hen Pathian nih ruitu a thîm mi a hawng tiang chu hun sarih leh kum sarih a ral lai. Jerusalem chu a khua lâi leh a kulh hen sak nawlh asi lai le, hun sarih leh kum sâwmruk leh kum nih kar a dîr lai, sikhawmsele chu chu nawknâk hun asi lai.