NEHEMIAH 5:9 - Bawm Common Language Bible Version

⁹ Churawhchun, kei nih, “Nan thilti dân a dik loh! Pathian nan ṭih hen thil dik nan ti ding asi. Chu tikah kan mêlma Gentel tla chu kanmah hawng kan zauhnawmhtu siding hen nan pêk na lai loh.

NEHEMIAH 5:9 ပူးပေါင်းရင်းမြစ်များ

GENESIS 20:11

Abraham nih a sâng le, “Pathian ṭihtu ding hinah hin âukhawm um hen ka ruat lo, ka nupi duh tukah an ka thah lebang lai ka ti ruangah.

GENESIS 42:18

A ni thum ni ah Josef nih an sinah, “Kei chu Pathian ṭihtu kasi le, nan nungnâk hi a san kâng khat hen ka zuah lai.

2 SAMUEL 12:14

Sikhawmsele, hi bang hâwi na thilti nih LALPA na siarlo zia a langh ruangah na fa lam chu a thi lai,” a ti.

NEHEMIAH 4:4

Thla ka cham le, “Pathian, hawng kan siarlo zia hi ngâinik! An hawng kan zauhnawmhnâk chu anmah lû tlûnah tlâktir. An thil-le-rî neih zawzawng mi tla râwktir hep na le, anmah chu ramdang ah sal ah put hen umtir na.

NEHEMIAH 5:10

Kei leh ka hâwi tla, ka rianṭuantu tla nih zapi minung tla chu fâng leh tangka kan pûktir na. Hawng kan sam ding mi tla kha tuah samlo ding hen kan ruat lai.

NEHEMIAH 5:15

Keimah lânah lâirêltu zawzawng tla chu mipi tla rangah thilrit tak an si le, ni khat eibâr leh uain rangah tangka sâwmli an hauh. An to-aw men nih zapi minung an nehsawh na. ‘Kei chu Pathian ka ṭih ruangah dang tak hen thil ka ti.

SAM 90:11

Na thinthawknâk thiltikho zia âunih theih? Na thinrunhnâk nih zei ṭihnungkâi a hawng tlungtir kho mi âunih theih?

THUFING LASUIBU 16:29

Mi râwktu tla nih an hâwi le an perpet na le, siatnâk leiah an kalpi tâwn.

THUFING LASUIBU 17:26

Mi a mawh lo mi rangah lei châwitir chu a diklo. Lâirêlnâk dik an râwk mi asi.

THUFING LASUIBU 18:5

Misual sunhsak leh zeikhawm thilsual tilo mi diklo hen ngaih chu a diklo.

THUFING LASUIBU 19:2

Mi thanuam krai thiamlo chu a ṭhalo. Sûm kholonâk nih nawknâk a umtir.

THUFING LASUIBU 24:23

Mifing tla nih chun hi bang thil tla khawm hi an sim: Lâirêltu nih thil a fiang lânah ruatnâk nei chu a diklo.

EZEKIEL 36:20

An va kalnâk kip ah mi tla nih, ‘Hi minung tla nih hin an Pathian nih a pêk na mi ram an kaltâk’ an ti na ruangah ka min thenhlimh an mualphoh.

LEVITICUS 25:36

A fa lâk lah u, Pathian ṭih rawh; nan kiangkam ah nan hâwi Israel tla chu umtir na u.

THILTI 9:31

Chun, kawhmi tla chu Juda ram kiangkam ah, Galili kiangkam tla, Samaria kiangkam tla ah chun an bir dadauh le, lungngam tak hen an um rawh. Chun, Lalpa ṭih îk hen, Thlarau Thenhlimh lungngamh hen an um le, an pung dadauh.

ROM 2:24

Pathian thu nih a sim hâwitê khan Pathian min chu nanmah Juda tla ruangah Phundang tla lakah siattir hen a um rawh asi.

1 TIMOTHE 5:14

Chun, numei nungâk dauh mi tla nih chun pasal nei sele, fa tla nei sele, dâwngsung lâirêl sele, simsawinâk ding tik dêngkhâwng rerêng mêlma chu tawngtir lah sele ka duh asi.

1 PETER 2:12

Lunglotu tla lakah nan changh zia chu ṭha tak si seh; chun thilsual titu tla hâwi hen an simsiat na mi lakah chun nan thil ṭha ti tla an theihthiam tikah a hawng kalnâk Ni ah Pathian an chawnglawmh kho lai.

1 SAMUEL 2:24

Ka fa le, lêt u! Pathian mipi tla nih thilsual ah an ruat mi chu hi bang hi asi!