NEHEMIAH 5:5 - Bawm Common Language Bible Version

⁵ Kannih khawm kan hâwi Juda tla hen phun khat kan si dangâiah. Kannih fa tla khawm anmah fa tla hâwi hen an ṭha bâk lo ma? Kan fa tla chu sal ah kan siam ver na awt rawh. Kan fanu zei mi châng chu sal ah kan zuar ving na rawh. Kan phâisen leh kan grep dûm tla hawng kan lâk piak ving rawh ruangah a ti dân kan thiamlo rawh,” an ti.

NEHEMIAH 5:5 ပူးပေါင်းရင်းမြစ်များ

GENESIS 29:14

Laban nih, “Asi ma chu, ka taksa leh keimah thisen tak na si,” a ti. Jakob chu chunah thla khat bir a um.

GENESIS 37:27

Ismael tla sinah lam zuar ving ding hi. Churawhchun, nganfâk khawm kan pêk lai lo le, kan unaupa khawm asi, kan taksa leh kan thisen khawm asi,” a ti. A unau dang tla nih rem an ti.

2 Lal 4:1

Khuavâng murui lakah mi numei pakhat chu Elisa sinah a va kal le, a sinah, “Pu, ka pasal chu a thi rawh, na theih rawh hâwi hen anih chu Pathian ṭih mi asi le, sikhawmsele, lei a batnâk ruangah mi nih ka fapa panih hi lei ruangrûl ah sal ah an ruai awt,” a ti.

THUFING LASUIBU 22:7

Mipâm chu minei sal an si. Tangka pûktu chu a pûktirtu sal asi.

ISAI 50:1

LALPA nih, “Mi nih a nupi a mâk mi hâwi hen ka mi tla hi kaltir ving ding hen ma nan ruat? Asi chun, mâknâk lasui zeiah a um? Mi nih a fa tla sal ah a zuar ving na mi hâwi hen sal ah an zuar ving na hen ma nan ka ruat? Silo, nan sual ruangah sal ah put hen nan um mi asi; thilsual nan ti ruangah nar hen nan um mi asi.

ISAI 58:7

Mi sungvâng tla rangah na buh ṭhenh le, mipâm dawrnâk nei lo mi tla rangah na in awng piak na. Aih ding nei lo mi tla rangah puan pêk na le, na rualsia tla ṭangpi ding mi chu êl lah.

MATHAI 18:25

Chun, pêk ding a nei lo ruangah a pu nih chun amah hen a nupi hen, a fa tla hen, a neih zawzawng zuar hen rulh ding thu a pêk.