NEHEMIAH 5:2 - Bawm Common Language Bible Version

² “Zeimaw mi nih, dâwngsungkhur tam tak kan si le, fâng kan herh,” an ti.

NEHEMIAH 5:2 ပူးပေါင်းရင်းမြစ်များ

GENESIS 41:57

Mi tla chu mun dang dang thawk hen Josef sinah fâng châwk ding hen an hawng rawh, pâmnâk chu mun kip ah a zual rawh ruangah.

GENESIS 42:2

Aigupta ram ah fâng a um ti ka theih; sungvâng hen kan thih lonâk ding hen chunah chun va châwk u,” a ti na.

GENESIS 43:8

Juda nih a pa sinah, “Na fa lam hawng kan zûltir ko, kan kal sawm ko lai hi; chu tikah sungvâng hen kan thi lai lo.

GENESIS 47:19

Hawng kan thihtir rîlmâl lah le, kan rangah zeimawh hawng kan ti piak râu rawh, kan phâisen tla a karo hen umtir lah, kan ram leh kan mah hi fâng hen hawng kan châwk dâidua, lalchem sal kan si lai le, kan ram hi â ting lai rawh. Kan nungnâk ding hen fâng lam hawng kan pêk le, fachî kan phâisen ah chîng ding mi hen,” an ti.

2 Lal 4:1

Khuavâng murui lakah mi numei pakhat chu Elisa sinah a va kal le, a sinah, “Pu, ka pasal chu a thi rawh, na theih rawh hâwi hen anih chu Pathian ṭih mi asi le, sikhawmsele, lei a batnâk ruangah mi nih ka fapa panih hi lei ruangrûl ah sal ah an ruai awt,” a ti.

NEHEMIAH 5:3

A dang tla nih, “Kan phâisen tla, grep dûm tla, in tla, pâm-le-mâi ruangah fâng kan khawp tâwk tawng ding hen phâwng ding kan nei,” an ti.

HAGAI LASUIBU 1:6

Tamtak nan tuh le, a ât tikah tâwmtê cho nan tawng, buh ei ding chu nan nei, sikhawmsele nan khawp tâwk lo. Uain din ding nan nei le, sikhawmsele rî rê ding nan tawng lo! Nipuan chu nan nei, sikhawmsele lum khawp rang ding nan nei lo. Rianṭuantu tla khawm nih nung khawp ding hen an lawh kho lo.

MALAKI 2:2

Nan thilti hen keimah nan hawng ka zah ding asi. Ka thusim nan ngâilo chun nan tlûnah siat ka tlungtir awt. Nanmah ṭangpinâk ding ah thil nan tawng mi chu siat ka lawh awt. Ka thupêk tla nan zûl tatak lo ruang takah tu khawm ah siat ka barh rawh.

DEUTERONOMY 23:19

“Nanmah Israel phun lakah tangka mawh fâng mawh thil dang zeital nan pûktir chun a fa lâk lah u.