NEHEMIAH 5:13 - Bawm Common Language Bible Version

¹³ Puan ka menh mi chu ka sût le, ka thing, “Âuzawng nan thutiam zûllotu chu Pathian nih hi hâwi hen thing seh. Pathian nih na in leh na neih zawzawng lâk hep sele, zeikhawm nei lo hen an siah seh,” ti hen ka sim. Chunah um mi mikip tla nih, “Amen,” an ti le, LALPA an sawr. Churawhchun, ruitu tla nih thu anna tiam rawh.

NEHEMIAH 5:13 ပူးပေါင်းရင်းမြစ်များ

2 Lal 23:3

Josiah chu a lal tonâk mun ah a dîr le, LALPA sinah amah thu ngâi ding leh a dân thupêk tla thinlung leh thlarau ah kil ding leh thudântuk bu lakah thupêk rîn mi tla chu mang rawh ding hen LALPA sinah thutiamnâk a siam. Mi zapi zawzawng khawm nih thudântuk chu zûl ding hen thu anna tiam.

1 CHRONICLES 16:36

LALPA Israel Pathian chu sawr u! Tuah leh zungzâl hen amah chu sawr u! Mi zawzawng nih, “Amen,” an ti le, LALPA chu an sawr rawh.

NEHEMIAH 8:6

Ezra nih, “LALPA Pathian rokual chu sawr u,” a ti na. Zapi minung zawzawng tla nih tlûnlei ah an bân an zangh le, “Amen! Amen!” ti hen an sâng. Tual ah an mêl tâwng khet kûn hen Pathian an sawnh.

SAM 119:106

Ka thutiam chu na sîntirnâk rep zûl ding hen ka kil thlir lai.

SAM 50:14

Na lâwmthusimnâk chu Pathian sinah na bâwlnâk si sele, Zeizawng Tikho sinah thilpêk na tiamh mi chu pêk rawh.

SAM 76:11

LALPA na Pathian rangah na tiamh mi chu pêk rawh; a kiangkam ah phun zawzawng tla a sinah thilpêk hawng put u. Pathian nih minung tla amah ṭih ding hen a siam na;

THUFING LASUIBU 28:4

Dân siarlo tak hen na um chun, misual leikâng ṭângṭawm mi na si le; sikhawmsele dân zûltu na si chun misual dotu na si.

THUSIMTU 5:5

Zulhlo pet hen thu tiam ngâk hen chun, thu tiamlo dâidua a ṭha.

NUMBER 5:22

Hi tî nih hin na pawpi chu phingtir sele, na fa neinâk khawm dawngtir seh,” a ti. Nunau nih chun, “LALPA nih chu hâwi ti ding hen rem ka ti,” a ti ding asi.

MATHAI 10:14

Chun, âuzawng an lawmh na lo hen, nan thu khawm ngâilotu zawng, chu in thawk hen mawh, chu khua thawk hen mawh nan suak tikah chun nan kezaphah lakah mi valeidip khâwng u.

THILTI 13:51

Chun, annih nih chun an tlûnah an kêzaphah valeidip an khâwng le, Ikoniam khua an tleng.

THILTI 18:6

Sikhawmsele, an do le, an fâi le, Pawl nih a puan a thing le, an sinah, “Nan thihnâk mawh chu nanmah nih phurh ko u, kei lam chu ka thiang asi; tu thawk hen Phundang tla sinah ka kal lai,” a ti.

1 KORIN 14:16

Chu lo chun thlarau hen malsâwm piak na khawmsele theih dahlo tla umnâk ah um mi nih, nan lâwmthusim ah chun zeitin me “Amen” a ti kho lai, na thusim chu a theih lêm lo mi?

1 SAMUEL 15:28

“LALPA nih Israel ram chu na sinah mi chu a thlêk le, nangmah ngâk hen a ṭha a dauh mi sinah a pêk rawh.