NEHEMIAH 5:10 - Bawm Common Language Bible Version

¹⁰ Kei leh ka hâwi tla, ka rianṭuantu tla nih zapi minung tla chu fâng leh tangka kan pûktir na. Hawng kan sam ding mi tla kha tuah samlo ding hen kan ruat lai.

NEHEMIAH 5:10 ပူးပေါင်းရင်းမြစ်များ

NEHEMIAH 10:32

Kum siar hen Biakin zareh rangah tangka grammes nga vima kan khawlh hen kan pêk lai.

NEHEMIAH 5:11

Tangka leh fâng mawh, oliv sariak tla samlo ding hen anna bat mi zawzawng râwk ver u. An phâisen tla, grep dûm tla, oliv keuh tla leh in tla tuah pêk hen khirh sawm na u!” ka ti na.

NEHEMIAH 5:7

Mipi tla lakah, rianṭuantu leh ruitu tla rangah, “Nan unau tla nan nehsawh asi,” ti hen ka châk na. Mi zapi tla thuruat ding hen ka pumh na le,

NEHEMIAH 5:9

Churawhchun, kei nih, “Nan thilti dân a dik loh! Pathian nan ṭih hen thil dik nan ti ding asi. Chu tikah kan mêlma Gentel tla chu kanmah hawng kan zauhnawmhtu siding hen nan pêk na lai loh.

SAM 15:5

A pung umlo hen pûk a pêk, a mawh lo mi mawhtir ding hen nawhnâk a lâk kho lo. Hi hâwi thil titu chu a him kumza lai.

ISAI 58:6

Kei nih ka duh mi buh ngei dân chu hi hi asi: Nehsawhnâk rêngrî chu sût piak hen, ritphurhnâk diklo tla lît piak hen nehsawh hen um mi tla suah na ding mi chu asi.

EZEKIEL 18:13

a pung ding duh hen tangka tla a lângtir. Chu minung chu a nung lai ma? Nung lo e, a nung rîlmâl lai lo. Hi bang thil ṭihnungkâi zawzawng a ti ruangah a thi lai. A thihnâk chu amah mawh asi lai.

EZEKIEL 18:7

Âukhawm a perpet hen a râwk na lo. Him ziar hen amah rangah thil lanhtu chu a pêk nawlh le; mi sungvâng rangah buh a pêk le, takkaro hen um mi rangah nipuan a pêk na.

EZEKIEL 18:8

A pung ding duh hen tangka a lângtir lo. Sualnâk ti a duh lo le, thunawk khawm ah zumhkâi tak hen thu thlûknâk a siam.

MIKAH 2:1

It lo hen an zâu mi leh thilsual ti tumtu tla rangah chun ṭihnung a kâi a! Zînglei asi rawh chun, tik remchâng an tawng kâ hen an tum hâwi hen thilsual an ti.

2 KORIN 5:11

Chun Lalpa ṭihnâk dân theih hen minung tla chu kan lêm tâwn le, Pathian sinah lam chun langhtir hen kan um tâwn; nanmah sia leh ṭha theihnâk ah khawm langhtir hen kan um ka lungum.

2 KORIN 5:20

Chun, Krist ruangrûl ah rêl kan si le, Pathian nih kanmah mang hen a nan ngiar chiam na ti kho asi. “Pathian hen hawng a rem u,” ti hen Krist ruangrûl ah ka nan ngiar na asi.

2 KORIN 6:1

Chun, Pathian zângfahnâk nan tawng mi chu ṭhatvakpi lo hen nan um lonâk ding hen Pathian hen kanna ṭuan bâwmnâk ah kan ngiar chiam na asi.

DEUTERONOMY 15:2

Hi hâwi hi nan ti ding mi chu asi. Mi âuzawng nih nan hâwi Israel lakah tangka nan lângtir na mi tla chu veih piak na u, tangka chu âukhawm nih chawh lah seh, LALPA amah tak nih â bat mi chu veih asi rawh a ti ruangah.