NEHEMIAH 4:3 - Bawm Common Language Bible Version

³ A kiangah Tobiah a dîr mi khawm nih, “Zeitin mi kulh me dirh kho ding hen an awt, kâwlui khawm nih a chimtir rel kho lai,” a ti.

NEHEMIAH 4:3 ပူးပေါင်းရင်းမြစ်များ

1 Lal 20:10

Benhadad nih thu dang a chah nawlh mi chu an hawngpi nawlh, “Na khuapi râwk ding hen minung tam tak tâwk rang hen ka hawng put lai le, an kut hen in saknâk ding lung tla an put hep lai, hi hi ka tilo mi asi chun pathian tla nih thi thlo hawng ka vuak seh! a ti,” ti hen an simh.

1 Lal 20:18

Benhadad nih, “Do ding hen ma an hawng ah, remnâk thu sim ding hen mawh an hawng ah, a nung hen hawng put na u,” ti hen thu a pêk na.

2 Lal 18:23

Lal lianchem min hen na sinah thutiamnâk ka siam lai. A tlûnah a chuantu ding minung na tawng kho ding chun rang sângnih ka nan pêk lai!

NEHEMIAH 2:10

Sikhawmsele, Beth Horon khua mi Sanbalat leh Amon ram ah mi rianṭuantu Tobiah nih Israel mi tla rangah ṭhatnâk ding ah rianṭuan ding hen mi zeimaw mi tla an hawng ti an theih le, thungâi an thin a thawk.

NEHEMIAH 2:19

Sanbalat, Tobiah leh Arab mi Gesem nih kan thiltum an theih rawh chun hawng kan nihsanh le, “Zei ti ding nanna tum? Lal tlûnah nan hel awt mu?” hawng kan ti.

NEHEMIAH 6:1

Sanbalat, Tobiah, Gesem leh kan mêlma zawzawng tla nih kulh chu a chimnâk tla zawzawng khawm remh asi rawh ti an theih rawh; sikhawmsele, lûtnâk kawtkâ lam chu siam asi lo rih.

LUNGFÂKNÂK 5:18

Zion tlâng chu king dem hen a karo hen a um ruangah, â râwk mi lakah kâwl-ui tla râwl hâwl hen anna sawk.

DEUTERONOMY 23:3

“Amon mi mawh Moab mi mawh, an thlâk rerêng chu a san ranâk tiang khawm LALPA mi lakah telh kho asi lo.