NEHEMIAH 4:14 - Bawm Common Language Bible Version

¹⁴ Mi tla chu ka zauhnâk ah thungâi dî hen ka theih na le, an sinah leh anmah ruitu leh rianṭuantu tla sinah, “Kan mêlma tla chu ṭih na lah u; LALPA rokual zia leh ṭihnungkâi zia theih ule, a ram lakah nan hâwi tla, nan fa tla, nan nupi tla, nan in tla ruangah do u,” ka ti na.

NEHEMIAH 4:14 ပူးပေါင်းရင်းမြစ်များ

2 SAMUEL 10:12

Chak tak leh râlṭha tak hen um u! Kan mi leh kan Pathian khuapi rangah kan do lai. LALPA duhzia hâwitê hen ti hen um seh!” a ti.

2 CHRONICLES 32:7

“Tumnâk bir tak leh zumh thlir hen um ule, Asiria lal lianchem leh a kawrsen rui tla chu ṭih rîlmâl lah na u. Anih leikâng mi ngâk hen kannih lei thil kan ti kho dauh.

NEHEMIAH 1:5

“LALPA, vân ah mi Pathian! Nang chu na rokual le, kannih chu nangmah ṭih hen kan um ko. Nangmah dâwttu leh na thupêk hâwi hen thil titu sinah chun na Thudântuk lakah rinhsanh tlâk na si.

JOB LASUIBU 37:22

Marlei chu ngûn rawng hâwi a lang le, Pathian ṭih leh zah hen kan khat.

SAM 143:5

Ni a len rawh mi tla ka theih le, thil na ti mi tla chu ka dawn le, na thilti zawng tla chu ka thinlung ah ka siah.

SAM 20:7

Mi zeimaw mi nih an râltuknâk kari leh an rang tla an rinhsanh le, khawmsele kannih lam nih chun LALPA, kan Pathian thiltikhonâk kan rinhsanh.

SAM 27:1

LALPA chu ka chêu leh ruangsuahnâk asi. âukhawm ka ṭih lai loh. LALPA nih chun ṭihnungkâi lakah mi a ka hum le; ka ṭih rêng lai loh.

SAM 46:11

Pathian zeizawng tikho kan sinah a um; Jakob Pathian chu kan himnâk asi.

SAM 65:5

Nehnâk pêk hen na kan sâng le, ruang hawng kan suah ding hen thilchê na ti. Laikulh mi zawzawng leh tipi varâl lei mi nih an lung.

SAM 66:3

“Thil na ti mi tla chu an chê a! Na thiltikhonâk chu a rokual ngâk! Na mêlma tla chu lâu hen na mâika ah an kûn.

SAM 66:5

Pathian nih minung fa tla tlûnah a thilchê ti tla, hawng le, zauh.

EXODUS 14:14

Nan rangah LALPA nih an do piak na awt, nannih nih zeikhawm nan ti ding a herh lo,” a ti.

EXODUS 14:25

An kari kê tla a tângtir piak na, churawhchun an kal a har rawh. Aigupta mi tla nih chun, “LALPA nih Israel mi tla a sanh na le, hawng kan do rawh asi. Hin ah mi hi kan suak lai!” an ti.

THUSIMTU 12:1

Churuangah seino na si liauah a nan Siamtu theihkumza le, na ngaihsiat ni leh kum a hawng tlung hen “Nungnâk lakah ka lâwm loh” na ti ni a tlung lânah.

DANIAL 11:32

Perpet hen lal chu phung thu kaltâktu tla nih an neh na le, sikhawmsele Pathian zûltu tla nih an do rûl lai.

ZEKARIA 14:3

A lânah a do na mi hâwi hen LALPA chu a suak lai le, phun tla a do na lai.

NUMBER 14:9

LALPA tlûnah hel lah ule, chu ram ah um mi tla khawm ṭih lah na u. Awl tak hen kan neh na lai. LALPA kan sinah a um asi, anmah vêngtu pathian tla chu a neh rawh; churuangah ṭih rîlmâl lah u,” an ti.

MATHAI 10:28

Chun, taksa thah kho hen thlarau thah kholotu tla chu ṭih lah u; Gehena ah thlarau leh taksa veih khotu lam chu ṭih lehlam u.

DEUTERONOMY 10:17

LALPA nan Pathian chu pathian zawzawng lâirêltu leh thiltikhonâk lakah Chungnungchem asi. Anih chu a chak hen a rokual le, ṭih ding mi tak asi. Mi thliar leh dang a nei lo le, nawhnâk khawm a lâk lo.

HEBRAI 13:6

Chun, râlṭha tak hen, “Lalpa chu hawng ka ṭangpitu asi, ka lâu lai loh; minung nih zeitin a ka ti kho lai,” kan ti tâwn asi.

JOSUA 1:9

Tum thlir leh zumh thlir ding hen thu ka nan pêk asi ti theihkumza! ṭih lah le, dâwk lah, Kei, LALPA na Pathian, na kalnâk kip ah ka um vima lai,” a ti.

LÂIRÊL 3:27

Efraim tlâng ram a tleng rawh chun Israel mi tla chu tuknâk ah kal ding hen tâwtawrâwt tum hen a kawh na le, tlâng thawk hen a ṭumpi na rawh.