NEHEMIAH 4:10 - Bawm Common Language Bible Version

¹⁰ Juda mi tla nih an la neih chu an sak: “Kan chaklo vima, Chaklo hen thilrit kan phurh, Nâwmtâm lawnh ding thungâi a tam. Tusûn hin kulh zeitin kan siam kho lai?” ti hen.

NEHEMIAH 4:10 ပူးပေါင်းရင်းမြစ်များ

2 CHRONICLES 2:18

Chu lakah 70,000 chu thil thiartu ah a ruat na le, 80,000 chu tlângah mi lung sâitu ah, 3,600 chu rianṭuan vêngtu ah a ruat na.

2 CHRONICLES 34:13

Levi dang tla chu mun dang ah thil kuat thu ah leh rianṭuan dang dang zauhdiktu tla an si le, a dang chu lasuirîn kiltu tla leh vêngtu tla an si.

NEHEMIAH 4:11

Kan mêlma tla nih hawng kan thah ding leh kan rianṭuan bângtir ding an tum mi chu anmah an hawng tleng lânlo chu kan theih lo thlo ding hen an ruat.

NEHEMIAH 4:2

A hâwi murui leh Samaria kawrsen murui mâika ah, “Hi Juda mi lawksawng tla nih hin zei ti ding tum hen me thil an ti? Khuapi remh ding hen na maw an tum? Bâwlnâk ap hen ni khat karah dih ding hen na maw an tum? Nâwmtâm salam hen rawh mi lung hen an sak kho awt mazei?” a ti.

NEHEMIAH 4:9

Sikhawmsele, Pathian sinah thla kan cham le, anmah lak thawk hen kan mi tla chu a sûn a zân hen kan vêng na.

EZEKIEL 29:18

“Thikho mi minung, Babulon lalchem Nebukadnezar chu Tura do ding hen a suak. A kawrsen tla chu thil rit tak an lû kawlh rê hen a phurhtir na le, an liang tla â hâwk ver, sikhawmsele chu zawng anna nawk phahnâk karah chun lal leh kawrsen tla nih zei thil khawm an tawng lo.

HAGAI LASUIBU 1:2

LALPA Zeizawng tikho nih Hagai sinah, “Mi tla nih Biakin sak ding a tik tak asi lo rih,” an ti.

NUMBER 13:31

Sikhawmsele Kaleb sinah kal mi tla nih chun, “Mah lai le, annih tla do ding hen kan chak tâwk lo; chunah um mi tla chu kan nih ngâk hen thil an ti kho dauh,” an ti.

NUMBER 32:9

Eskol Vakuam tiang an va kal le, ram chu an va muh le, sikhawmsele an hawng kîr nawlh le, chu ram LALPA nih a pêk na mi ah lût lo ding hen mi tla an ṭhih na.