NEHEMIAH 13:2 - Bawm Common Language Bible Version

² A san chu Israel mi tla Aigupta ram ah mi an hawng suak liauah tî-le-râwl an pêk na lo ruangah, chu hâwi ti ding ngangâk hen Israel tla siatbarh ding hen Balaam sinah tangka an pêk, sikhawmsele siatbarh chu malsâwmnâk ah a changtir ving.

NEHEMIAH 13:2 ပူးပေါင်းရင်းမြစ်များ

SAM 109:28

Siat an ka barh khawmsele nangnih mal na ka sâwm lai. Hawng ka nehsawhtu tla chu neh hen um na seh, kei, na to-aw lam chu a lâwm seh.

MIKAH 6:5

Ka mi tla, Moab lal Balak nih nan sinah thilti ding a tum mi leh Beor fapa Balaam nih a thu a sâng dân tla kha theihkumza u. Akasia thawk hen Gilgal leiah kalnâk lampi ah thil a hawng tlung mi tla kha theihkumza u. Nanmah ruang an suah na ding hen thil ka ti mi tla kha nan theih ko ruangah hi bang thil tla hi theihkumza u,” a ti.

NUMBER 23:18

Balaam nih hi thu hi a sim: “Zipor fapa Balak, hawng le, Ka sim ding mi thu hi ngâi rawh.

MATHAI 25:40

Chun, Lalchem nih chun an sinah, ‘Thungâi tak hen ka nan simh na, hi bang ka unau mê chem mi tla lakah pakhat tlûnah nan ti mi chu ka tlûnah ti nan si, ti hen,’ a sâng na lai.

DEUTERONOMY 23:3

“Amon mi mawh Moab mi mawh, an thlâk rerêng chu a san ranâk tiang khawm LALPA mi lakah telh kho asi lo.

DEUTERONOMY 23:4

Buh leh tî Aigupta ram thawk hen suak hen nan kal liauah pêk ding an duh na lo ruangah leh Mesopotamia ram ah Pethor khua mi Beor fapa Balaam chu nanmah tla siat an barh na ding hen an mang ruangah.

DEUTERONOMY 23:5

Sikhawmsele LALPA nan Pathian nih Balaam thu chu a ngâi piak duh lo le; siat an barh na ding ngâk hen an dâwt na ruangah bâwngmal lam an sâwmtir na.

2 PETER 2:15

Beor fapa Balaam thilsual ti hen tangka tawng ding duhtupa lampi chu zawh hen, lampi dik chu an mâk le, lampi an vâi rawh.