NEHEMIAH 12:1 - Bawm Common Language Bible Version

¹ Hi bang bâwlpu leh Levi tla hi sal tângnâk thawk hen Sealtiel fapa Zerubabel leh Bâwlpu Lian Josua tla hen hawng kîr mi tla chu an si:

NEHEMIAH 12:1 ပူးပေါင်းရင်းမြစ်များ

Ezra lasuibu 3:2

Jehozadak fapa Josua, a hâwi bâwlpu tla leh Sealtiel fapa Zerubabel leh a unau tla hen Israel Pathian mâichâm chu an dirh nawlh, chu lakah chun Pathian mi Mosi Dân sîntirnâk rîn mi hâwi hen duahphung bâwlnâk tla an pêk khonâk ding hen.

Ezra lasuibu 3:8

Churawhchun, chu kum khat a thla nih nûnah chun Jerusalem Biakin mun ah an hawng kîr hep rawh le, rianṭuan chu anna dawmh rawh. Zerubabel, Josua leh an ram mi minung zawzawng, bâwlpu tla leh Levi, saltâng Jerusalem ah hawng kîr mi zawzawng tla nih an ṭuanpi na. Levi murui lakah kum kul thawk hen tlûnlei mi vial chu Biakin sak nawlhnâk rianṭuan lakah hotu an si.

Ezra lasuibu 4:2

Churawhchun, Zerubabel leh chi lakah a lukhâi dauh tla chu va zauh ding hen an kal le, an sinah, “Kannih khawm nih Biakin sak kan bawmh na lai. Asiria lal lianchem Esarhadon nih hinah um ding hawng kan fialnâk thawk hen nan sawnh mi Pathian kha kan sawnh le, a sinah bâwlnâk tla kan ap,” an ti.

Ezra lasuibu 5:2

Churawhchun, Sealtiel fapa Zerubabel leh Jehozadak fapa Josua nih an thusim chu an theih le, Jerusalem ah Biakin sak chu anna dawmh le, khuavâng panih nih an ṭangpi na.

NEHEMIAH 11:36

Levi murui Juda ram ah um mi tla chu Benjamin mi tla sinah um ding hen ruat an si.

NEHEMIAH 12:10

Josua chu Joiakim pa asi; Joiakim chu Eliasib pa asi; Eliasib chu Joiada pa asi;

NEHEMIAH 12:2

Bâwlpu tla: Seraiah, Jeremia, Ezra, Amariah, Maluk, Hatus, Sekaniah, Rehum, Meremoth, Ido, Ginethoi, Abijah, Mijamin, Maadiah, Bilgah, Semaiah, Joiarib, Jedaiah, Sallu, Amok, Hilkiah, Jedaiah. Hi bang tla hi Josua dam liauah an hâwi bâwlpu lakah ruitu an si.

NEHEMIAH 7:7

Anmah ruitu tla chu Zerubabel, Josua, Nehemiah, Azariah, Raamiah, Nahamani, Mordekai, Bilsan, Mispereth, Bikvai, Nehum leh Baanah.

HAGAI LASUIBU 1:1

Persia lal Darias a lalnâk thawk hen a kum nihnâk a thla ruknâk a ni khat ni ah LALPA nih khuavâng Hagai mang hen thu a sim. Chu thuchah chu Juda lâirêltu, Sieltiel fapa Zerubabel leh Jehozadak fapa Bâwlpu Lian Josua rang ding mi asi.

HAGAI LASUIBU 1:12

Churawhchun, Zerubabel leh Josua, Babulon thawk hen saltâng hawng kîr mi zawzawng nih LALPA an Pathian nih ti ding hen a sim mi chu an ti rawh. LALPA mifial, khuavâng Hagai chu ṭih hen a thu an ngâi rawh.

HAGAI LASUIBU 1:14

LALPA nih Biakin sak ding hen mikip thinlung ah thinlung thawknâk a pêk: Zerubabel, Juda lâirêltu, Josua, Bâwlpu Lian leh sal tângnâk thawk hen hawng kîr mi zawzawng chu an si. Lal Darias a lalnâk thawk hen a kum nihnâk, a thla ruknâk ni kul leh ni li ah

HAGAI LASUIBU 2:2

Hagai rangah Juda lâirêltu Zerubabel leh Bâwlpu Lian Josua chu zapi tla thu va simh na ding hen simh na ti hen a simh.

ZEKARIA 6:11

Ngûn leh tangkasa an pêk mi hen lallukhuh siam le, Jehozadak fapa Bâwlpu Lian Josua lû ah khuhtir.