NEHEMIAH 1:7 - Bawm Common Language Bible Version

⁷ Sual tak hen na lakah thil kan ti le, na thupêk tla hâwi hen thil kan ti lo. Na to-aw Mosi mang hen Dân na kan pêk mi tla khawm kan zûl lo.

NEHEMIAH 1:7 ပူးပေါင်းရင်းမြစ်များ

1 Lal 2:3

LALPA na Pathian nih ti ding thu a nan pêk mi lakah bir tak hen um rawh. Mosi Dân ah rîn mi a thupêk leh a dân thu zawzawng zûl le, chu tikah na kalnâk kip ah thil zeizawng na ti mi kip chu tluang tak hen a um lai.

2 CHRONICLES 25:4

Mosi dân ah mi LALPA thupêk zûl hen an fa tla lam chu a thah piak na lo: “An fa tla nih mi an thah ruangah nu leh pa rangah thah ding asi lo, an nu leh an pa tla nih mi an thah ruangah an fa tla khawm thah ding asi lo; mi thahtupa cho thah ding asi,” ti mi hâwi hen.

2 CHRONICLES 27:2

A pa hâwi hen LALPA duhzia hen thil a ti le, sikhawmsele, a pa hâwi hen rimthâw lam chu a duah lo. Mi tla lam chu an sual nget rih.

Ezra lasuibu 7:6

Ezra chu LALPA Israel Pathian nih Mosi sinah a pêk mi Dân zawzawng theihtu asi. Ezra chu LALPA a Pathian nih mal a sâwm ruangah a deih mi zawng chu lal nih a pêk. Artakzerzes lâirêl kum sarihnâk ah Ezra chu Israel zapi minung tla, bâwlpu tla, Levi tla, Biakin tumphung leikâng tumtu murui, Biakin vêngtu leh rianṭuantu murui tla hen Babulon thawk hen an suak le, Jerusalem ah an kal.

SAM 106:6

Hawng kan thlâktu tla hâwi hen kan sual bâk le; kan ṭhalo hen kan sual.

SAM 89:31

ka sîntir na nâk an sunhsak lo hen ka thupêk tla an kil lo chun,

SAM 89:32

an sual ruangah ka rêp na lai le; an thilti diklo ruangah tuarnâk ka pêk na lai.

ISAI 1:4

Mi vânduai, phun sual tak, râwk hen um mi leh misual nan si! Nan sualnâk nih a nan niamtir na! LALPA Israel Pathian thenhlimh chu nan duh lo le, dunglei nan sît.

DANIAL 9:11

Israel tla zawzawng nih na dân tla an buar le, na thusim an ngâi duh lo, na lakah thilsual kan ti le, churuangah na to-aw Mosi dân ah rîn mi tla siat chu kan lakah na tlungtir.

DANIAL 9:13

LALPA, Pathian, tutiang khawm ah kan sual tla lêt hen thudik zûl hen nangmah lawmhtir kan tum lo nget rih.

HOSEA 9:9

Gibeah ah an um liau hâwitê hen an thilti lakah rinh an kâi lo. Pathian nih an sualnâk chu theih hen a rêp na lai.

LEVITICUS 27:34

Hi bang hi LALPA nih Israel tla rangah Mosi sinah Sinai Tlâng âh a pêk mi thupêk chu asi.

ZEPHANIAH 3:7

Churawhchun, ka mi tla nih an hawng ka zah lai rawh le, ka nunsimhnâk khawm an pawm hen ka sîntir na mi khawm an philh lai lo ti ka ruat. Sikhawmsele a lân a mi hâwitê hen ṭhalo tak hen an um nawlh sawm fâwn.

MALAKI 4:4

Ka to-aw Mosi sîntirnâk thupêk leh dân Sinai Tlângah Israel mi tla zawzawng nih zûl ding hen ka pêk mi kha theihkumza u.

DEUTERONOMY 4:1

Churawhchun, Mosi nih zapi tla sinah, “Ka nan sîntir na mi dân hi zûl ule, chu tikah LALPA an thlâk natu Pathian nih an pêk na mi ram nan luah lai le, nung dam hen nan um lai.

DEUTERONOMY 4:5

“LALPA ka Pathian nih dân zûl ding hawng ka simh mi zawng chu kan sîntir na rawh. Nan va rûn hen nan va luah ding mi ram ah chun nan zûl kumza ding asi.

DEUTERONOMY 5:1

Mosi nih Israel mi tla a pumh na le, an sinah, “Israel mi tla, tusûn ni ah dân kan pêk na mi zawzawng tla hi ngâi u. A sîn ule, nan zûl ding mi chu theihthiam u.

DEUTERONOMY 6:1

“Hi bang dân tla zawzawng hi LALPA nan Pathian nih a nan sîntir na ding hen thu hawng ka pêk mi chu asi. Chu ram ah nan va lût hen nan luah tikah zûl u.

THUPHUANG 19:2

a lâirêlnâk tla chu a dik hen â rep asi, anih nih chun nunau â zuar mi rokual tak, a hurnâk ruangah tual râwktu chu a thu a chek piak rawh, a to-aw tla a thah na mi phû chu a lam piak rawh,” a ti mi ka theih.