NEHEMIAH 1:6 - Bawm Common Language Bible Version

⁶ LALPA, hawng ka zauh le, na to-aw Israel mi tla rangah a sûn a zân hen thla ka cham mi hi hawng ka ngâi piak. Kannih Israel mi tla nih kan sualnâk tla ka hawng phuang asi. Hawng ka thlâktu leh kei nih thilsual kan ti rawh asi.

NEHEMIAH 1:6 ပူးပေါင်းရင်းမြစ်များ

1 Lal 8:30

Kei leh na mi tla nih hi mun lei hawi hen thla kan cham chun hawng kan ngâi piak. Na umnâk vân in thawk hen hawng kan ngâi le, hawng kan ngaihdam.

1 Lal 8:47

na mi tla thlachamnâk ngâi piak na rawh. Sal ah kalpi hen an umnâk ram ah an sual tla an phuang hen an rim chun an thlachamnâk ngâi piak na rawh LALPA.

2 CHRONICLES 28:10

Tuah nannih nih Jerusalem ah Juda nunau mipa hen sal ah siam nan tum na. Nannih khawm nih LALPA nan Pathian lakah thilsual nan ti mi nan theih lo ma?

2 CHRONICLES 29:6

Hawng kan thlâktu chu LALPA kan Pathian lakah zumhkâilo tak hen an um le, a duh lo kâng hen thil an ti. LALPA umnâk mun chu dunglei sît hen an kaltâk.

2 CHRONICLES 6:40

“Aw, ka Pathian, tuah hawng kan zauhnik le, hi mun ah thlachamnâk ka nan pêk mi ngâi.

Ezra lasuibu 10:1

Ezra chu Biakin tualmâi ah ṭap bû leh sual thutluang vâwr hen thla a cham liauah, Israel mi zapi tla mipa, nunau tla, ngâksia tla a kiangah an hawng a pûm le, ngaihsia tak hen an ṭap.

Ezra lasuibu 10:11

Tuah nan thlâktu tla LALPA Pathian sinah, amah lawmhtir ding hen nan sual tla thutluang vâwr u. Kan ram ah ramdang mi tla lakah a thliar ule, ramdang mi nupi neih bâng u,” a ti.

NEHEMIAH 1:11

Kei leh na to-aw dang nangmah ṭih leh zahtu tla thlachamnâk zawzawng hi tuah hawng kan ngâi piak rawh. Tusun ni ah hin dingchangnâk hawng ka pêk le, lal lianchem chu ka lakah khuaruattir,” ti hen. Chu liauah chun lal lianchem uain pêktu kasi.

SAM 102:17

A kaltâk mi minung tla a âwva lai le, an thlachamnâk a ngâi lai.

SAM 106:6

Hawng kan thlâktu tla hâwi hen kan sual bâk le; kan ṭhalo hen kan sual.

SAM 130:2

LALPA, ka âu hâu hi ngâi le, ṭangpi kan deihnâk hi hawng ka ngâi piak.

SAM 32:5

Churawhchun, ka sual tla na sinah ka hawng phuang le; ka thilti diklo tla chu pheh lo thlo hen ka phuang. Na sinah thutluang vâwr ding hen ka tum, chun nangnih ka sual zawzawng na ka ngaihdam rawh.

SAM 34:15

LALPA nih mirep tla chu a vêng na le, an âu hâu a ngâi piak na.

SAM 55:17

Ka deihnâk leh ka rûmnâk chu, zîng leh sûn leh zân khawm ah a sinah a tlung kumza le, ka aw-hâu a ngâi lai.

SAM 88:1

LALPA Pathian, ka ruangsuahtu, nî tlâk hen ka âu le, zân ah na mâika ah ka hawng.

ISAI 6:5

Kei nih, “Kei rangah lungumnâk a um lo rawh! Thu sual ka simnâk mûr ruangah mi vânduai kasi, thu sual simtu nâwngah um mi kasi. Sikhawmsele, ka mit ngelchel nih Lalchem, LALPA Zeizawng tikho chu ka muh rawh,” ka ti

LUNGFÂKNÂK 5:7

Hawng kan thlâktu tla nih thilsual an ti le, tu chun an kal ver rawh, anmah sualnâk ruangah kanmah nih kan tuar rawh.

DANIAL 9:15

“LALPA, kan Pathian, na mi tla Aigupta ram thawk hen na suah mi lakah na thiltikho zia na langh le, na thiltikho zia chu theih asi kumza asi. Thilsual kan ti le, thil diklo kan ti.

DANIAL 9:20

Thla ka cham vima le, keimah sualnâk leh Israel mi tla sualnâk thutluang ka vâwr le, LALPA, ka Pathian sinah Biakin dirh nawlh ding hen ka ngiar.

DANIAL 9:4

LALPA, ka Pathian sinah thla ka cham le, ka mi tla sualnâk thutluang ka vâwr. “LALPA, Pathian, nang chu na rokual le, ka nan zah asi. Nang chu na thutiam lakah zumh na kâi le, a nan dâwttu leh na thupêk hâwi hen thil titu tla sinah chun na dâwtnâk dawnglo na zauhtir na.

DANIAL 9:5

“Thilsual kan ti le, thil diklo kan ti. Thu na kan pêk mi tla chu ti ding kan duh lo le, thil dik na hawng kan muhtir mi chu kan hertâk.

DANIAL 9:8

LALPA, kan lal tla, kan lâirêltu tla leh hawng kan thlâktu tla nih na lakah ningzakkâi tak hen thilsual an ti asi.

LUK 18:7

An lakah a dawnh rih khawmsele a mi thîm, a sûn a zân hen amah auhtu tla phû chu Pathian nih a lam piak lai lo ma?

LUK 2:37

chun, chu nûnah kum sâwmriat leh kum li asi tiang â mei. Anih nih chun Pathian Biakin kaltâk lo hen a sûn a zân a buh ngei leh thlacham hen Pathian a sawnh tâwn.

EPHESI 2:3

Chubang lunglo fa tla lakah chun kannih khawm a lân chun taksa leh thinlung duhkâng ti hen, kan taksa duhnâk tla hâwi hen kan um ver le, midang tla hâwi ber hen Pathian thinrunhnâk tuar ding hen suak mi rêng kan si kha.

1 TIMOTHE 5:5

Numei tatak amah lâwng hen a um mi nih chun Pathian tlûnah lungumnâk a nei thlir le, sûn leh zân hen deih leh thlacham hen a um kumza tâwn.

2 TIMOTHE 1:3

Hawng ka thlâktu tla nih an ti hâwi hen, sia leh ṭha theihnâk fiang tak hen a rian ka ṭuan mi Pathian sinah lâwmthu tla ka sim. A sûn a zân hen ka thlachamnâk ah ka nan theihkumza tâwn asi.

1 JOHAN 1:9

Kan sual tla Pathian sinah thutluang kan vâwr chun, kan sual tla ngaihdam ding leh kanna replonâk zawzawng leh kan sual tla thiangtir ding hen, â rep hen zumh a kâi asi.

1 SAMUEL 15:11

“Saul lalchem ah ka siam mi chu thungâi ka sîr, kâng dang leiah âwn hen ka thupêk a ngâilo,” a ti. Samuel chu a thinthawk le, zân khuadei hen LALPA sinah a ngiar.